ཉེ་བའི་ལོ་ཤས་རིང་། རང་ཁུལ་གྱིས་ལས་གྲྭ་ཁྲི་སྟོང་ཞེས་པའི་ཉམས་མྱོང་སློབ་སྦྱོང་དང་བེད་སྤྱོད་བྱེད་དེ། གྲོང་གསེབ་འཛུགས་སྐྲུན་དང་གྲོང་གསེབ་བཅོས་སྐྱོང་གྱི་ལས་འགན་གཙོ་གནད་ལ་དམིགས་པ་དང་། རྒྱུན་མཐུད་ངང་གཏོང་འཇོག་བྱེད་ཤུགས་ཆེ་རུ་བཏང་བ། རྨང་གཞིའི་སྒྲིག་བཀོད་ཀྱི་ཞན་ཆ་ལ་ཁ་གསབ་བྱས། གྲོང་གསེབ་ཀྱི་འཚོ་སྡོད་ཁོར་ཡུག་ལེགས་བཅོས་བྱས་ནས་གྲོང་གསེབ་ཀྱི་རྣམ་པ་དང་མང་ཚོགས་ཀྱི་འཚོ་བའི་སྤུས་ཚད་རྒྱུན་ཆད་མེད་པར་ལེགས་སུ་འགྲོ་བར་སྐུལ་འདེད་གཏོང་།

དཔེ་སྟོན་སྣེ་ཁྲིད་ཐད། གནས་ལ་བརྟེན་ནས་ཁྱོན་ཁྲིད་དང་བཅོས་སྒྲིག་མཐོར་གཏོང་ཞེས་པའི་ལས་ཀའི་བསམ་ཕྱོགས་རྒྱུན་འཁྱོངས་བྱས་ཏེ་༢༠༢༥ལོར་རིམ་བསགས་ནས་རྣམ་གྲངས་ལ་མ་དངུལ་སྒོར་དུང་ཕྱུར་གཅིག་བྱེ་བ་བཞི་ས་ཡ་གཉིས་བཏང་ནས་གྲོང་གསེབ་གྱི་ཆུ་དང་གློག ལམ། དྲ་བ་སོགས་རྨང་གཞིའི་སྒྲིག་བཀོད་ཀྱི་ཞན་ཆ་གཙོ་གནད་དུ་བཟུང་སྟེ་གྲོང་གསེབ་དར་རྒྱས་གྲོང་ཚོ་བཅོ་བརྒྱད་འཛུགས་སྐྲུན་དང་གྲོང་ཚོ་ཉིས་བརྒྱ་ང་ལྔའི་བཅོས་སྒྲིག་ལས་དོན་ལ་སྐུལ་འདེད་བཏང་ནས་དཔེ་སྟོན་སྣེ་ཁྲིད་ནུས་འབྲས་སྔར་བས་མངོན་གསལ་དོད་དུ་ཕྱིན།

འཚོ་སྡོད་ཁོར་ཡུག་ལེགས་སུ་གཏོང་བའི་ཐད། ༢༠༢༥ལོར་གྲོང་གསེབ་ཀྱི་གཙང་སྦྲའི་ཁྱིམ་ཚང་གསང་སྤྱོད་ཆིག་སྟོང་ཉིས་བརྒྱ་སོ་གཅིག་བསྐྱར་སྐྲུན་བྱས་ནས་ཁྱབ་ཚད་བརྒྱ་ཆ་དོན་བརྒྱད་ཚེག་དྲུག་ཟིན། གྲོང་ཚོའི་འཚོ་བའི་གད་སྙིགས་གཙང་སེལ་སྒྲིག་བཀོད་ཁྱབ་ཚད་བརྒྱ་ཆ་གོ་དགུ་ཚེག་དགུ་ཟིན་པ་དང་། གྲོང་གསེབ་གྱི་འཚོ་བའི་བཙོག་ཆུ་བཅོས་སྐྱོང་བྱེད་ཚད་བརྒྱ་ཆ་ང་བརྒྱད་ཚེག་བརྒྱད་གཉིས་ཟིན། དམིགས་ཚད་ཁག་གསུམ་ཚང་མ་ཞིང་ཆེན་རིམ་པས་གཤམ་དུ་བཏང་བའི་དམིགས་ཚད་ལས་འགན་ཚད་བརྒལ་ལེགས་གྲུབ་བྱུང་། གྲོང་གསེབ་གྱི་འཚོ་སྡོད་ཁོར་ཡུག་གི་སྤུས་ཚད་ལེགས་སུ་ཕྱིན།

