ཟླ་11པའི་ཚེས་7་ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཁུལ་ཨུའི་སྐབས་དགུ་པའི་ཚང་འཛོམས་གྲོས་ཚོགས་ཐེངས་བཅུ་པའི་གྲ་སྒྲིག་ལས་དོན་ཆེད་དོན་གྲོས་ཚོགས་འཚོགས་པར་གཙོ་སྐྱོང་གནང་། ཁོང་གིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་དོན་འཁྱོལ་བྱས་ཏེ།ཚད་གཞི་མཐོན་པོ་དང་སྤུས་ཚད་མཐོན་པོའི་ངང་ཁུལ་ཡོངས་ཀྱི་“ལོ་ལྔ་ཚན་བཅོ་ལྔ་པའི་”འཆར་འགོད་སྒྲིག་བཟོ་དང་ཚང་འཛོམས་གྲོས་ཚོགས་ཀྱི་གྲ་སྒྲིག་ལས་དོན་ཁག་སྐུལ་འདེད་གཏོང་ཞིང་། ཏན་ཏིག་ངང་2026ལོའི་ལས་འགན་གཙོ་གནད་འཆར་འགོད་ཡག་པོ་བྱས་ནས། “ལོ་ལྔ་ཚན་བཅོ་ལྔ་པའི་”འགོ་ཡག་པོ་ཚུགས་པར་རྨང་གཞི་བརྟན་པོ་འདིང་དགོས་ཞེས་ནན་གསུང་གནང་། 

    གྲོས་ཚོགས་ཐོག་ཁུལ་ཨུ་སྐབས་དགུ་པའི་ཚང་འཛོམས་གྲོས་ཚོགས་ཐེངས་བཅུ་པའི་གྲ་སྒྲིག་ལས་དོན་གྱི་གནས་ཚུལ་དང་《ཀྲུང་གུང་བདེ་ཆེན་ཁུལ་ཨུས་བདེ་ཆེན་ཁུལ་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་“ལོ་ལྔ་ཚན་བཅོ་ལྔའི”འཆར་འགོད་གཏན་འབེབས་བྱས་པའི་སྐོར་གྱི་གྲོས་གཞི་》འཆར་ཟིན་གྱི་གནས་ཚུལ་ཉན་ཏེ། ཚོགས་ཞུ་འགོ་ཁྲིད་དང་ཁུལ་རིམ་པའི་འབྲེལ་ཡོད་སྡེ་ཁག་གི་འགན་འཁུར་བློ་མཐུན་གཙོ་བོས་ལས་དོན་དངོས་དང་ཟུང་འབྲེལ་བྱས་ཤིང་བསམ་འཆར་གྲོས་གཞི་འདོན།

    གྲོས་ཚོགས་ཐོག་ནན་བཤད་གནང་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་མཛུབ་ཁྲིད་བྱས་པར་རྒྱུན་འཁྱོངས་བྱས་ཏེ། ཀྲུང་དབྱང་གི་འཐབ་ཇུས་བཀོད་སྒྲིག་དང་ཞིང་ཨུའི་ལས་དོན་བླང་བྱའི་ཚད་གཞི་ལྟར། “ལོ་ལྔ་ཚན་བཅོ་ལྔ་པའི་”དུས་སྐབས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་སྤྱིའི་བསམ་བློ་དང་རྩ་དོན་གལ་ཆེན། དམིགས་ཡུལ་གཙོ་བོ། འཐབ་ཇུས་ལས་འགན།  བྱ་ཐབས་གལ་ཆེན་བཅས་ཁོང་དུ་ཡང་དག་ཆུད་དེ།  རང་འགུལ་ངང་བདེ་ཆེན་དེ་རྒྱལ་ཡོངས་དང་ཞིང་ཆེན་ཡོངས་ཀྱི་“ལོ་ལྔ་ཚན་བཅོ་ལྔ་པའི་”འཕེལ་རྒྱས་ཁྱོན་ཡོངས་ཀྱི་འཆར་འགོད་ཐོག་བཞག་ནས།  རང་ཁུལ་གྱི་“ལོ་ལྔ་ཚན་བཅོ་ལྔ་པའི་”འཆར་འགོད་ཀྱི་《གྲོས་གཞི་》དང་《རྩ་གནད་》དེ་མཛུབ་ཁྲིད་བསམ་བློ་དང་དམིགས་ཡུལ་གཏན་ཁེལ།  ལས་འགན་བཀོད་སྒྲིག་ཐོག་མཉམ་མཐུན་མཉམ་དར་ཡོང་བར་འགན་ལེན་བྱ་དགོས།  འཕེལ་རྒྱས་ཀྱི་དུས་རིམ་གསར་པའི་དམིགས་ཡུལ་བླང་བྱ་ཁོང་དུ་ཡང་དག་ཆུད་དེ། སྔོན་ལྟ་རང་བཞིན་གྱི་འཆར་འགོད་ཤུགས་སྣོན་རྒྱག་པ་དང་བདེ་ཆེན་གྱི་དོན་དངོས་དང་ཟུང་འབྲེལ་གཏིང་ཟབ་བྱས་ནས། རང་ཁུལ་གྱི་“ལོ་ལྔ་ཚན་བཅོ་ལྔ་པའི་”དུས་རིམ་གྱི་དམིགས་ཡུལ་ཚུགས་གནས་དང་འཕེལ་རྒྱས་ལམ་བུ་དབྱེ་ཞིབ་གསལ་པོ་བྱ་དགོས། རྒྱ་ཁྱབ་ངང་བསམ་འཆར་བསྡུ་ལེན་བྱས་པ་དང་གང་ལེགས་ངང་དམངས་གཙོ་དར་སྤེལ་གཏོང་བ། ཕྱོགས་ཁག་གི་བློ་རིག་གཅིག་བསྡུས་བྱས་ཏེ། “ལོ་ལྔ་ཚན་བཅོ་ལྔ་པའི་”འཆར་འགོད་དེ་བདེ་ཆེན་གྱི་དོན་དངོས་དང་མཐུན་པ་དང་འཕེལ་རྒྱས་ཀྱི་ཆོས་ཉིད་དང་བསྟུན་པ།  དུས་རབས་ཀྱི་ཁྱད་ཆོས་ལྡན་པ།  མི་དམངས་ཀྱི་འདོད་བློ་མཚོན་པར་འགན་ལེན་བྱས་ནས། ནུས་ཤུགས་ཡོད་རྒུས་ཀྲུང་གོ་ལུགས་ཀྱི་དེང་རབས་ཅན་གྱི་བདེ་ཆེན་ལག་བསྟར་སྐུལ་འདེད་གཏོང་བར་ཚན་རིག་དང་མཐུན་པའི་ཁྲིད་སྟོན་མཁོ་འདོན་བྱ་དགོས། 

