སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཉེ་སྔོན།　རང་ཁུལ་གྱི་ནུས་རྒྱུ་གསར་པ་འཛུགས་སྐྲུན་ཁྱབ་ཁོངས་ནས་གཏམ་བཟང་ཞིག་གྲགས་ཡོང་བ་དང་།　གློག་འདོན་འཕྲུལ་འཁོར་གྱི་གློག་འདོན་ཚད་ཀྲའོ་ཝ་400ཟིན་པའི་ཆི་ཞིའུ་ཐང་དང་ཀོ་ཝུང་གཅིག་སྡུད་རྣམ་པའི་འོད་ཤུགས་གློག་ཁང་གཉིས་སྔ་རྗེས་སུ་དྲ་སྦྲེལ་ཐུབ་ནས་ཐོན་སྐྱེད་བྱེད་འགོ་ཚུགས་དེ་རང་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལ་ལྗང་མདོག་གི་སྒུལ་ཤུགས་བསྣན་ཡོད་།

རྒྱུས་ལོན་ལྟར་ན།　2025ལོརརང་ཁུལ་གྱི་གཙོ་གནད་ནུས་རྒྱུའི་རྣམ་གྲངས་ཤིག་ཡིན་པའི་ངོས་ནས།　ཁེ་ལས་བདག་པོའི་ལས་ཁུངས་གཉིས་ཀྱིས་ཚད་མཐོའི་འགན་འཁྲི་འཁུར་སེམས་བཅངས་ནས་ས་དབྱིབས་རྙོག་འཛིང་ཆེ་བ་སོགས་ཀྱི་དཀའ་ངལ་ཁྱད་བསད་བྱས་ཏེ་སྔོན་ཐོན་གྱི་ལག་རྩལ་དང་ཚན་རིག་དང་མཐུན་པའི་དོ་དམ་བྱ་ཐབས་སྤྱད་དེ།　ཆི་ཞིའུ་ཐང་(ཀྲའོ་ཝ་100)དང་ཀོ་ཝུའུ་(ཀྲའོ་ཝ་300)གི་འོད་ཤུགས་གློག་ཁང་གི་འཛུགས་སྐྲུན་མྱུར་ཚད་ནུས་ཤུགས་ཡོད་རྒུས་མགྱོགས་སུ་བཏང་ཡོད།　2025ལོའི་ཟླ12པར།　གློག་ཁང་གཉིས་འཛུགས་སྐྲུན་གྱི་ལས་འགན་བདེ་བླག་ངང་ལེགས་གྲུབ་བྱུང་ནས་ལྷོ་ཕྱོགས་གློག་དྲ་ཡུན་ནན་གློག་ཤུགས་བཀོད་གཏོང་ཚོད་འཛིན་ལྟེ་གནས་ལ་དྲ་སྦྲེལ་ཞིབ་བཤེར་རྩིས་ལེན་གྱི་རེ་ཞུ་ཕུལ།　2026ལོའི་ཟླ་1ཚེས་22ཉིན་གློག་ཁང་གཉིས་བདེ་བླག་ངང་བསྐྱར་ཞིབ་བྱས་པ་བརྒྱུད་དངོས་སུ་དྲ་སྦྲེལ་གློག་གཏོང་ཐུབ་པའི་ཆ་རྐྱེན་འཛོམས་ཡོད།　གློག་ཁང་གཉིས་འཆར་གཞི་ལྟར་ཐོན་སྐྱེད་བྱེད་འགོ་ཚུགས་ལ།　ཀྲའོ་ཝ་400ཡི་གློག་ཤུགས་གཙང་མ་གཅིག་སྡུད་ཀྱིས་དྲ་སྦྲེལ་ཐུབ་པ་བྱུང་ཡོད།

གློག་ཁང་གཉིས་ཀྱིས་ས་བབ་མཐོ་བའི་ས་ཁུལ་གྱི་ནུས་རྒྱུ་གཙང་མའི་རྣམ་གྲངས་འཛུགས་སྐྲུན་ལ་དཔྱད་གཞིར་འཛིན་ཆོག་པའི་ལག་ལེན་གྱི་མ་དཔེ་མཁོ་འདོན་བྱས་ཡོད།　བྲི་ཆུ་དུས་སུ་གློག་ཁུངས་ཀྱི་འདེགས་སྐྱོར་ནུས་ལྡན་བྱས་ཏེ།　ས་ཁོངས་ནུས་ཁུངས་ཀྱི་གྲུབ་ཚུལ་ལེགས་བཅོས་ནུས་ལྡན་དང་།　གློག་ཤུགས་མཁོ་འདོན་གྱི་འགལ་བ་སེལ་བ་ནས།　རང་ཁུལ་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་བློས་འགེལ་ཆོག་པའི་ནུས་རྒྱུ་གཙང་མ་མཁོ་འདོན་བྱས་ཏེ་སྣོད་བཅུད་སྲུང་སྐྱོང་དང་ལྗང་མདོག་འཕེལ་རྒྱས་གཅིག་རམ་གཅིག་འདེགས་ཀྱི་ལེའུ་གསར་པ་བརྩམས་ཡོད།