中文 བོད་ཡིག་ English
མདུན་ངོས།
སྐབས་དོན་གསར་འགྱུར། ཆེད་དོན་ལེ་ཚན། དཔལ་འབྱོར། རིག་གནས་ཡུལ་སྐོར། སྐྱེ་ཁམས། སྒྲ་བརྙན་དགའ་ཚལ། པར་རིས་ལོངས་སྤྱོད། སློབ་གསོ་དང་ཚན་རྩལ།འཕྲོད་བསྟེན།ལུས་རྩལ། དཔྱད་བརྗོད། བདེ་ཆེན་བོད་ཡིག་ཚགས་པར། བརྙན་ལམ།
    ཁྱེད་རང་གི་མིག་སྔའི་གནས་ས།：
  1. 藏文-香格里拉网
    2. >
  2. སྐབས་དོན་གསར་འགྱུར།（时事新闻）
    3. >
  3. ས་གནས་གསར་འགྱུར།（地方新闻）
    4. > ནང་དོན་དངོས་

བདེ་ཆེན་ཁུལ་གྱི་ལོ་ལྔའི་འཆར་གཞི་ཨང་བཅུ་བཞི་པ་སྤུས་ཚད་མཐོ་བའི་སྒོ་ནས་ལེགས་གྲུབ་ཡོང་བའི་གསར་འགྱུར་ཡོངས་བསྒྲགས་ཚོགས་འདུའི་མཐོ་སྒང་གི་ཁྱད་ལྡན་ཞིང་ལས་ཀྱི་ཆེད་དོན་ཚོགས་འདུ་འཚོགས། 

ཁྱབ་བསྒྲགས་དུས་ཚོད་：2025-12-18 16:12:38 འབྱུང་ཁུངས་：སེམས་ཀྱི་ཉི་ཟླ་བོད་ཡིག་དྲ་བ།

     སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་བ་12པའི་ཚེས་17ཉིན། བདེ་ཆེན་ཁུལ་གྱི་ལོ་ལྔའི་འཆར་གཞི་ཨང་བཅུ་བཞི་པ་སྤུས་ཚད་མཐོ་བའི་སྒོ་ནས་ལེགས་གྲུབ་ཡོང་བའི་གསར་འགྱུར་ཡོངས་བསྒྲགས་ཚོགས་འདུའི་མཐོ་སྒང་གི་ཁྱད་ལྡན་ཞིང་ལས་ཀྱི་ཆེད་དོན་ཚོགས་འདུ་འཚོགས། ཁུལ་ཞིང་ལས་གྲོང་གསེབ་ཅུས་ཀྱི་འགན་འཁུར་བས་ལོ་ལྔའི་འཆར་གཞི་ཨང་བཅུ་བཞི་པ་ནས་ཁུལ་ཡོངས་ཀྱི་ཞིང་ལས་དང་གྲོང་གསེབ་དཔལ་འབྱོར་འཕེལ་རྒྱས་ཀྱི་ཕན་འབྲས་ངོ་སྤྲོད་བྱས་ཤིང་། འབྲེལ་ཡོད་འགན་ཁུར་བློ་མཐུན་གྱིས་གསར་འགོད་པའི་དྲི་བར་ལན་བཏབ། 

དཔལ་འབྱོར་གྱི་སྤྱི་འབོར་དང་སྤུས་ཚད་གཉིས་ཀ་འཕར་བ་དེ་མངོན་གསལ་དོད་པའི་གྲུབ་འབྲས་སུ་གྱུར།

