སྤྱིར་བཏང་གི་ཆམ་པ་བརྒྱབ་ན་སྣ་ཁུང་འགག་པ་དང་། སྣ་ཆུ་ཐོན་པ། ཧབ་སྦྲིད་རྒྱག་པ་སོགས་ཀྱི་ནད་རྟགས་ཐོན་ཀྱི་ཡོད་ལ། ཚ་བ་བརྒྱབ་ནའང་ཚ་བ་ཆེན་པོ་རྒྱག་གི་མེད་པ་དང་། སྤྱིའི་ཆ་ནས་ཉིན་3ནས་5ཡི་ནང་དྲག་གི་ཡོད། 

    ཆམ་རིམས་ཀ་པ་ཕོག་པ་ཡིན་ན། ཚ་བ་ཆེན་པོ་ཡུན་རིང་པོ་རྒྱག་གི་ཡོད་པ་མ་ཟད། འདིའི་ནད་རྟགས་གཙོ་བོ་ནི་གློ་རྒྱག་པ་དང་། མིད་པ་ན་བ། ལུས་པོའི་ཤ་གནད་ལ་ཟུག་རྒྱག་པ་དང་། གཟུགས་པོར་ཤུགས་མེད་པ། སྐེད་པ་དང་སྟོད་སྒལ་ན་བ། མིག་ན་བ། གཟུགས་པོར་ཤུགས་མེད་པ། སྐྱུག་མེར་ལང་བ། གྲོད་ཁོག་ན་བ། གྲོད་ཁོག་བཤལ་བ། སྙིང་ཁ་དྲག་པོ་གཡུག་པ་སོགས་ཀྱི་ནད་རྟགས་ཐོན་གྱི་ཡོད་ལ་ཆམ་པ་མི་གཞན་ལ་འགོས་སླ་པོ་ཡོད། སྤྱིར་བཏང་བྱས་ན་ཉིན་7ནང་མ་གཏོགས་དྲག་གི་མེད། 

    ཆམ་རིམས་ཀ་པ་ཕོག་པའི་ནད་རྟགས་ཐོན་ཚེ། ལམ་སེང་སྨན་ཁང་ལ་ཕྱིན་ཏེ་སྨན་པར་ན་ལུགས་ན་སྟངས་གསལ་པོར་བཤད་ནས་བརྟག་དཔྱད་གསལ་པོ་བྱེད་དགོས།

    དྲན་སྐུལ་ཞུ་རྒྱུར། གལ་སྲིད་ཁྱེད་རང་ལ་ཆམ་རིམས་ཀ་པ་ཕོག་པ་ཡིན་ན། ཆུ་ཚོད་48ནང་ལ་སྨན་ཨོ་སེ་ཐ་ཝེ（奥司他韦）བཏང་ཚེ་ནུས་པ་ཆེན་པོ་ཐོན་སྲིད། ཡིན་ནའང་ནམ་རྒྱུན་དུ་ནས་སྨན་འདི་གང་བྱུང་དུ་གཏན་ནས་གཏོང་རྒྱུ་མི་འདུག