ཟླ་1པོའི་ཚེས་7ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་རུ་ཁག་ཁྲིད་དེ་ཞིང་ཆེན་བསྡོམས་རྩིས་ཅུས་སུ་ལས་དོན་སྦྲེལ་མཐུད་དང་སྙན་སེང་ཞུས། ཞིང་ཆེན་བསྡོམས་རྩིས་ཅུས་ཀྱི་ཏང་ཙུའུ་ཧྲུའུ་ཅི། ཅུས་ཀྲང་ཏོ་ཏེང་ཝེ་བཞུགས་མོལ་གྲོས་ཚོགས་སུ་ཞུགས་པ་མ་ཟད་གསུང་བཤད་གནང་།

 ལུའོ་ཁྲའོ་ཧྥེང་གིས་ཞིང་ཆེན་བསྡོམས་རྩིས་ཅུས་ཀྱིས་དུས་ཡུན་རིང་པོའི་ནང་བདེ་ཆེན་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་དང་བསྡོམས་རྩིས་ལས་དོན་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས། ཞིང་ཨུ་དང་ཞིང་ཆེན་སྲིད་གཞུང་གི་འགོ་ཁྲིད་ནུས་ལྡན་དང་ཞིང་ཆེན་བསྡོམས་རྩིས་ཅུས་ཀྱི་མཛུབ་སྟོན་དང་རོགས་རམ་འོག བདེ་ཆེན་ཁུལ་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བསྡོམས་རྩིས་ལས་ཀའི་སྐོར་གྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བཏང་ནས། ཁྲིམས་ལྟར་བསྡོམས་རྩིས་དང་སྲིད་སྐྱོང་བྱས་པར་སྐུལ་འདེད་བཏང་སྟེ། བསྡོམས་རྩིས་ཀྱི་གཞི་རིམ་རྨང་གཞི་ནུས་ཤུགས་ཡོད་རྒུས་སྲ་བརྟན་དུ་གཏོང་ནས། ཁུལ་ཡོངས་ཀྱི་བྱ་གཞག་ཁག་ལ་ཕན་འབྲས་གསར་པ་ཐོན། ཞིང་ཆེན་བསྡོམས་རྩིས་ཅུས་ཀྱིས་ལས་སྒོར་མཛུབ་སྟོན་དང་ལས་གཞིའི་བསྡུ་ལེན། བཅོས་བསྒྱུར་གསར་གཏོད་སོགས་ཀྱི་ཐད་ལ་རྒྱབ་སྐྱོར་སྔར་ལས་མང་པོ་བྱས་ཏེ། བདེ་ཆེན་གྱི་རིམ་པ་ཁག་གི་ལས་བྱེད་པར་དཔལ་འབྱོར་ཆོས་ཉིད་སྟངས་འཛིན་དང་། དཔལ་འབྱོར་དུས་བབ་ལ་དབྱེ་ཞིབ། དཔལ་འབྱོར་ལས་དོན་ལ་དམ་འཛིན་བཅས་བྱེད་པའི་ནུས་པ་དང་ཆུ་ཚད་སྔར་བས་མཐོ་རུ་གཏོང་རོགས་བྱེད་པ་མ་ཟད། ད་དུང་ཚན་རིག་དང་མཐུན་པའི་སྒོ་ནས“ས་མཐོའི་གླིང་ཁུལ”གྱི་དཔལ་འབྱོར་གྲངས་གཞི་བསྡོམས་རྩིས་རྒྱག་པ་སོགས་ཀྱི་ཐད་རོགས་རམ་བྱས་ཏེ། སྤུས་ཚད་མཐོ་བའི་བསྡོམས་རྩིས་ཀྱིས་སྤུས་ཚད་མཐོ་བའི་འཕེལ་རྒྱས་ལ་ཞབས་འདེགས་ཞུ་བའི་རེ་བ་ཡོད་ཅེས་སྟོན།

ཏོ་ཏེང་ཝེ་ཡིས་བདེ་ཆེན་ཁུལ་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་། ཁོང་གིས། བདེ་ཆེན་ཁུལ་ཨུ་དང་ཁུལ་སྲིད་གཞུང་གིས་བསྡོམས་རྩིས་ལས་དོན་ལ་ཚད་མཐོའི་མཐོང་ཆེན་གནང་ནས་བཅའ་ཁྲིམས་ལྟར་བསྡོམས་རྩིས་ཀྱི་འདུ་ཤེས་བརྟན་པོ་དང་གཞི་རིམ་གྱི་རྨང་གཞི་རྒྱུན་ཆད་མེད་པར་བརྟན་དུ་བཏང་ཞིང་། བསྡོམས་རྩིས་ཞབས་ཞུ་གནད་དུ་འཁེལ་ནས་དཔལ་འབྱོར་དམིགས་ཚད་ཁག་བརྟན་པོའི་ངང་འཕར་ཡོད། བདེ་ཆེན་གྱིས་རྣམ་གྲངས་གལ་ཆེན་དོན་ཐོག་ཏུ་འཁྱོལ་བར་དམིགས་ནས། ཁེ་ལས་ཀྱི་རིམ་སྤར་མཛོད་འཇུག་ལས་དོན་དམ་འཛིན་ཏན་ཏིག་བྱས་ཏེ། དཔལ་འབྱོར་འཕེལ་རྒྱས་ཀྱི་རྨང་གཞི་སྔར་བས་བརྟན་དུ་བཏང་ནས། ཞིང་ཡོངས་ཀྱི་དཔལ་འབྱོར་འཕེལ་རྒྱས་ཡོང་བར་ལེགས་སྐྱེས་དེ་བས་ཆེ་བ་འབུལ་རྒྱུའི་རེ་བ་འདོན། ཞིང་ཆེན་བསྡོམས་རྩིས་ཅུས་ཀྱིས་བདེ་ཆེན་ཁུལ་བསྡོམས་རྩིས་ལས་དོན་གྱི་རྣམ་པ་ལེགས་བཅོས་དང་བསྡོམས་རྩིས་ཞབས་ཞུའི་ཆུ་ཚད་མཐོ་རུ་གཏོང་བར་རོགས་རམ་བྱས་ཏེ། མཉམ་དུ་བདེ་ཆེན་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཡོང་བར་སྤུས་ལེགས་དང་ནུས་ཆེའི་བསྡོམས་རྩིས་ཞབས་ཞུ་མཁོ་འདོན་བྱེད་དགོས་ཞེས་སྟོན།

ཞིང་ཆེན་བསྡོམས་རྩིས་ཅུས་ཀྱི་འགོ་འཛིན་གཞོན་པ་ཧུའུ་མིང་ཝུའུ་དང་། ཁུལ་གྱི་འགོ་ཁྲིད་དབྱང་ཞུའེ་ཝུན། འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་བཅས་བཞུགས་མོལ་གྲོས་ཚོགས་ནང་ཞུགས།