ཟླ་2པའི་ཚེས་3ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་དང་ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་བཅས་ཀྱིས་རུ་ཁག་ཁྲིད་དེ་ཞིང་ཆེན་ཆུ་བེད་ཐིང་དང་། ཞིང་ཆེན་ནགས་ལས་དང་རྩྭ་ཐང་ཅུས་སུ་འབྲེལ་ཡོད་ལས་དོན་སྤེལ་ཚུལ་ལ་སྙན་སེང་ཞུ།
ཞིང་ཆེན་ཆུ་བེད་ཐིང་གི་ཏང་ཙུའི་ཧྲུའུ་ཅི།ཐིང་ཀྲང་ཧུའུ་ཁྲའོ་པི་དང་། ཞིང་ཆེན་ནགས་ལས་དང་རྩྭ་ཐང་ཅུས་ཀྱི་ཏང་ཙུའི་ཧྲུའུ་ཅི། ཅུས་ཀྲང་དབན་ཡུང་སོགས་འབྲེལ་ཡོད་བཞུགས་མོལ་ཚོགས་འདུར་ཞུགས།
ཞིང་ཆེན་ཆུ་བེད་ཐིང་དུ། ལུའོ་ཁྲའོ་ཧྥེང་གིས་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས། ཞིང་ཆེན་ཆུ་བེད་ཐིང་གིས་དུས་ཡུན་རིང་པོའི་ནང་བདེ་ཆེན་གྱི་ཆུ་བེད་བྱ་གཞག་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས། མིག་སྔར་བདེ་ཆེན་ལ་ཆུ་བེད་རྨང་གཞིའི་སྒྲིག་བཀོད་འཛུགས་སྐྲུན་དང་ཆུའི་སྐྱེ་ཁམས་སྲུང་སྐྱོང་སོགས་ཀྱི་ལས་འགན་གལ་ཆེན་འཕྲད་ཡོད་པས། ཞིང་ཆེན་ཆུ་བེད་ཐིང་གིས་རྣམ་གྲངས་གཙོ་བོ་འཛུགས་པ་དང་ས་ཆའི་གྲ་སྒྲིག་ཞིབ་བཤེར་སོགས་ཐད་གཟིགས་སྐྱོང་གནང་ནས། བདེ་ཆེན་གྱིས་“ལོ་ལྔ་ཚན་བཅོ་ལྔ་པའི་”ཆུའི་བདེ་འཇགས་འགན་ལེན་འཆར་འགོད་བཟོ་བཀོད་བྱེད་པར་རོགས་རམ་བྱས་ཏེ། ཆུ་བེད་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་བསྟན།ཧུའུ་ཁྲའོ་པིས་བདེ་ཆེན་གྱི་“ལོ་ལྔ་ཚན་བཅུ་བཞི་པའི་”ཆུ་བེད་ལས་དོན་ཐད་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་ཞིང་། ཁོང་གིས། ཞིང་ཆེན་ཆུ་བེད་ཐིང་གིས་བདེ་ཆེན་གྱི་ཆུ་བེད་རྣམ་གྲངས་གཙོ་བོ་དེ་ཞིང་ཆེན་ཡོངས་ཀྱི་འཆར་འགོད་ནང་བཅུག་ནས་གཅིག་འགྱུར་སྐུལ་འདེད་གཏོང་སྟེ། བདེ་ཆེན་གྱིས་ཆུ་བེད་སྒྱུར་བཅོས་རྒྱུན་མཐུད་གཏིང་ཟབ་བྱས་ནས། ཆུ་དང་མཚེའུ་ཡི་འགྲམ་རྒྱུད་དོ་དམ་ཚོད་འཛིན་དང་སྐྱེ་ཁམས་ཁོར་ཡུག་སྲུང་སྐྱོང་ལས་དོན་ཕྱོགས་ཡོངས་ནས་དམ་འཛིན་བྱས་ཏེ། “ལོ་ལྔ་ཚན་བཅོ་ལྔ་པའི”འཆར་འགོད་དོན་འཁྱོལ་བྱས་ནས།མཐོ་སྒང་གི་ཁྱད་ལྡན་ཞིང་ལས་དང་རིག་གནས་ཡུལ་སྐོར་ཐོན་ལས་ལ་བརྟེན་ནས་ཆུ་དང་འབྲེལ་བའི་ལས་རྣམ་གསར་པ་བཀོད་སྒྲིག་བྱས་ཏེ། ཆུ་བེད་འཛུགས་སྐྲུན་དེས་ས་གནས་ཀྱི་འཕེལ་རྒྱས་ལ་ཞབས་འདེགས་དེ་བས་ཡག་པོ་ཞུ་རྒྱུ་ཡིན་ཞེས་སྟོན།