གྲོས་ཚོགས་ཐོག་བླང་བྱ་བཏོན་དོན།

གཅིག་འགྱུར་འཆར་འགོད་བྱས་པར་ཤུགས་སྣོན་རྒྱག་སྟེ། ཁུལ་ཡོངས་ཀྱི་ལས་དོན་གཙོ་གནད་དང་རྣམ་གྲངས་གལ་ཆེན་འཛུགས་སྐྲུན་བྱས་པར་གཅིག་བསྡུས་བྱས་ཤིང་། འཆར་འགོད་ཀྱི་《གྲོས་གཞི་》ནང་དོན་འཐུས་ཚང་དུ་གཏོང་ནས།  འཆར་འགོད་ཀྱི་《གྲོས་གཞི་》དང་《རྩ་གནད་》དེ་སྦྲེལ་མཐུད་ནུས་ལྡན་དང་ངོ་བོ་གཏན་འཁེལ་བྱས་པའི་བླང་བྱ།  གྲངས་བཅད་ཚད་གཞི་བཅས་ཕན་ཚུན་རྒྱབ་སྐྱོར་བྱས་པར་སྐུལ་འདེད་གཏོང་དགོས། དམིགས་ཡུལ་ལས་འགན་ཞིབ་ཚགས་བཟོས་ཏེ། “ལོ་ལྔ་ཚན་བཅོ་ལྔ་པའི་”འཕེལ་རྒྱས་ཀྱི་སྤྱིའི་བཀོད་སྒྲིག་ལ་དམིགས་ནས།ཚན་རིག་དང་མཐུན་པའི་ངང་ལོ་འཁོར་གྱི་ལས་དོན་དམིགས་ཡུལ་གཏན་འབེབས་བྱས་ཏེ།  དུས་རིམ་གསལ་པོ་དང་ལས་འགན་ཞིབ་ཕྲ།  གོ་རིམ་ལྡན་པའི་ངང་སྐུལ་འདེད་གཏོང་བར་སྒྲུབ་ཐུབ་དགོས།  ལས་དོན་འགན་འཁྲི་དོན་འཁྱོལ་བྱས་ཏེ།  ཡིག་ཆ་འཆར་ཟིན་དང་ཚོགས་དོན་རྩ་འཛུགས།  དྲིལ་བསྒྲགས་ཁྲིད་སྟོན་སོགས་ལས་དོན་ཁག་སྐུལ་འདེད་ཇེ་མགྱོགས་གཏོང་ནས། ཚང་འཛོམས་གྲོས་ཚོགས་བདེ་བླག་ངང་འཚོགས་པར་འགན་ལེན་བྱ་དགོས།  

    ལུའུ་ཀྲི་ཅུན་དང་དབྱང་ཞུའེ་ཝུན་གྲོས་ཚོགས་ནང་ཞུགས།