ལོ་སར་རིང་ལ་ཚང་མས་ཤ་རིགས་སོགས་ཟ་མ་སྣུམ་ཆེན་བཟས་ཡོད་ངེས། མང་པོ་ཞིག་གིས་ཟ་མ་སྣུམ་ཆེན་བཟས་རྗེས་ཇ་འཐུང་ན་སྣུམ་ཞུ་བར་ཕན་པར་བཤད། ཟ་མ་བཟས་རྗེས་ཀྱི་ཇ་ཕོར་བ་གང་འཐུང་ན་སྣུམ་འཇུ་བྱེད་ཀྱི་ཐབས་མཆོག་ཡིན་པར་བཤད་ཀྱང་། འདི་ནི་རྒན་རབས་པ་ཚོའི་བློ་གྲོས་ཡིན་ནམ་སེམས་གསོའི་བཤད་སྲོལ་ཞིག་ཡིན་པ་གཤམ་གྱི་གསལ་བཤད་ལ་གཟིགས་པར་ཞུ།

       མི་ལ་ལས་བཤད་རྒྱུར། ཇ་འཐུང་རྗེས་ལྟོགས་སླ་བོ་ཡོད་པ་འདི་ནི་སྣུམ་འཇུ་སོང་བ་རེད་ཟེར། དོན་ངོ་མ་ཇའི་ནང་གི་ཟ་ཤུགས་ཆེ་བའི་ཁྲ་ཏུའོ་ཧྥུན་དང་ཁོ་ཧྥེའི་བུལ་གྱིས་ངར་སྐྱེད་པའི་རྐྱེན་གྱིས་ལྟོགས་སྣང་ཤར་བའམ་ཟས་འཇུ་མགྱོགས་ནའང་སྣུམ་ཚིལ་ཞུ་ཐུབ་ཀྱི་མེད།

       ཇ་ཡི་ནང་ཆེས་མང་བ་ནི་ཆུ་ཡིན། ཁྲ་ཏོ་ཧྥུན་ལ་གཙོ་བོར་དབྱང་འགྱུར་འགོག་པ་དང་གཉན་ཚད་འགོག་པའི་ནུས་པ་ལྡན། དེ་དག་གིས་ཞག་ཚིལ་ཞུ་བའི་ནུས་པ་མེད་པ་མ་ཟད། ཐད་ཀར་ཞག་ཚིལ་མེད་པར་བཟོ་མི་ཐུབ། སྣུམ་ཚིལ་འཇུ་བའི་ཐབས་མཆོག སྔོ་ཚལ་དང་ཤིང་ཏོག་སོས་པ་མང་ཙམ་ཟ་བ། ཤ་སོགས་སྣུམ་ཆེན་རིགས་ཟ་དུས་སྔོ་ཚལ་དང་ཤིང་ཏོག་སོས་པ་མང་ཙམ་བཟས་ན་ལེགས་པོ་ཡོད་ལ། ཟས་རིགས་འདི་དག་ནང་གི་ཚི་སྣ་ཡིས་སྣུམ་ཚིལ་འགོག་ཐུབ་པས་ཟས་ལེགས་པོར་འཇུ་བར་ཕན།

       འབྲུ་རིགས་རྩིང་པོ་མང་ཙམ་ཟ་བ། འབྲས་དང་ཕྱེ་དཀར་རིགས་ཀྱི་ཟས་རིགས་གཙོ་བོའི་ཚབ་རྩིང་འབྲུ་བྱེད་པ་དང་། འབྲུ་རིགས་རྩིང་པོའི་ནང་ཚི་སྣ་མང་བ་མ་ཟད། སྣུམ་འགོག་ཐུབ་པ་རེད། རྩིང་འབྲུ་ནང་ད་དུང་Bརིགས་ཀྱི་འཚོ་རྒྱུ་ཡོད་པས་ལུས་ཕུང་གི་བརྗེ་ཚབ་མགྱོགས་སུ་འགྲོ་བར་ཕན།

       ཞག་ཚིལ་ཉུང་བའི་ཟས་བསྟེན་པ། ཟ་མ་གཡོ་སྦྱོར་བྱེད་དུས་ནས་སྣུམ་ཉུང་དུ་གཏོང་ནས་ཕོ་བའི་ནང་ཞག་ཚིལ་མང་པོ་མི་འགྲོ་བར་བྱ་དགོས།