ལྷོ་ནུབ་ས་ཁུལ་གྱི་ཕན་ཤིས་ཀྱི་ཆན་ཧྥུའུ་1000གི་ཆེས་མཐོ་གནོན་སྤེལ་རྒྱུག་ལས་གྲྭ་ལས་འགོ་ཚུགས་ནས་སི་ཁྲོན་ལེང་ཧྲན་དང་། དབྱི་པིན། ལེ་ཧྲན་བཅས་བརྒྱུད་གསར་སྐྲུན་སྐུད་ལམ་གྱི་སྤྱིའི་རིང་ཚད་ལ་སྤྱི་ལེ་994ཟིན་པ་དང་། ལམ་རྒྱུད་ཀྱི་ས་བབ་མཐོ་ཤོས་སྨི་3600ལྷག་ཙམ་ཟིན་པ། བསྐྲུན་རྗེས་ཕན་ཤིས་ས་ཁུལ་གྱི་ནུས་རྒྱུ་གཙང་མའི་ཕྱིར་འདྲེན་ནུས་པ་མངོན་གསལ་དོད་པོས་ཆེ་རུ་འགྲོ་རྒྱུ་ཡིན་པ་དང་། བྱང་རྒྱུད་མཚོ་ཁུལ་གྱི་དབུས་རྒྱུད་དུ་ཆན་ཧྥུའུ་220ཡི་མཚོ་སྒྲོལ་དྲ་སྦྲེལ་ལས་གྲྭ་བེད་སྤྱོད་གཏོང་འགོ་ཚུགས་པ་དེ་ཐོག་ནས་ཀོང་ཤིས་ཝུའེ་ཀྲོའུ་གླིང་ཕྲན་གྱི་གློག་མཁོ་འདོན་དེ་དྲ་རྒྱ་རྐྱང་པས་གཉེར་སྐྱོང་བྱེད་མཇུག་འགྲིལ་ནས་གློག་དྲ་གཙོ་བོ་དང་འབྲེལ་མཐུད་ཐུབ་པ་མཚོན་ཡོད། ད་ལོ་ནས་བཟུང་། གཙོ་གནད་གློག་ཤུགས་ལས་གྲྭ་ཁག་གཅིག་གི་འཛུགས་སྐྲུན་ལ་སྐུལ་འདེད་ཧུར་ཐག་གཏོང་བཞིན་ཡོད།

དུས་ཚིགས་དང་པོར། རྒྱལ་ཁབ་གློག་དྲས་གཏན་འཇགས་རྒྱུ་ནོར་ལ་མ་འཇོག་སྒོར་དུང་ཕྱུར་1290ལྷག་ཙམ་ལེགས་གྲུབ་ཟིན་པ་དེ་དུས་མཚུངས་ལས་37%འཕར་ནས་ཐོན་ལས་འཁོར་འབྲེལ་གྱི་གོང་འོག་ལ་མ་འཇོག་བྱེད་ཚད་སྒོར་དུང་ཕྱུར་2500ལྷག་ཙམ་ཟིན་ཡོད། དེའི་ནང་། ནུས་རྒྱུ་གསར་པའི་དྲ་སྦྲེལ་ལས་གྲྭར་མ་འཇོག་བྱེད་ཚད་སྒོར་དུང་ཕྱུར་100ལྷག་ཙམ་ལེགས་གྲུབ་ཟིན་པ་དེ་དུས་མཚུངས་ལས་50%ལྷག་ཙམ་འཕར་བ་དང་། གློག་བགོས་དྲ་རྒྱར་མ་འཇོག་བྱེད་ཚད་སྒོར་དུང་ཕྱུར་568ལེགས་གྲུབ་ཟིན་ཏེ་རིམ་ཁག་གློག་དྲར་མ་འཇོག་བྱེད་པའི་བསྡུར་ཚད་ཀྱི་55%བཟུང་ནས་གྲོང་ཁྱེར་དང་གྲོང་གསེབ་ཀྱི་གློག་མཁོ་འདོན་གྱི་བློས་འཁེལ་རང་བཞིན་དང་ཞབས་ཞུའི་སྤུས་ནུས་རྒྱུན་མཐུད་མཐོ་རུ་ཕྱིན་ཡོད།

དུས་ཚིགས་དང་པོར། ལྷོ་ཕྱོགས་གློག་དྲས་གཏན་འཇགས་རྒྱུ་ནོར་ལ་མ་འཇོག་སྒོར་དུང་ཕྱུར་384.5ལེགས་གྲུབ་བྱས་པ་དེ་དུས་མཚུངས་ལས་49.5%འཕར་ཡོད། དེའི་ནང་། བོད་ཀྱི་ཤར་ལྷོ་ནས་གཡོད་ཀང་ཨའོ་ཁུག་ཆེན་ཁུལ་བར་གྱི་ཐད་རྒྱུག་ལས་གྲྭས་དུས་ཚིགས་དང་པོར་མ་འཇོག་ལེགས་གྲུབ་བྱེད་ཚད་ཐོག་མའི་འཆར་གཞི་ལས་ལྡབ་གཅིག་འཕར་ཡོད། མིག་སྔར། བོད་ཀྱི་ཤར་ལྷོ་ནས་གཡོད་ཀང་ཨའོ་ཁུག་ཆེན་ཁུལ་བར་གྱི་ཐད་རྒྱུག་ལས་གྲྭའི་གློག་རྒྱུན་བསྒྱུར་ཚིགས་ཆུང་གྲས་དང་དབུས་རྒྱུད་ཀྱི་གློག་རྒྱུན་བསྒྱུར་ཚིགས་ཀྱི“གསུམ་ཁྲིད་གཅིག་སྙོམས”ཀྱི་སྤྱི་ཡོངས་ཀྱི་མྱུར་ཚད་20%ལེགས་གྲུབ་ཟིན་པ་དང་། ཧུའུ་ནན་དང་ཀུའེ་ཀྲོའུ་ཡི་གློག་རྒྱུན་རྒྱབ་སྤྲོད་བརྗེ་སའི“གསུམ་ཁྲིད་གཅིག་སྙོམས”ཀྱི་སྤྱི་ཡོངས་ཀྱི་མྱུར་ཚད་25%ལྷག་ཙམ་ལེགས་གྲུབ་ཟིན་པ། ཧའེ་ནན་ནས་ཀོང་ཏུང་བར་གྱི་གློག་ཤུགས་སྟབས་བསྟུན་ཕན་གསབ་ལས་གྲྭར་ཞིབ་དཔྱད་ཆོག་འཐུས་དང་ས་ཆུ་སྲུང་འཛིན་གྱི་མཆན་བཀོད་བཀའ་ལན་སྔ་སྣུར་དུ་ཐོབ་ཡོད་པ་རེད།