    2024ལོར་ཁུལ་ཡོངས་ཀྱི་ཐོན་ལས་དང་པོའི་འཕར་ཐང་སྒོར་ཐེར་འབུམ་གཉིས་དུང་ཕྱུར་གཅིག་བྱེ་བ་ལྔ་ས་ཡ་བདུན་ཟིན་པ་དང་། 2020ལོ་ལས་སྒོར་དུང་ཕྱུར་གསུམ་བྱེ་བ་གཅིག་ས་ཡ་གཅིག་འཕར། ཞིང་ལས་དང་ནགས་ལས། འབྲོག་ལས། ཉ་ལས་བཅས་ཀྱི་ཐོན་རྫས་རིན་ཐང་བསྡོམས་འབོར་སྒོར་ཐེར་འབུམ་གསུམ་དུང་ཕྱུར་ལྔ་བྱེ་བ་གཅིག་ས་ཡ་བརྒྱད་ལས་བརྒལ་ནས་2020ལོ་ལས་སྒོར་དུང་ཕྱུར་བཞི་བྱེ་བ་བདུན་ས་ཡ་གཉིས་འཕར། 
འབྲུ་རིགས་ཀྱི་བདེ་འཇགས་མཐའ་ཚད་མུ་མཐུད་བརྟན་དུ་བཏང་།
    ལོ་ལྔའི་འཆར་གཞི་ཨང་བཅུ་བཞི་པའི་རིང་། བདེ་ཆེན་གྱིས་ཚད་གཞི་མཐོ་བའི་ས་ཞིང་འཛུགས་སྐྲུན་གྱི་ལས་འགན་ཚད་བརྒལ་གྱིས་ལེགས་འགྲུབ་བྱུང་སྟེ། 2024ལོའི་ལོ་མཇུག་བར་མུའུ་འབུམ་གཉིས་ཁྲི་གསུམ་སྟོང་བརྒྱད་ལྔ་བརྒྱ་ལེགས་འགྲུབ་བྱུང་ནས་འཆར་གཞི་ལས་བརྒྱ་ཆ་སོ་གཉིས་དང་ཚེག་ལྔ་བརྒལ། ཞིང་ལས་འཕྲུལ་ཆས་ཅན་ས་ཞིང་མུའུ་ས་ཡ་གཅིག་འབུམ་བདུན་ཁྲི་དྲུག་ལ་ཁྱབ་པ་དང་། ཞིང་ལས་ལོ་ཏོག་གཙོ་བོ་ཕྱོགས་བསྡུས་འཕྲུལ་ཆས་ཅན་དུ་འགྱུར་བའི་ཚད་གཞི་བརྒྱ་ཆ་ལྔ་བཅུ་དང་ཚེག་བཞི་བཞི་ཟིན་ཞིང་། རྫས་ལུད་དང་ཞིང་སྨན་སྤྱོད་ཚད་ཡར་འཕར་མེད། ཕྱུགས་རིགས་དང་ཁྱིམ་བྱའི་ལུད་བཙོག་ཐོན་ཁུངས་བེད་སྤྱོད་བྱེད་ཚད་བརྒྱ་ཆ་གྱ་བདུན་དང་ཚེག་བདུན་དྲུག་ཟིན། 2024ལོར་འབྲུ་རིགས་བཙུགས་པའི་རྒྱ་ཁྱོན་དང་ཐོན་ཚད་ནི་2020ལོ་དང་བསྡུར་ན་མུའུ་སྟོང་བརྒྱད་དགུ་བརྒྱ་དང་ཏུན་ཁྲི་གཅིག་སྟོང་གཉིས་བཞི་བརྒྱ་ཡར་འཕར་བྱུང་། ཤ་རིགས་ཀྱི་སྤྱིའི་ཐོན་ཚད་ཏུན་ཁྲི་གསུམ་སྟོང་དྲུག་དང་བརྒྱ་ཟིན་ནས་ཏུན་བཞི་སྟོང་ལྔ་བརྒྱ་ཡར་འཕར་བྱུང་། 
དབུལ་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བར་གྲུབ་འབྲས་ཡག་པོ་ཐོབ། 
    བདེ་ཆེན་གྱིས་ཐོན་ལས་ལས་ཞུགས་ཀྱི་འདེགས་སྐྱོར་བྱེད་ཤུགས་ཆེ་རུ་གཏོང་བ་དང་སྔོན་བརྡ་ལྟ་ཞིབ་ཚད་ལེན་དང་གནད་ལ་འཁེལ་བའི་རོགས་སྐྱོར་ལམ་སྲོལ་འཐུས་ཚང་དུ་གཏོང་བ་བརྒྱུད། བར་བརྒལ་དུས་རིམ་དུ་ལྟ་ཞིབ་ཚད་ལེན་བྱ་ཡུལ་དུད་ཁ་ཉིས་སྟོང་ལྔ་བརྒྱ་བཞི་བཅུའི་མི་དགུ་སྟོང་དང་ཉེར་བརྒྱད་གཏན་འཁེལ་བྱས་ཞིང་། དུད་ཚང་ཆིག་སྟོང་དགུ་བརྒྱ་གོ་གཉིས་ཀྱི་མི་བདུན་སྟོང་དང་གཅིག་ལ་ཉེན་ཁ་མེད་པ་བཟོས། ཁུལ་ཡོངས་ཀྱི་དབུལ་སྒྲོལ་རྫོང་གི་གྲོང་གསེབ་རྒྱུན་སྡོད་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་འཕར་ཚད་བརྒྱ་ཆ་བརྒྱད་དང་ཚེག་ལྔ་ཟིན་དེ། རྒྱལ་ཡོངས་དང་ཞིང་ཆེན་ཡོངས་ཀྱི་ཆ་སྙོམས་གྲངས་ཐང་ལས་མཐོ་བ་དང་གཞི་ཁྱོན་རང་བཞིན་གྱི་དབུལ་པོ་བསྐྱར་ལོག་བྱུང་མེད། 