གྲོང་ཚོའི་གཙང་སྦྲའི་བྱ་སྤྱོད་ཐད། གཙང་སེལ་གསུམ་དང་ལེགས་བཅོས་གཅིག་ཅེས་པ་གཙོ་བོ་འཛིན་པའི་གྲོང་ཚོའི་གཙང་སྦྲའི་བྱ་སྤྱོད་ཟབ་ཏུ་སྤེལ། ༢༠༢༥ལོར་རིམ་བསགས་ནས་གྲོང་གསེབ་ཀྱི་གད་སྙིགས་ཏུན་ཁྲི་གཉིས་སྟོང་བཞི་བདུན་བརྒྱ་གཙང་སེལ་བྱེད་པ་དང་། གྲོང་ཚོ་དང་དུད་ཁ་རུ་དྲིལ་བསྒྲགས་སློབ་གསོ་ཐེངས་སྟོང་བདུན་ཉིས་བརྒྱ་སོ་གསུམ་སྒྲིག་འཛུགས་བྱས་ནས་གྲོང་ཚོའི་རྣམ་པ་མངོན་གསལ་དོད་པོས་ལེགས་སུ་ཕྱིན་པ་དང་། མང་ཚོགས་ཀྱི་ཁོར་ཡུག་གཙང་སྦྲ་འདུ་ཤེས་ཆེ་རུ་ཕྱིན་ནས་མཛེས་སྡུག་ལྡན་པའི་གྲོང་གསེབ་ཐུན་མོང་ཐོག་འཛུགས་སྐྲུན་དང་མཉམ་སྤྱོད་བྱེད་པའི་རྣམ་པ་ཉིན་བཞིན་ཟབ་ཏུ་ཕྱིན།

རྣམ་གྲངས་འཛུགས་སྐྲུན་ཐད། གྲོང་གསེབ་འཛུགས་སྐྲུན་རྣམ་གྲངས་མཛོད་ལེགས་སུ་བཏང་ནས་༢༠༢༥ལོར་ཁྱོན་བསྡོམས་འཛུགས་སྐྲུན་ལས་འགན་རྣམ་གྲངས་གྱ་གཉིས་ལག་བསྟར་བྱེད་དེ་མ་དངུལ་སྒོར་ཐེར་འབུམ་གཅིག་དུང་ཕྱུར་གསུམ་བྱེ་བ་ལྔ་ས་ཡ་བདུན་གཏོང་། མིག་སྔའི་བར། རྣམ་གྲངས་ཞེ་དྲུག་ལེགས་འགྲུབ་བྱུང་། རིམ་བསགས་ནས་མ་དངུལ་སྒོར་ཐེར་འབུམ་གཅིག་དུང་ཕྱུར་གཅིག་བྱེ་བ་གཉིས་འཇོག་པ་དང་། མ་དངུལ་གཏོང་འཇོག་ཚད་བརྒྱ་ཆ་གྱ་གཉིས་ཚེག་ལྔ་གསུམ་ཟིན་སྟེ། གྲོང་གསེབ་དར་རྒྱས་ཡོང་བར་སྐུལ་འདེད་གཏོང་བར་རྨང་གཞི་བརྟན་པོ་འདིང་།