ཚོགས་འདུའི་ཐོག་ཁུལ་ཡུལ་སྐོར་ཚོགས་པ་ཚད་ཡོད་ཀུང་སི་དང་། ཁུལ་གསར་སྤེལ་མ་འཇོག་ཚོགས་པ་ཚད་ཡོད་ཀུང་སི། བདེ་ཆེན་འགྲིམ་འགྲུལ་སྐྱེལ་འདྲེན་ཚོགས་པ་ཀུང་སི། ཁུལ་ཚ་ཤུགས་གསར་སྤེལ་ཚད་ཡོད་འགན་འཁྲི་ཀུང་སི་བཅས་ཀྱི་འགན་འཁུར་བ་གཙོ་བོས་ཁེ་ལས་ཀྱི་ཐོན་སྐྱེད་གཉེར་སྐྱོང་དང་། རྣམ་གྲངས་འཛུགས་སྐྲུན། ཕྱོགས་སྒྱུར་རིམ་སྤོར་སོགས་ཀྱི་ཐད་ལས་དོན་སྤེལ་ཚུལ་སྐོར་གྱི་སྙན་སེང་ཞུས་པ་རེད།

ལུའོ་ཁྲའོ་ཧྥེང་གིས་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་དང་དེང་རབས་ཅན་འཛུགས་སྐྲུན་ཁྲོད་གཞུང་ཁོངས་ཁེ་ལས་ལ་ནུས་པ་གལ་ཆེན་ཐོན་ཡོད། ཁུལ་ཡོངས་ཀྱི་གཞུང་ཁོངས་ཁེ་ལས་སྒྱུར་བཅོས་འཕེལ་རྒྱས་ཀྱི་ལོ་གསུམ་བྱ་སྤྱོད་ཀྱི་ཇུས་གཞི་ལག་བསྟར་བྱས་ཚུན། ལས་དོན་ཁག་ལ་དུས་མཚམས་རང་བཞིན་གྱི་གྲུབ་འབྲས་ཐོབ་ཡོད།གཞུང་ཁོངས་ཁེ་ལས་ཀྱིས་ཆབ་སྲིད་ཀྱི་འགན་འཁྲི་དང་འཕེལ་རྒྱས་ཀྱི་འགན་འཁྲི་ཏན་ཏིག་ཁུར་ནས་གནད་དོན་གྱི་ཞན་ཆར་མཐོང་ཆེན་བྱེད་པ་དང་། འཕེལ་རྒྱས་ཀྱི་གདེང་ཚོད་ཆེ་རུ་གཏོང་བ། ལྟེ་བའི་ནུས་པ་ཟམ་མི་ཆད་པར་ཆེ་རུ་གཏོང་བ། ལྟེ་བའི་འགྲན་རྩོད་ནུས་པ་ཆེ་རུ་གཏོང་བ་བཅས་བྱས་ཏེ་རང་ངོས་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་དེ་བས་ལེགས་པ་ཞུ་དགོས། ཁུལ་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་གྱིས་འགན་ནུས་འདོན་སྤེལ་གང་ལེགས་བྱས་ཏེ་དོ་དམ་དང་། ལྟ་སྐུལ། ཞབས་ཞུ་བཅས་ཀྱི་འགན་འཁྲི་ཏན་ཏིག་བསྒྲུབས་ནས་ནུས་ཤུགས་ཡོད་རྒུས་ཁེ་ལས་འཕེལ་རྒྱས་ཆེད་གཡས་གཞོགས་གཡོན་འདེགས་བྱེད་དགོས་ཞེས་བསྟན་པ།

