གཏེར་མ་རོང་ཤང་སློབ་ཆུང་ལུས་རྩལ་ཐང་གི་ཨར་ལས་བྱ་ཡུལ་དུ་ལུའོ་ཁྲའོ་ཧྥེང་གིས་ཨར་ལས་བྱས་ཚུལ་ལ་ལྟ་ཞིབ་ནན་ཏན་དང་། ཨར་ལས་ཀྱི་འཕེལ་རིམ། ཨར་ལས་སྒྲིག་འཛུགས། དཀའ་ངལ་ཡོད་པའི་གནད་དོན་བཅས་ཤེས་རྟོགས་ཞིབ་ཕྲ་གནང་བ་རེད།

ལུའོ་ཁྲའོ་ཧྥེང་གིས་བསྟན་དོན། སྐོར་གཟིགས་དག་ཐེར་ནི་ཆབ་སྲིད་ཀྱི་ལས་འགན་ནན་པོ་ཞིག་ཡིན་པས་ངེས་པར་དུ་རྣམ་འགྱུར་བརྟན་ཤོས་དང་། བྱེད་ཐབས་ནུས་ལྡན། ཚད་གཞི་ནན་ཤོས་བཅས་ཀྱི་ཐོག་ནས་དོན་འཁྱོལ་ལ་དམ་འཛིན་ཡག་པོ་བྱེད་དགོས། གཏེར་མ་རོང་ཤང་སློབ་ཆུང་གི་ལུས་རྩལ་ཐང་གི་བདེ་འཇགས་ཀྱི་མངོན་མེད་རྐྱེན་ངན་གནད་དོན་དེ་དགེ་སློབ་ཀྱི་བདེ་འཇགས་དང་རྒྱུན་གཏན་གྱི་སློབ་ཁྲིད་སྒྲིག་ལམ་དང་ཐད་ཀར་འབྲེལ་བ་ཡོད་པས་ངེས་པར་དུ་སྔོན་དུ་བཞག་ནས་ཐག་གཅོད་བྱེད་དགོས།འབྲེལ་ཡོད་སྡེ་ཚན་ཁག་གིས་གཞོགས་འདེགས་དམ་ཟབ་དང་མཉམ་དུ་ཨར་ལས་སྒྲུབ་པ། སློབ་མའི་དབྱར་གསེང་གི་སྐར་ཁུང་དུས་སྐབས་དམ་འཛིན་བྱེད་དེ་ཚན་རིག་དང་མཐུན་པའི་སྒོ་ནས་ཨར་ལས་འཆར་གཞི་བཀོད་སྒྲིག་བྱེད་པ་དང་ཨར་ལས་སྒྲིག་འཛུགས་ལེགས་སུ་གཏོང་བ་བཅས་བྱས་ཏེ་ལས་གྲྭའི་སྤུས་ཚད་དང་བདེ་འཇགས་འགན་ལེན་བྱེད་པའི་སྔོན་འགྲོའི་ཆ་རྐྱེན་འོག་ལས་ཡུན་ལྡོག་སྒྲིག་དང་འཆར་གཞི་ལྡན་པའི་ངང་ཨར་ལས་སྒྲུབ་པ་བཅས་བྱས་ཏེ་རྣམ་གྲངས་དུས་བཀག་ལྟར་ལེགས་གྲུབ་དང་སྔ་ཙམ་ཕན་འབྲས་ཐོན་པའི་འགན་ལེན་བྱེད་དགོས།གཏེར་མ་རོང་ཤང་སློབ་ཆུང་གི་བདེ་འཇགས་ཀྱི་མངོན་མེད་རྐྱེན་ངན་བཅོས་སྒྲིག་རྣམ་གྲངས་མུ་མཐུད་ལག་བསྟར་ཡག་པོ་བྱས་ཏེ་ལུས་རྩལ་ཐང་གི་ནུས་པ་ཕྱོགས་ཡོངས་ནས་སླར་གསོ་བྱས་ནས་སློབ་གྲྭ་ཡོངས་ཀྱི་དགེ་སློབ་ལ་བདེ་འཇགས་དང་། སྐྱིད་སྣང་དོད་པ། གཙང་སྦྲ་དོད་པ་བཅས་ཀྱི་སློབ་གྲྭའི་ཁོར་ཡུག་ཅིག་གཏོད་དགོས།

ལུའོ་ཁྲའོ་ཧྥེང་གིས་བླང་བྱ་བཏོན་དོན། རིམ་ཁག་སྡེ་ཚན་ཁག་གིས་གཅིག་ཤེས་ཀུན་གྲོལ་དང་སྐོར་གཟིགས་དག་ཐེར་གོ་སྐབས་སུ་བྱས་ཏེ་ཁྱབ་ཁོངས་ཁག་གི་བདེ་འཇགས་ཀྱི་མངོན་མེད་རྐྱེན་ངན་གྲལ་བཤེར་དང་བཅོས་སྒྲིག་གཏིང་ཟབ་བྱེད་དགོས། སྒྲིག་སྲོལ་དང་ལམ་ལུགས་འཛུགས་རྒྱུར་སྣང་ཆེན་བྱས་ནས་ཕུགས་ཕན་ལམ་སྲོལ་འཐུས་ཚང་དུ་གཏོང་དགོས། རྗེས་འདེད་ལྟ་སྐུལ་ལ་ཤུགས་སྣོན་བརྒྱབ་ནས་དུས་བཀག་ལྟར་དག་ཐེར་གནས་ཚུལ་ལ་“ཕྱིར་མིག་ལྟ་བའི”ལས་དོན་སྤེལ་ཏེ་དག་ཐེར་བྱེད་ཐབས་ཁག་དོན་འཁྱོལ་དང་ཕན་འབྲས་ཐོན་པའི་འགན་ལེན་བྱེད་དགོས། 

ཞུས་ཀོང་ཏེ། ཧོང་ལུང་ཤིན། དབྱང་ཁའེ་བཅས་ཞུགས་པ།