ཞིང་ཆེན་ནགས་ལས་དང་རྩྭ་ཐང་ཅུས་སུ།ལུའོ་ཁྲའོ་ཧྥེང་གིས་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ནས། ཞིང་ཆེན་ནགས་ལས་དང་རྩྭ་ཐང་ཅུས་ཀྱིས་དུས་ཡུན་རིང་པོའི་ནང་བདེ་ཆེན་གྱི་ནགས་ལས་དང་རྩྭ་ཐང་བྱ་གཞག་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས། “ལོ་ལྔ་ཚན་བཅུ་བཞི་པའི་”རིང་ཞིང་ཆེན་ནགས་ལས་དང་རྩྭ་ཐང་ཅུས་ཀྱི་མཛུབ་ཁྲིད་དང་རྒྱབ་སྐྱོར་འོག བདེ་ཆེན་ཁུལ་གྱི་ནགས་ཚལ་སྐྱེ་ཁམས་སྲུང་སྐྱོང་སླར་གསོ་དང་ནགས་འོག་དཔལ་འབྱོར་འཕེལ་རྒྱས་སོགས་ཀྱི་ལས་དོན་ལ་ཕན་འབྲས་ཆེན་པོ་ཐོབ་ཡོད་མོད། འོན་ཀྱང་སྔར་བཞིན་གནད་དོན་མི་ཉུང་བ་ཞིག་འཕྲད་ཡོད། ཞིང་ཆེན་ནགས་ལས་དང་རྩྭ་ཐང་ཅུས་ཀྱིས་བདེ་ཆེན་ལ་རྒྱལ་ཁབ་ས་ཆ་སྔོ་འགྱུར་དང་ནགས་རྩྭའི་གནོད་ལྡན་སྐྱེ་དངོས་འགོག་བཅོས་སོགས་རྣམ་གྲངས་གལ་ཆེན་གྲབས་གསོག་བྱེད་པར་རོགས་རམ་བྱས་ཏེ། ནགས་ལས་དང་རྩྭ་ཐང་གི་ཐོན་ལས་སྒྲིག་བཀོད་ཅན་གྱི་འཕེལ་རྒྱས་དང་གྲོང་གསེབ་དར་རྒྱས་ཀྱི་སྦྲེལ་མཐུད་མ་དངུལ་ཕྱོགས་སྒྱུར། ཡུལ་སྐོར་དང་། ནགས་ལས་རྩྭ་ཐང་གི་སྐྱེ་ཁམས་མཉམ་འདྲེས་སོགས་ཀྱི་ཐད་མཛུབ་ཁྲིད་བྱས་ནས། བདེ་ཆེན་གྱིས་སྐྱེ་ཁམས་བདེ་འཇགས་སྲུང་ཡོལ་བརྟན་པོ་བསྐྲུན་པ་དང་། ནགས་ལས་དང་རྩྭ་ཐང་གི་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་རམ་འདེགས་བྱེད་དགོས་ཞེས་བསྟན།དབན་ཡུང་གིས་བདེ་ཆེན་ཁུལ་གྱི་ནགས་ལས་དང་རྩྭ་ཐང་ལས་དོན་གྱི་ཕན་འབྲས་ལ་ཁས་ལེན་གང་ལེགས་གནང་ཞིང་། ཁོང་གིས།ཞིང་ཆེན་ནགས་ལས་དང་རྩྭ་ཐང་ཅུས་ཀྱིས་ནུས་ཤུགས་ཡོད་རྒུས་བདེ་ཆེན་གྱི་ནགས་ལས་དང་རྩྭ་ཐང་གི་རྣམ་གྲངས་ཀྱི་རྒྱུ་རྐྱེན་གཙོ་བོ་མཁོ་འདོན་བྱ་རྒྱུར་འགན་ལེན་བྱས་ནས། འགན་ལེན་བྱེད་དགོས་པ་དེ་འགན་ལེན་བྱས་ཏེ། བདེ་ཆེན་གྱི་ལེགས་སྒྱུར་རྣམ་གྲངས་གསོག་འཇོག་ལ་མཛུབ་ཁྲིད་བྱེད་པ་དང་། རྣམ་གྲངས་ཀྱི་སྤུས་ཚད་དང་གྲངས་འབོར་མཐོ་རུ་གཏོང་བ། བདེ་ཆེན་གྱིས་ནགས་ལས་དང་རྩྭ་ཐང་གི་ཐོན་ལས་སྒྲིག་ཆས་ཅན་གྱི་ཚོད་ལྟ་བྱེད་པར་རྒྱབ་སྐྱོར་བྱེད་དེ། སྐྱེ་ཁམས་སྲུང་སྐྱོང་སླར་གསོའི་མ་དངུལ་དང་ཐོན་ལས་འཕེལ་རྒྱས་སྦྲེལ་མཐུད་ཡོང་བར་སྐུལ་འདེད་བཏང་ནས། ནགས་ཚལ་དང་རྩྭ་ཐང་། ཡུལ་སྐོར། ཞིང་ལས་སོགས་ཐོན་ལས་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་དགོས་ཞེས་བསྟན།ཞིང་ཆེན་ཆུ་བེད་ཐིང་གི་འགོ་ཁྲིད་པའོ་ཁྲུང་ཀོ་དང་།ཞིང་ཆེན་ནགས་ལས་དང་རྩྭ་ཐང་ཅུས་ཀྱི་འགོ་ཁྲིད་ཐེན་ཅན་ཧུང་དང་ཀྲའོ་ཡུང་ཕིན། རང་ཁུལ་གྱི་འགོ་ཁྲིད་ཞུས་ཀོང་ཏི་དང་དེ་བཞིན་ཞིང་ཆེན་ཆུ་བེད་ཐིང་། ཞིང་ཆེན་ནགས་ལས་དང་རྩྭ་ཐང་ཅུས་ཀྱི་འབྲེལ་ཡོད་ཁང་གི་འགན་འཁུར་བ། རང་ཁུལ་གྱི་འབྲེལ་ཡོད་སྡེ་ཁག་གི་འགན་འཁུར་བློ་མཐུན་བཅས་བཞུགས་མོལ་ཚོགས་འདུར་ཞུགས།
ཡུན་ནན་སྤྱི་བདེ་དྲ་རྒྱ་བདེ་འཇགས་ཐོ་འགོད་ཨང་རྟགས། 53340002000108
