ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་2026ལོའི་གཅིག་སྡུད་སློབ་སྦྱོང་ཐེངས་གཉིས་པ་དང“བདེ་ཆེན་གྱི་སློབ་ཁང་ཆེ་མོའི་འཆད་ཁྲིད་ཐེངས་དང་པོ”་སྤེལ་བ།
ཁྱབ་བསྒྲགས་དུས་ཚོད་：2026-03-02 15:27:21
འབྱུང་ཁུངས་：སེམས་ཀྱི་ཉི་ཟླ་བོད་ཡིག་དྲ་བ།
ཟླ་2པའི་ཚེས་28ཉིན་ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2026ལོའི་གཅིག་སྡུད་སློབ་སྦྱོང་ཐེངས་གཉིས་པ་དང“བདེ་ཆེན་གྱི་སློབ་ཁང་ཆེ་མོའི་འཆད་ཁྲིད་ཐེངས་དང་པོ”འཚོགས། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་སྐབས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྒྱལ་ཁབ་བདེ་འཇགས་སྐོར་གྱི་གསུང་བཤད་གལ་ཆེན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོང་བྱེད་པའི་ནུས་པ་ཆེ་རུ་ཧུར་ཐག་གཏོང་བ་དང་ཆུ་ཚད་དེ་བས་མཐོ་བའི་དུས་བདེའི་བདེ་ཆེན་བསྐྲུན་རྒྱུར་སྐུལ་འདེད་བཏང་ནས་རང་ཁུལ་གྱི་“ལོ་ལྔ་ཚན་བཅོ་ལྔ་པའི”འགོ་ཡག་པོ་འཛུགས་པ་དང་གོམ་པ་ཡག་པོ་སྤོ་ཆེད་སྲ་ཞིང་བརྟན་པའི་བདེ་འཇགས་ཀྱི་འགན་ལེན་བྱེད་དགོས་པའི་ནན་བཤད་གནང་བ་རེད།ཞུས་སི་སི་དང་། ཀྲུའུ་པའོ་ཧྥུ། ལི་ཡན་ལན། མེའོ་ཡིའུ་ཧྥ་བཅས་སློབ་སྦྱོང་ལ་ཞུགས།ཞིང་ཆེན་ཨུ་ལྷན་གྱི་དྲུང་ཡིག་ཆེན་མོ་གཞོན་པ་ལི་ཝེས་“འཕེལ་རྒྱས་དང་བདེ་འཇགས་གཅིག་གྱུར་གྱིས་འཆར་འགོད་བྱས་ཏེ། བདེ་འཇགས་ཀྱི་གནས་སྟངས་གསར་པར་བརྟེན་ནས་འཕེལ་རྒྱས་ཀྱི་གནས་སྟངས་གསར་པ་འགན་སྲུང་བྱ་དགོས་”ཞེས་པ་བརྗོད་བྱ་གཙོ་བོ་བྱས་ཏེ་ཆེད་དོན་ཟུར་ཁྲིད་བྱས།ཚོགས་འདུའི་ཐོག་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་ནི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་གྲུབ་ཆ་གལ་ཆེན་ཞིག་དང་དུས་རབས་གསར་པའི་རྒྱལ་ཁབ་བདེ་འཇགས་ལས་དོན་ཡག་པོ་སྒྲུབ་པའི་རྩ་བའི་གཞི་འཛིན་ས་དང་བྱ་སྤྱོད་ཀྱི་ཕྱོགས་སྟོན་ཞིག་རེད། རྒྱལ་ཁབ་བདེ་འཇགས་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་མཆན་འགོད་མཛུབ་སྟོན་གྱི་དགོངས་དོན་དུས་ཐོག་ཏུ་སློབ་སྦྱོང་བྱས་ཏེ་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བར་ལྡན་པའི་ནང་དོན་ཕུན་སུམ་ཚོགས་ཤིང་ལག་ལེན་གྱི་བླང་བྱ་སྔར་བས་གོ་བ་གཏིང་ཟབ་ལེན་པ་དང་། འགྲན་སློང་ལ་ཁ་གཏད་གཅོག་པ་དང་བརྟན་ལྷིང་སྲུང་སྐྱོང་བྱེད་པའི་ནུས་པ་དང་ཆུ་ཚད་ཟམ་མི་ཆད་པར་མཐོ་རུ་བཏང་ནས་ཁུལ་ཡོངས་ཀྱི་རྒྱལ་ཁབ་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོང་གི་ལས་དོན་ཁག་ཐོག་མཐའ་བར་གསུམ་དུ་ཡང་དག་པའི་ཕྱོགས་སུ་མདུན་སྐྱོད་ཐུབ་པའི་འགན་ལེན་བྱེད་དགོས་པའི་ནན་བཤད་གནང་།ཚོགས་འདུའི་ཐོག་བླང་བྱ་བཏོན་དོན། བརྟན་ལྷིང་ལ་བརྟེན་ནས་འཕེལ་རྒྱས་ཡོང་བར་འགན་ལེན་དང་། རང་ཁུལ་གྱི་ཁྱབ་ཁོངས་ཁག་དང་རྒྱལ་ཁབ་ཀྱི་བདེ་འཇགས་ནུས་ཤུགས་ཆེ་རུ་གཏོང་རྒྱུ་གཅིག་གྱུར་འཆར་འགོད། ཆབ་སྲིད་ཀྱི་བདེ་འཇགས་སྲུང་སྐྱོང་བྱ་རྒྱུ་དེ་ཨང་དང་པོར་འཇོག་པ། དུས་བདེའི་བདེ་ཆེན་འཛུགས་སྐྲུན་ལ་སྐུལ་འདེད་ཏན་ཏིག་གཏོང་བ། འཕེལ་རྒྱས་གཏོང་རིམ་ཁྲོད་ཀྱི་ཉེན་ཁའི་མངོན་མེད་རྐྱེན་ངན་སྣ་ཚོགས་འགོག་ཟོན་དང་སེལ་བ། ཁུལ་ཡོངས་ཀྱི་ཆབ་སྲིད་བརྟན་ལྷིང་དང་། སྤྱི་ཚོགས་བརྟན་ལྷིང་། མི་རིགས་མཐུན་སྒྲིལ་དང་ཆོས་ལུགས་བདེ་བླག་བཅས་ཀྱི་རྣམ་པ་བཟང་པོ་རྒྱུན་མཐུད་ངང་སྲ་བརྟན་དུ་གཏོང་བ། སྤུས་ཚད་མཐོ་བའི་འཕེལ་རྒྱས་ཆེད་ཞི་མཐུན་བརྟན་ལྷིང་གི་སྤྱི་ཚོགས་ཁོར་ཡུག་གཏོད་དགོས། འཕེལ་རྒྱས་ལ་བརྟེན་ནས་བརྟན་ལྷིང་ལ་སྐུལ་འདེད་གཏོང་བ་དང་། “ཕྱི་འདྲེན”དང“ནང་སྤེལ”གྱི་བྱ་ཐབས་ཆེན་པོ་གཉིས་གསར་གཏོད་བྱ་རྒྱུ་མཐའ་འཁྱོངས། ཐོན་ལས་ཕྱོགས་སྒྱུར་རིམ་སྤོར་དང་། རྣམ་གྲངས་འཛུགས་སྐྲུན། ཚོང་འགུགས་མ་འདྲེན། འཛད་སྤྱོད་ལ་སྐུལ་འདེད། ལྗང་མདོག་འཕེལ་རྒྱས་སོགས་ཀྱི་གཙོ་གནད་ལས་དོན་དམ་འཛིན་ཏན་ཏིག་བྱེད་པ། ཞིང་པའི་འབབ་འཕར་དང་དམངས་འཚོ་ལེགས་གཏོང་གི་ལས་དོན་ཡག་པོ་སྒྲུབ་པ། མི་རིགས་ཁག་གི་མང་ཚོགས་ཀྱི་ཐོབ་ཚོར་དང་། བདེ་སྐྱིད་ཚོར་སེམས། བདེ་འཇགས་ཚོར་སེམས་བཅས་མུ་མཐུད་ཆེ་རུ་བཏང་ནས་ཁུལ་ཡོངས་ཀྱི་ཡུན་རིང་བདེ་འཁོད་ཀྱི་དངོས་པོའི་རྨང་གཞི་བརྟན་དུ་གཏོང་དགོ ས། འགོ་ཁྲིད་དང་། སློབ་གསོ། འགན་སྲུང་སོགས་ཀྱི་ལྷུ་ཚིགས་གཅིག་གྱུར་འཆར་འགོད་བཅས་ལ་དམ་འཛིན་ལེགས་པོ་བྱས་ཏེ། ཏང་གིས་རྒྱལ་ཁབ་ཀྱི་བདེ་འཇགས་ལས་དོན་ལ་འགོ་ཁྲིད་གཙང་བཙན་བྱེད་ཤུགས་ཆེ་རུ་གཏོང་བ་དང་། ལས་བྱེད་པའི་དཔུང་ཁག་དང་ནུས་པ་འཛུགས་སྐྱོང་བྱེད་ཤུགས་རྒྱུན་མཐུད་ངང་ཆེ་རུ་གཏོང་བ། རྒྱལ་ཁབ་ཀྱི་བདེ་འཇགས་སློབ་གསོའི་ལས་དོན་གཏིང་ཟབ་དང་དངོས་གཉེར་ཡོང་བར་སྐུལ་འདེད་གཏོང་བ། ས་ཁོངས་ཧྲིལ་པོ་མཉམ་འགུལ་དང་ལངས་གཟུགས་ནུས་ཆེའི་རྒྱལ་ཁབ་ཀྱི་བདེ་འཇགས་འགོག་སྲུང་མ་ལག་གང་མགྱོགས་འཛུགས་པ་བཅས་བྱ་དགོས།ཚོགས་འདུ་དེ་བརྙན་ལམ་གྱི་རྣམ་པའི་ཐོག་ནས་རྫོང （ གྲོང་ཁྱེར ） ཁག་དང་སེམས་ཀྱི་ཉི་ཟླ་ཐོན་ལས་གླིང་བར་འཚོགས། ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་གནས་ཀྱི་ཁོངས་མི་དང་འབྲེལ་ཡོད་ཁུལ་འགོ་ཁྲིད་དང་ཁུལ་ཨུ་རྒྱལ་ཁབ་བདེ་འཇགས་ཨུ་ཡོན་ལྷན་ཁང་གི་ཨུ་ཡོན་ལས་ཁུངས་དང་ཁུལ་རིམ་པའི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་གཙོ་བོ་བཅས་ཞུགས་ཡོད་པ་རེད།
ཡུན་ནན་སྤྱི་བདེ་དྲ་རྒྱ་བདེ་འཇགས་ཐོ་འགོད་ཨང་རྟགས། 53340002000108