ཞིང་པའི་ཡོང་འབབ་འཕར་ཚད་མཆོང་སྐྱོད་ལྟ་བུའི་འཕར་སྣོན་བྱུང་།
    2024ལོར་ཁུལ་ཡོངས་ཀྱི་སྲིད་འཛིན་གྲོང་ཚོ་བརྒྱ་དང་གོ་བཞིའི་ཐུན་མོང་དཔལ་འབྱོར་ཡོང་འབབ་སྒོར་ཁྲི་ལྔ་ལས་བརྒལ་བ་དང་། གྲོང་ཚོ་བརྒྱ་དང་ཞེ་དྲུག་སྒོར་འབུམ་གཅིག་ལས་བརྒལ། གྲོང་གསེབ་ཀྱི་རྒྱུན་སྡོད་གྲོང་མིའི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་གཅིག་སྟོང་བཞི་ལྔ་བརྒྱ་བཅུ་མེད་བཞི་བར་འཕར་སྟེ། 2020ལོ་ལས་སྒོར་སྟོང་བཞི་བཞི་བརྒྱ་བཅུ་དྲུག་འཕར། འཕར་ཚད་ཞིང་ཆེན་ཡོངས་ཀྱི་ཨང་དང་པོར་སླེབས་ཤིང་། གྲོང་ཁྱེར་དང་གྲོང་གསེབ་སྡོད་དམངས་ཀྱི་ཡོང་འབབ་ཧེ་བག་མུ་མཐུད་ནས་ཇེ་ཆུང་དུ་བཏང་།
ཁྱད་ལྡན་ཞིང་ལས་ཐོན་ལས་ཁྱུ་ཚོགས་ཀྱི་ཕན་འབྲས་མངོན་གསལ་དོད་དུ་ཕྱིན།
    ཞིང་ལས་དེང་རབས་ཅན་གྱི་ལོ་གསུམ་གྱི་བྱ་སྤྱོད་ལག་བསྟར་བྱས་པ་བརྒྱུད། གཅིག་པུ་དྲུག་ཅེས་པའི་སྐུལ་འདེད་ལམ་སྲོལ་བཙུགས་ནས་རྒུན་འབྲུམ་དང་ཀྲུང་ལུགས་སྨན་རྫས། ཤ་མོ། ཁྱད་ལྡན་ཕྱུགས་རིགས་དང་ཁྱིམ་བྱའི་ཐོན་ལས་གཙོ་གནད་དུ་འཕེལ་རྒྱས་གཏོང་། 2024ལོར་རང་ཁུལ་གྱི་ཞིང་ལས་ཐོན་རྫས་ལས་སྣོན་གྱི་ཐོན་ཚད་བསྡོམས་འབོར་སྒོར་ཐེར་འབུམ་གསུམ་དུང་ཕྱུར་ལྔ་དང་ས་ཡ་དྲུག་སླེབས། རིམ་པ་ཁག་གི་ཞིང་ལས་སྣེ་ཁྲིད་ཁེ་ལས་བརྒྱ་དང་ཉེར་གཅིག་གསོ་སྦྱོང་བྱས་ཤིང་གནོད་མེད་སྐྱེ་ལྡན་ཐོན་རྫས་ཉིས་བརྒྱ་ཉི་ཤུ་དང་ཞིང་ཆེན་རིམ་པའི་གནོད་མེད་སྤྲིན་ཐོན་རྫས་ཉེར་དྲུག་བདེན་དཔང་བྱས་ཐུབ་ཡོད། 
གྲོང་གསེབ་ཀྱི་རྣམ་པ་གསར་དུ་གྱུར།
    ལས་གྲྭ་ཁྲི་སྟོང་ཞེས་པའི་ཉམས་མྱོང་བེད་སྤྱོད་ཡག་པོ་བྱས་ཏེ། གྲོང་གསེབ་ཏུ་དུད་ཚང་གི་གསང་སྤྱོད་ཁྲི་གཅིག་སྟོང་ལྔ་དགུ་བརྒྱ་གྱ་བཞི་སྐྲུན་ནས་མ་དངུལ་སྒོར་བྱེ་བ་གསུམ་ས་ཡ་བཞི་འབུམ་བདུན་ཁྲི་གཉིས་སྟོང་བཞི་དང་བཞི་བརྒྱ་སྤྲོད། གྲོང་ཁུལ་གྱི་བཙོག་ཆུ་བཅོས་སྐྱོང་སྒྲིག་ཆས་ཁེབས་ཚད་བརྒྱ་ཆ་དོན་དྲུག་དང་ཚེག་དགུ་གཉིས་དང་གྲོང་གསེབ་ཀྱི་འཚོ་བའི་བཙོག་ཆུ་བཅོས་སྐྱོང་བྱེད་ཚད་བརྒྱ་ཆ་ང་བརྒྱད་དང་ཚེག་བརྒྱད་གཉིས་ཟིན་ཞིང་། གྲོང་རྡལ་དང་གྲོང་ཚོའི་འཚོ་བའི་གད་སྙིགས་གཙང་སེལ་སྒྲིག་ཆས་ཁེབས་ཚད་བརྒྱ་ཆ་བརྒྱ་དང་བརྒྱ་ཆ་གོ་དགུ་དང་ཚེག་དགུ་ཟིན། མཛེས་སྡུག་ལྡན་པའི་གྲོང་ཚོ་གོ་བརྒྱད་དང་ཞིང་ཆེན་རིམ་པའི་མཛེས་སྡུག་གྲོང་རྡལ་བཅོ་ལྔ། མཛེས་སྡུག་གྲོང་ཚོ་དྲུག་བརྒྱ་དོན་ལྔ་བཅས་བསྐྲུན།

