ཟླ་3ཚེས་7ཉིན་ནས་ཚེས་11ཉིན་བར་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་འཇོལ་རྫོང་དང་འབའ་ལུང་རྫོང་དུ་སོང་ནས་གཞི་རིམ་གྱི་སྤྱི་ཚོགས་བཅོས་སྐྱོང་དང་། དགོན་སྡེ་དོ་དམ། ཕྱོགས་བསྡུས་བརྟན་ལྷིང་སྲུང་སྐྱོང་སོགས་གཙོ་གནད་ལས་དོན་ལ་བརྟག་ཞིབ་གནང་བ་རེད། ཁོང་གིས་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་བརྟན་པོ་འཛུགས་པ་དང་།དུས་རབས་གསར་པའི“ཧྥེང་ཆའོ་ཡི་ཉམས་མྱོང་”མཐའ་འཁྱོངས་དང་འཕེལ་རྒྱས་གཏོང་བ།གཞི་རིམ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་གྱི་ཆུ་ཚད་ཟམ་མི་ཆད་པར་མཐོ་རུ་གཏོང་བ་བཅས་བྱས་ནས་ཁུལ་ཡོངས་ཀྱི་སྤྱི་ཚོགས་སྤྱི་ཡོངས་ཞི་མཐུན་བརྟན་ལྷིང་ཡོང་བའི་འགན་ལེན་བྱེད་དགོས་པའི་ནན་བཤད་གནང་།

ཁུལ་ཨུའི་ཧྲུའུ་ཅི་གཞོན་པ་ཀྲུའུ་པའོ་ཧྥུའུ་བརྟག་ཞིབ་ནང་ཞུགས་པ་རེད།

ཟླ་3ཚེས་10ཉིན་ལུའོ་ཁྲའོ་ཧྥེང་དང་བཅས་པས་འཇོལ་རྫོང་ཡུན་ལིང་དངུལ་ཕུ་གྲོང་སྡེ་དགའ་ལྡན་ཡངས་པ་ཅན་དུ་བརྟག་ཞིབ་གནང་བ་རེད།

འཇོལ་རྫོང་ཀོང་རྩེད་ར་གྲོང་རྡལ་ཕྱོགས་བསྡུས་བཅོས་སྐྱོང་ལྟེ་གནས་དང་མངགས་གཏོང་ཁང་།འབའ་ལུང་རྫོང་མཐའ་ཆུ་གྲོང་རྡལ་མངགས་གཏོང་ཁང་བཅས་སུ་ལུའོ་ཁྲའོ་ཧྥེང་གིས་ས་གནས་ས་ཐོག་ཏུ་ལྟ་ཞིབ་དང་།རྩིས་ཐོར་ལྟ་ཞིབ།སྙན་སེང་ཉན་པ་སོགས་ཀྱི་བྱེད་ཐབས་བརྒྱུད་འགལ་ཟླ་དང་རྩོད་གཞི་གྲལ་བཤེར་འདུམ་འགྲིག་དང་།དྲ་མིག་ཅན་གྱི་ཞབས་ཞུ་དོ་དམ།དམིགས་བསལ་ཚོགས་སྤྱིའི་ཞབས་ཞུ་དོ་དམ་སོགས་ཀྱི་ལས་དོན་སྤེལ་ཚུལ་མཁྱེན་རྟོགས་ཞིབ་ཕྲ་གནང་བ་རེད།ཀོང་རྩེད་ར་གྲོང་རྡལ་ཡེ་དབྱང་གྲོང་ཚོའི་གྲོང་ཚོ་ཨུ་ལྷན་དུ་ཁོང་གིས་གྲོང་ཚོའི་ལས་བྱེད་པ་དང་བྱམས་བརྩེའི་ངང་གླེང་མོལ་གནང་ནས་ཕྱོགས་བསྡུས་བཅོས་སྐྱོང་དང་། དྲ་མིག་ཅན་གྱི་དོ་དམ། འགན་གཙང་ལམ་སྲོལ་དོན་འཁྱོལ་སོགས་ཀྱི་ལས་དོན་སྤེལ་ཚུལ་གཙོ་གནད་ཐོག་བཀའ་འདྲི་གནང་བ་རེད།

