ཟླ་3ཚེས་1ཉིན་གྱི་དགོང་མོར། 2025/2026ཧྥུ་ཏན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོའི་མཉམ་འགྲན་གྱི་རེས་སྐོར་དྲུག་པའི་འགྲན་བསྡུར་ཁྲོད་འགྲུལ་ཕྱོགས་འགྲན་བསྡུར་གྱི་བདེ་ཆེན་རུ་ཁག་གིས་མཇུག་མཐའི་ཐིག་སྟེང་སྤོ་བསྡུའི་འགྲན་བསྡུར་ཁྲོད་5：4ཡི་བསྡུར་གྲངས་ཀྱིས་ཧུང་ཧོ་རུ་ཁག་ལས་རྣམ་པར་རྒྱལ་ནས་ལོ་གསར་གྱི་ཐོག་མའི་རྒྱལ་ཁ་ཐོབ་མ་ཟད། འགྲན་རིམ་ཁྲོད་བསྟུད་མར་ཐེངས་གསུམ་ལ་རྒྱལ་ཁ་བླངས་པ་རེད།

འགྲན་བསྡུར་འགོ་ཚུགས་རྗེས་ཧུང་ཧོ་རུ་ཁག་གིས་རང་ཕྱོགས་འགྲན་རའི་ཁེ་ཕན་ལ་བརྟེན་ནས་རང་འགུལ་ངང་ཚོད་འཛིན་དང་གཞོགས་འདེགས་བྱས་ཏེ་བདེ་ཆེན་རུ་ཁག་ལ་ཕར་རྒོལ་ཡང་ཡང་བྱས་མོད།འོན་ཀྱང་བདེ་ཆེན་རུ་ཁག་གི་རྣོ་ལྕགས་ལྟ་པའི་འགོག་སྲུང་འཛིང་རགས་ལ་གཡོ་འགུལ་ཐེབས་མ་ཐུབ།

འགྲན་རིམ་རྗེས་མར་ཡང་བསྐྱར་འགྲན་དུས།བདེ་ཆེན་རུ་ཁག་གིས་དཀྱིལ་ཐིག་གི་འགོག་སྲུང་ཇེ་དྲག་ཏུ་བཏང་བ་མ་ཟད།འགྲན་རའི་ཕྱོགས་གཉིས་ཀྱི་མྱུར་ཚད་སྤྱད་ནས་ཕར་རྒོལ་བྱས།ཧུང་ཧོ་རུ་ཁག་གིས་ཀྱང་ལུས་སྟོབས་ཟད་པར་མི་འཛེམ་པར་ཕར་རྒོལ་ཆེན་པོ་བྱས།རུ་ཁག་གཉིས་ཀྱིས་ཕར་རྒོལ་གྱི་རྣམ་པ་གྲུབ་མོད།འོན་ཀྱང་ཕྱོགས་གཉིས་ཀས་སྤོ་ལོ་ནང་དུ་བསྡུ་མ་ཐུབ།རྒྱུན་ལྡན་གྱི་དུས་ཚོད་མཇུག་རྫོགས་པ་དང་བསྡུར་ཚད་ནི་0：0ཡིན་པས། འགྲན་བསྡུར་དེ་མཇུག་མཐའི་ཐིག་སྟེང་སྤོ་བསྡུའི་འགྲན་བསྡུར་གྱི་ནང་དུ་ཞུགས་པ་རེད།

ཐིག་སྟེང་སྤོ་བསྡུའི་བརྒྱུད་རིམ་ཁྲོད་བདེ་ཆེན་རུ་ཁག་གིས་སྤོ་ལོ་5བསྡུས་པས་མཐར་མཇུག་མཐའི་5：4བསྡུར་ཚད་ཀྱིས་ཧུང་ཧོ་རུ་ཁག་ཕམ་པར་བརྒྱབ་སྟེ་བསྟུད་མར་ཐེངས་གསུམ་ལ་རྒྱལ་ཁ་གསུམ་བླངས་པ་རེད།