责任编辑：七林、曲批

  • ཀྲོའུ་ནང་ཁུལ་གྱི་མགོ་གཙོ་

བདེ་ཆེན་ཁུལ་གྱི་ལོ་ལྔའི་འཆར་གཞི་ཨང་བཅུ་བཞི་པ་སྤུས་ཚད་མཐོ་བའི་སྒོ་ནས་ལེགས་གྲུབ་ཡོང་བའི་གསར་འགྱུར་ཡོངས་བསྒྲགས་ཚོགས་འདུའི་མཐོ་སྒང་གི་ཁྱད་ལྡན་ཞིང་ལས་ཀྱི་ཆེད་དོན་ཚོགས་འདུ་འཚོགས། 

མཐའ་ཆུ་གྲོང་རྡལ་གྱིས་ཏང་འཛུགས་སྐྱོང་ལ་བརྟེན་ནས་མི་རིགས་མཐུན་སྒྲིལ་དང་གྲོང་གསེབ་དར་རྒྱས་མཉམ་འདྲེས་འཕེལ་རྒྱས་ལ་སྣེ་ཁྲིད་བྱེད་དེ། སེ་འབྲུ་མེ་ཏོག་བཞད་སར་དར་རྒྱས་ཀྱི་གླུ་དབྱངས་དཀྲོལ།