ལུའོ་ཁྲའོ་ཧྥེང་གིས་ནན་བཤད་གནང་དོན།ཁུལ་དང་རྫོང（གྲོང་ཁྱེར）དང་ཤང（གྲོང་རྡལ）བཅས་རིམ་པ་གསུམ་གྱི་ཕྱོགས་བསྡུས་བཅོས་སྐྱོང་ལྟེ་གནས་མཉམ་འགུལ་བཅོས་སྐྱོང་མ་ལག་འཐུས་སྒོ་ཚང་དུ་བཏང་ནས་འབྲེལ་ཡོད་སྡེ་ཚན་གྱི་ཆ་འཕྲིན་སྤེལ་རེས་དང་།ཐོན་ཁུངས་མཉམ་སྤྱོད།ལས་དོན་མཉམ་འགུལ་བཅས་ཀྱི་ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ་དང་།དབང་འགན་གསལ་ཐོ་ཁ་གསལ་བཟོ་བ།ལས་ཀའི་བརྒྱུད་རིམ་ལེགས་སུ་གཏོང་བ་བཅས་བྱས་ཏེ“མངག་བཀོད་དང་།སྒྲུབ་སྐུལ།ལྡོག་ལན་སྤྲོད་པ”བཅས་ཀྱི་བཀག་སྡོམ་དོ་དམ་བྱེད་སྟངས་ཤིག་ཆགས་པ་བྱེད་དགོས་པ།ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་སྣེ་ཁྲིད་བྱེད་ཤུགས་མུ་མཐུད་ཆེ་རུ་གཏོང་བ་དང་།ལས་བྱེད་པས་འགན་གཙང་སྤྲོད་པའི་ལམ་སྲོལ་དོན་འཁྱོལ་གཏིང་ཟབ་བྱེད་པ།དྲ་མིག་ཅན་གྱི་དོ་དམ་མ་ལག་འཐུས་ཚང་དུ་གཏོང་བ།དྲ་མིག་ཅན་གྱི་དོ་དམ་མི་སྣ་དང་།གྲོང་སྡེ་ཚོགས་པའི་ལས་བྱེད་པ།ཏང་ཡོན་མང་ཚོགས་སོགས་གཞི་རིམ་གྱི་སྟོབས་ཤུགས་གཅིག་གྱུར་འཆར་འགོད་དང་བེད་སྤྱོད་ཡག་པོ་བྱེད་པ།ཞབས་ཞུ་དོ་དམ་ལ་བར་གསེང་མེད་པ་དང་ཁྱོན་ཡོངས་ལ་ཁྱབ་རྒྱུ་འགན་ལེན་བཅས་བྱས་ཏེ་གཞི་གྲངས་གསལ་པོ་དང་།གནས་ཚུལ་གསལ་བ།འཕེལ་ཕྱོགས་གནད་ལ་འཁེལ་བ་བཅས་ཐུབ་པ་བྱེད་དགོས།འགལ་ཟླ་དང་རྩོད་གཞིའི་འབྱུང་རྩ་བཅོས་སྐྱོང་ལ་རྒྱུན་མཐུད་ངང་ཤུགས་སྣོན་རྒྱག་པ་དང་།གཙོ་གནད་ཁྱབ་ཁོངས་དང་།གཙོ་གནད་མི་ཚོགས།གཙོ་གནད་དུས་མཚམས་བཅས་ལ་དམ་པོར་དམིགས་པ།མཐིལ་རྟོགས་གྲལ་བཤེར་དང་།དབྱེ་ཞིབ།སེལ་བ།ཚོད་འཛིན་བཅས་དམ་འཛིན་ཏན་ཏིག་བྱས་ཏེ།འགལ་ཟླའི་ཉེན་ཁ“སྔོན་ལ་སྔོན་འགོག་དང་།སྔ་ཙམ་ཤེས་རྟོགས།ཆུང་ཐོག་ཐག་གཅོད་བཅས་བྱེད་དགོས”ཐུབ་པ་བྱེད་དགོས།

ཟླ་3ཚེས་8ཉིན་ལུའོ་ཁྲའོ་ཧྥེང་དང་བཅས་པས་འབའ་ལུང་རྫོང་མཐའ་ཆུ་གྲོང་རྡལ་དགོན་སྡེ་དོ་དམ་ཅུས་སུ་བརྟག་ཞིབ་གནང་བ་རེད།

འབའ་ལུང་རྫོང་མཐའ་ཆུ་གྲོང་རྡལ་དགོན་སྡེ་དོ་དམ་ཅུས་དང་འཇོལ་རྫོང་ཡུན་ལིང་ཤང་དངུལ་ཕུ་གྲོང་ཚོའི་ཧུང་ཧོར་དགའ་ལྡན་ཡངས་པ་ཅན་དུ་ལུའོ་ཁྲའོ་ཧྥེང་གིས་དགོན་སྡེ་དོ་དམ་གྱི་ལས་བྱེད་པ་དང་དགེ་འདུན་པའི་འཐུས་མི་དང་ངོ་ཐུག་ནས་སྤེལ་རེས་བྱས་ཏེ་དགོན་པའི་རྒྱུན་གཏན་གྱི་དོ་དམ་དང་ཆོས་ལུགས་བྱེད་སྒོ་སྤེལ་ཚུལ་དང་དེ་བཞིན་ལམ་ལུགས་ཁག་དོན་འཁྱོལ་བྱས་ཚུལ་མཁྱེན་རྟོགས་ཞིབ་ཕྲ་གནང་བ་རེད།ཁོང་གིས་དགེ་འདུན་པའི་འཚོ་བའི་ཆ་རྐྱེན་དང་།ལས་ཀའི་གནས་ཚུལ།དཀའ་ངལ་དངོས་བཅས་བཀའ་འདྲི་གནང་བ་དང་འབྲེལ་ནས་ཁོ་ཚོའི་བསམ་འཆར་དང་གྲོས་འགོ་ལ་ཡང་ནན་ཏན་གྱིས་ཉན་པ་རེད།

ལིའོ་ཝུན་ཚའེ་དང་ཞུང་ཝུན་པིན།འཇོལ་རྫོང་དང་འབའ་ལུང་རྫོང་གི་འགོ་ཁྲིད་གཙོ་བོ་བཅས་སོ་སོར་བརྟག་དཔྱད་ཞིབ་འཇུག་བྱེད་པར་ཞུགས།