འཕྲིན་ལན།

ཀྲུང་གུང་ཚོགས་ཆེན་དང་པོའི་དྲན་གསོ་ཁང་དང་ནན་ཧུའུ་མཚེའུ་གསར་བརྗེའི་དྲན་གསོ་ཁང་གི་ལོ་ཆུང་གདོང་ལེན་རུ་ཁག་གི་སྐེ་དར་དམར་པོའི་འཆད་འགྲེལ་པ་རྣམས་ལ།

འཕྲིན་ཡིག་འབྱོར་བྱུང་། ཁྱེད་ཚོས་ཚོགས་ཆེན་དང་པོ་འཚོག་ཡུལ་དང་ནན་ཧུའུ་མཚེའུ་ཡི་གྲུ་དམར་འགྲམ་དུ་ཏང་གི་ལོ་རྒྱུས་དང་། གསར་བརྗེའི་གཏམ་རྒྱུད། དཔའ་བོའི་མཛད་རྗེས་བཅས་བརྩེ་བ་ཟབ་མོས་གླེང་ནས་ཏང་ལ་དགའ་ཞེན་དང་། རྒྱལ་ཁབ་ལ་དགའ་ཞེན། སྤྱི་ཚོགས་རིང་ལུགས་ལ་དགའ་ཞེན་བཅས་ཀྱི་བརྩེ་སེམས་ཟབ་ཏུ་བཏང་བ་དང་སྦྲགས། ཞུན་བརྡར་དང་འཚར་ལོངས་བྱུང་བར་ང་རང་དགའ་ཚོར་ཆེན་པོ་བྱུང་།

ད་ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་105འཁོར་བའི་ལོ་ཡིན་ཞིང་། ཏང་གི་བྱ་གཞག་ལ་མི་རབས་ནས་མི་རབས་བར་རྒྱུན་མཐུད་ནས་འབད་འཐབ་བྱེད་དགོས། ཁྱེད་ཚོས་རུ་དར་མཐོན་པོར་བསྒྲེངས་ཏེ་ཏང་གི་རྗེས་སུ་འབྲང་བ་དང་། གསར་བརྗེའི་ས་བོན་རྒྱུན་འཛིན་བྱེད་པ། ཤེས་བྱ་དང་འཇོན་ཐང་ཆེ་རུ་གཏོང་བ། བློ་སྟོབས་དང་གཤིས་རྒྱུད་ལ་ཞུན་བརྡར་སྤྲོས་པ། ཏང་དང་མི་དམངས་ཀྱི་གསར་བརྗེའི་བུ་ཕྲུག་ཡག་པོ་ཞིག་བཅས་བྱས་ནས། རྒྱང་ལམ་གསར་པར་ལོ་རྒྱུས་ཀྱི་རྒྱུག་མཐུད་འགྲན་བསྡུར་ནང་ཡག་པོ་རྒྱུག་དགོས།

“དྲུག་གཅིག”རྒྱལ་སྤྱིའི་བྱིས་པའི་དུས་ཆེན་འཆར་ལ་ཉེ་བས། ཁྱེད་ཚོ་དང་རྒྱལ་ཡོངས་ཀྱི་གྲོགས་པོ་ཆུང་ཆུང་ཚོར་དུས་ཆེན་ལ་རྟེན་འབྲེལ་ཞུ་གི་ཡིན།

ཞི་ཅིན་ཕིང་། 

2026ལོའི་ཟླ་5ཚེས་30ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་5ཚེས་31ཉིན་འབྱོར་བའི་གློག་འཕྲིན)

ཤིན་ཧྭ་གསར་འགྱུར་ཁང་པེ་ཅིང་ནས་ཟླ་5ཚེས་31ཉིན་གློག་འཕྲིན་འབྱོར་གསལ། “དྲུག་གཅིག”རྒྱལ་སྤྱིའི་བྱིས་པའི་དུས་ཆེན་འཆར་ཉེའི་མཚམས་སུ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཀྲུང་གུང་ཚོགས་ཆེན་དང་པོའི་དྲན་གསོ་ཁང་དང་ནན་ཧུའུ་མཚེའུ་གསར་བརྗེའི་དྲན་གསོ་ཁང་གི་ལོ་ཆུང་གདོང་ལེན་རུ་ཁག་གི་སྐེ་དར་དམར་པོའི་འཆད་འགྲེལ་པར་འཕྲིན་ལན་སྤྲིངས་ནས་ཁོང་ཚོར་བྱམས་བརྩེའི་སྐུལ་ལྕག་གནང་བ་མ་ཟད། ཁོང་ཚོ་དང་རྒྱལ་ཡོངས་ཀྱི་ལོ་ཆུང་བྱིས་པ་རྣམས་དུས་ཆེན་སྤྲོ་པོ་ཡོང་བའི་སྨོན་འདུན་ཡང་ཞུས་གནང་བ་རེད།

ཞི་ཅིན་ཕིང་གིས་འཕྲིན་ལན་ནང་གསུངས་དོན། ཁྱེད་ཚོས་ཚོགས་ཆེན་དང་པོ་འཚོག་ཡུལ་དང་ནན་ཧུའུ་མཚེའུ་ཡི་གྲུ་དམར་འགྲམ་དུ་ཏང་གི་ལོ་རྒྱུས་དང་། གསར་བརྗེའི་གཏམ་རྒྱུད། དཔའ་བོའི་མཛད་རྗེས་བཅས་བརྩེ་བ་ཟབ་མོས་གླེང་ནས་ཏང་ལ་དགའ་ཞེན་དང་། རྒྱལ་ཁབ་ལ་དགའ་ཞེན། སྤྱི་ཚོགས་རིང་ལུགས་ལ་དགའ་ཞེན་བཅས་ཀྱི་བརྩེ་སེམས་ཟབ་ཏུ་བཏང་བ་དང་སྦྲགས། ཞུན་བརྡར་དང་འཚར་ལོངས་བྱུང་བར་ང་རང་དགའ་ཚོར་ཆེན་པོ་བྱུང་།

ཞི་ཅིན་ཕིང་གིས་ནན་བཤད་གནང་དོན། ད་ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་105འཁོར་བའི་ལོ་ཡིན་ཞིང་། ཏང་གི་བྱ་གཞག་ལ་མི་རབས་ནས་མི་རབས་བར་རྒྱུན་མཐུད་ནས་འབད་འཐབ་བྱེད་དགོས། ཁྱེད་ཚོས་རུ་དར་མཐོན་པོར་བསྒྲེངས་ཏེ་ཏང་གི་རྗེས་སུ་འབྲང་བ་དང་། གསར་བརྗེའི་ས་བོན་རྒྱུན་འཛིན་བྱེད་པ། ཤེས་བྱ་དང་འཇོན་ཐང་ཆེ་རུ་གཏོང་བ། བློ་སྟོབས་དང་གཤིས་རྒྱུད་ལ་ཞུན་བརྡར་སྤྲོས་པ། ཏང་དང་མི་དམངས་ཀྱི་གསར་བརྗེའི་བུ་ཕྲུག་ཡག་པོ་ཞིག་བཅས་བྱས་ནས། རྒྱང་ལམ་གསར་པར་ལོ་རྒྱུས་ཀྱི་རྒྱུག་མཐུད་འགྲན་བསྡུར་ནང་ཡག་པོ་རྒྱུག་དགོས། (འཕྲིན་ལན་གྱི་ནང་དོན་ཆ་ཚང་ལོགས་སུ་བཀོད་ཡོད)

2021ལོར“ཏང་གི་གཏམ་རྒྱུད་ང་ཡིས་ཤོད། སྐེ་དར་དམར་པོའི་འཆད་འགྲེལ་པ་ཡག་པོ་ཞིག་བྱེད”ཅེས་པའི་ལག་ལེན་ཉམས་ལེན་གྱི་བྱེད་སྒོ་དངོས་སུ་སྤེལ་འགོ་ཚུགས་པ་དང་། ས་གནས་ཁག་གིས་ལོ་ཆུང་གདོང་ལེན་རུ་མི་སྒྲིག་འཛུགས་བྱས་ཏེ་གསར་བརྗེའི་གནས་ཡུལ་དུ་ཏང་གི་ལོ་རྒྱུས་སློབ་སྦྱོང་དང་ཏང་གི་གཏམ་རྒྱུད་འཆད་འགྲེལ་བྱེད་པར་བསྐྱོད་ཡོད། ཉེ་ཆར། ཧྲང་ཧའེ་ཀྲུང་གུང་ཚོགས་ཆེན་དང་པོའི་དྲན་གསོ་ཁང་དང་ཀྲེ་ཅང་ཅ་ཤིང་ནན་ཧུའུ་མཚེའུ་གསར་བརྗེའི་དྲན་གསོ་ཁང་གི་ལོ་ཆུང་གདོང་ལེན་རུ་ཁག་གི་སྐེ་དར་དམར་པོའི་འཆད་འགྲེལ་པའི་འཐུས་མིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ནས་འཆད་འགྲེལ་བྱེད་སྒོར་ཞུགས་པའི་གྲུབ་འབྲས་དང་འཚར་ལོངས་གནས་ཚུལ་སྙན་སེང་ཞུས་ཏེ། དུས་རབས་གསར་པའི་ལོ་ཆུང་ཡག་པོ་ཞིག་བྱེད་པའི་ཆོད་སེམས་མཚོན་པར་བྱས་པ་རེད།