དམངས་འཚོའི་གསལ་ཐོ་ཞེས་པ་དེ་བདེ་སྐྱིད་ཀྱི་རྩིས་ཐོ་ཞེས་པར་བསྒྱུར་བཅུག

རང་ཁུལ་གྱིས་ཁུལ་ཨུའི་“ལོ་ལྔ་ཚན་བཅོ་ལྔ་པའི”འཆར་འགོད་གྲོས་འགོའི་བསམ་འཆར་བསྡུ་ལེན་བྱེད་པའི་བཞུགས་མོལ་ཚོགས་འདུ་འཚོགས་པ།

སེམས་ཀྱི་ཉི་ཟླའི་དགུན་ཁའི་གངས་འཁྱགས་གྲོས་ཆོད་ཀྱིས་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོ་མཉམ་འབྲེལ་འགྲན་བསྡུར་ལ་རོགས་རམ་བྱས་ཏེ། སྤོ་ལོ་བལྟས་སྐབས་ཁ་བ་རྩེད་ནས་ཁྱོད་ལ་ཐེངས་གཅིག་ནང་སྤྲོ་སྣང་ངང་རྩེད་དུ་བཅུག

ཡུན་ནན་ཞིང་ཆེན་གྱི་ལོ་ལྔའི་འཆར་གཞི་ཨང་བཅུ་བཞི་པ་སྤུས་ཚད་མཐོ་བའི་སྒོ་ནས་ལེགས་གྲུབ་ཡོང་བའི་གསར་འགྱུར་ཡོངས་བསྒྲགས་ཚོགས་འདུ་བདེ་ཆེན་གྱི་ཆེད་དོན་ཚོགས་འདུ་ཁུན་མིང་དུ་འཚོགས། 

ལུའོ་ཁྲའོ་ཧྥེང་གིས་ཁུལ་སྨྱན་སྦྱོར་མཉམ་འདྲེས་ལྟེ་གནས་སུ་རྟོག་ཞིབ་གནང་། 

2025/2026ཧྥུ་ཏན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོའི་མཉམ་འགྲན་བདེ་ཆེན་འགྲན་ཁུལ་གྱི་འགྲན་བསྡུར་ཛ་དྲག་ཆེ་ཞིང་བཙུགས་སྤོར་འབེན་འཕེན་བྱས་པ་བརྒྱུད་ཆུས་ཅིང་ལས་ཕམ།

བདེ་ཆེན་བོད་རིགས་རང་སྐྱོང་ཁུལ་མཉམ་འདྲེས་སྨྱན་སྦྱོར་ལྟེ་གནས་ཀྱིས་གཙོ་གཉེར་བྱེད་པ།

པར་དབང་ཚང་མ་སེམས་ཀྱི་ཉི་ཟླའི་བོད་ཡིག་དྲ་བར་དབང་། ཆོག་མཆན་མ་ཐོབ་པར་བརྒྱུད་འགོད་བྱས་མི་ཆོག

COPYRIGHT 2008 DESIGNNTEND ALL RIGHTS RESERVED

ཡུན་ནན་གསར་འགྱུར་དྲ་བའི་ཞིབ་རྩིས་སྔོན་གྱི་ཨང་རྟགས 2008-002、2008-003 ཡུན་ནན་ICPགྲ་སྒྲིག་ཡིག་ཆའི་ཨང་རྟགས09000927

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག ཆོག་མཆན་དཔང་ཡིག་ཨང་གྲངས། 53120250005

ཡུན་ནན་སྤྱི་བདེ་དྲ་རྒྱ་བདེ་འཇགས་ཐོ་འགོད་ཨང་རྟགས། 53342102000007

བདེ་ཆེན་ཁུལ་དྲ་སྦྲེལ་ཁྲིམས་འགལ་དང་ཚུལ་མིན་ཆ་འཕྲིན་ཐེར་འདོན་ཁ་པར་ཨང་གྲངས། 0887—8223640 ཞུ་གཏུག་ཡིག་སྒམ། 1031159296@qq.com