ལུའོ་ཁྲའོ་ཧྥེང་གིས་འཕེལ་རྒྱས་ཀྱི་ངེས་གནས་ཐོག་ལས་དོན་ཡག་པོ་བསྒྲུབས་ནས་ཁུལ་ཡོངས་ཀྱི“ལོ་ལྔ་ཚན་བཅོ་ལྔ་པའི”འཕེལ་རྒྱས་འཆར་འགོད་ལ་གཞི་ཚུགས་ཏེ་ཁེ་ལས་འཕེལ་རྒྱས་ཀྱི་ངེས་གནས་གནད་ལ་འཁེལ་བ་དང་འཕེལ་རྒྱས་ཀྱི་ཁ་ཕྱོགས་ཁ་གསལ། ཁུལ་ཡོངས་ཀྱི་ཀ་རྟེན་ཐོན་ལས་བཞིར་དམིགས་པ། ལས་རིགས་གཙོ་བོར་གཞི་ཚུགས་ཏེ་སྦྲེལ་ཐག་རིང་དུ་གཏོང་བ་དང་སྦྲེལ་ཐག་སྟོབས་ཆེར་གཏོང་བ། ཁེ་ལས་ཀྱི་ཁེ་སྤོགས་རག་ནུས་དང་གཉེར་སྐྱོང་སྤུས་ཚད་དང་ཕན་འབྲས་ཁྱོན་ཡོངས་ནས་ཆེ་རུ་གཏོང་བ་བཅས་བྱེད་དགོས། ཐོན་ལས་འཕེལ་རྒྱས་ཐད་ལྟེ་བའི་ལས་སྒོ་རྒྱ་སྟོབས་ཆེ་རུ་གཏོང་བ་དང་གཏིང་ཟབ་ཞིབ་ཚགས་གཏོང་བ། ལྟེ་བའི་ལས་སྒོ་ཞིབ་ཚགས་སྒྲུབ་པ། ཐོན་ཁུངས་ཀྱི་ལེགས་ཆ་དང་བསྡུར་གཞི་ཡོད་པའི་ལེགས་ཆར་གཞི་ཚུགས་ནས་ཁྲོམ་རའི་དགོས་མཁོ་དང་གནད་སྨིན་སྦྲེལ་མཐུད་བྱེད་པ། མ་གནས་ཕན་འབྲས་ཀྱི་འདུ་ཤེས་ཟབ་ཏུ་གཏོང་བ། ཤུགས་རྒྱག་ཡུལ་གནད་ལ་འཁེལ་བའི་ངང་འཚོལ་བ། རང་ངོས་ཁྱབ་ཁོངས་སུ“རྣམ་གྲངས་རྐྱང་པའི་ཨང་དང་པོ་”ཧུར་ཐག་བྱེད་པ་བཅས་བྱས་ཏེ་ཁྲོམ་རའི་འགྲན་རྩོད་ནུས་པ་ཟམ་མི་ཆད་པར་ཆེ་རུ་གཏོང་དགོས། མཐུན་སྦྱོར་མཉམ་འགུལ་འཕེལ་རྒྱས་ཐད་ལས་དོན་ཡག་པོ་སྒྲུབ་པ་དང་། ཁེ་ལས་དབར་དང་སྲིད་ཁེ་དབར་གྱི་མཉམ་འགུལ་ལ་ཤུགས་སྣོན་རྒྱག་པ། གཞུང་ཁོངས་ཐོན་ཁུངས་བཀོད་སྒྲིག་རྒྱུན་མཐུད་ལེགས་སུ་གཏོང་བ། གསོག་འཇོག་རྒྱུ་ནོར་གསོག་ཐེབས་རྒྱུ་ནོར་སྡེབ་སྒྲིག་བྱེད། ཚོང་འགུགས་མ་འདྲེན་བྱེད་ཤུགས་ཆེ་རུ་གཏོང་བ། ཕྱིའི་སྟོབས་ཤུགས་ལ་བརྟེན་ནས་ནང་གནས་སྒུལ་ཤུགས་འཕེལ་བར་བྱེད་པ། གཉིས་ཁེ་གཉིས་ཕན་ཡོང་བ་བཅས་བྱེད་དགོས། ཁེ་ལས་ཀྱི་དགོས་མཁོའི་ཐད་ལས་དོན་ཡག་པོ་སྒྲུབ་པ་དང་། ཚོང་གཉེར་ཁོར་ཡུག་མུ་མཐུད་ལེགས་སུ་གཏོང་བ། རང་འགུལ་ངང་མདུན་གྲལ་ལ་བརྟེན་པ་དང་གནད་སྨིན་ཞབས་ཞུ་མཐའ་འཁྱོངས་བྱེད་པ། རང་འགུལ་ངང་ཁེ་ལས་ཀྱི་དཀའ་གནད་སེལ་བ་བཅས་བྱས་ཏེ་བརྩེ་སེམས་ལ་བརྟེན་ནས་གཞུང་ཁོངས་ཁེ་ལས་ལ་རྒྱབ་སྐྱོར་དང་། སྐྱེད་སྲིང་། སྟོབས་ཆེར་གཏོང་བ་བཅས་བྱེད་དགོས།ཉེན་ཁ་སྔོན་འགོག་དང་ཚོད་འཛིན་བྱེད་པའི་ཐད་ལས་ཀ་ཡག་པོ་སྒྲུབ་པ་དང་། ཐོག་མཐའ་བར་གསུམ་དུ་བདེ་འཇགས་ཨང་དང་པོར་འཇོག་པ། ཡང་དག་པའི་སྲིད་དོན་ལས་རྗེས་ལྟ་བ་བརྟན་པོར་འཛུགས་པ་དང་ལག་བསྟར་བྱེད། མ་དངུལ་འཇོག་པའི་ཉེན་ཁར་གཟབ་གཟབ་ནན་ནན་གྱིས་དཔྱད་བྱེད་པ། ཁེ་ལས་ཀྱི་བདེ་འཇགས་དང་འཕེལ་རྒྱས་ཀྱི་རྨང་གཞི་རྒྱུན་ཆད་མེད་པར་བརྟན་དུ་གཏོང་བ་བཅས་བྱེད་དགོས། ཏང་འཛུགས་སྐྱོང་ལ་ཤུགས་སྣོན་རྒྱག་པའི་ཐད་ལས་ཀ་ཡག་པོ་སྒྲུབ་པ་དང་། ཏང་གི་ཕྱོགས་ཡོངས་ཀྱི་འགོ་ཁྲིད་དང་ཏང་འཛུགས་སྐྱོང་ལ་ཤུགས་སྣོན་རྒྱག་པ། ཏང་སྲོལ་སྲིད་གཙངལ་སྐུལ་འདེད་གཏིང་ཟབ་གཏོང་བ། འགོ་ཁྲིད་ཚན་པ་དང་ལས་བྱེད་ཤེས་ལྡན་མི་སྣའི་དཔུང་ཁག་སྟོབས་ཆེར་གཏོང་བ། དོ་དམ་འཁོར་སྐྱོད་ལམ་སྲོལ་འཐུས་ཚང་དུ་གཏོང་བ། ལས་བྱེད་ལས་བཟོ་ཚོའི་ལས་སྒྲུབ་ལས་གཏོད་ཀྱི་གསོན་ཤུགས་སྐུལ་སློང་གང་ལེགས་བྱེད་པ་བཅས་བྱས་ཏེ། སྤུས་ཚད་མཐོ་བའི་ཏང་འཛུགས་སྐྱོང་གིས་ཁེ་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་དང་འགན་སྲུང་བྱེད་དགོས་པའི་བླང་བྱ་བཏོན་པ་རེད།

ལི་དབྱང་དང་དབྱང་ཞུའེ་ཝུན། ཁུལ་རིམ་པའི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་ཚོགས་འདུར་ཞུགས།