ཟླ་10པའི་ཚེས་29ཉིན་ནས་ཚེས་30ཉིན་གྱི་བར་དུ།  ཞིང་ཨུའི་རྒྱུན་ཨུ།  སྲིད་ཁྲིམས་ཨུ་ལྷན་གྱི་ཧྲུའུ་ཅི་ཧུའུ་ཏ་ཕེང་བདེ་ཆེན་དུ་ཕེབས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་གནང་བ་མ་ཟད་བདེ་འཇགས་བརྟན་ལྷིང་ལས་དོན་ལ་རྟོག་ཞིབ་གནང་བ་རེད།

ཧུའུ་ཏ་ཕེང་གིས་གཞི་རིམ་གྱི་མངག་གཏོང་ཁང་དང་སྡེ་ཁུལ་སོགས་སུ་ཟབ་འཇུག་བྱས་ནས་བཅོས་སྐྱོང་གནས་ཚུལ་ལ་རྒྱུས་ལོན་ཞིབ་ཚགས་གནང་སྟེ།  ཁོང་གིས་ནན་བཤད་གནང་དོན།  ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་དོན་འཁྱོལ་གཏིང་ཟབ་བྱེད་དགོས་པ་དང་།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་བརྟག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དོན་འཁྱོལ་གཏིང་ཟབ་གཏོང་བ་དང་ཟུང་འབྲེལ་བྱས་ནས།  བྱེད་ཐབས་སྣ་མང་བརྒྱུད་དེ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་སྒྲོག་འགྲེལ།  དྲིལ་བསྒྲགས་བཅས་བྱ་རྒྱུར་རྩ་འཛུགས་ཡག་པོ་བྱེད་དེ་སློབ་སྦྱོང་དང་དོན་འཁྱོལ་གྱི་ཚ་རླབས་མྱུར་དུ་སློང་དགོས།  འཕེལ་རྒྱས་དང་བདེ་འཇགས་ལ་གཅིག་གྱུར་བཀོད་སྒྲིག་བྱེད་དེ་སྤྱི་ཚོགས་ཀྱི་འགལ་བ་དང་རྩོད་གཞི་ཞིབ་བཤེར་གཏིང་ཟབ་བྱས་ནས་དམངས་ལ་སྟབས་བདེ་བ་དང་དམངས་ལ་ཕན་པ་ཐོབ་པའི་བསྒྱུར་བཅོས་བྱེད་ཐབས་སྐུལ་སྤེལ་གཏོང་བ་དང་། ལོ་མཇུག་དང་ལོ་འགོར་རྒྱལ་ཁབ་ཀྱི་ཆབ་སྲིད་བདེ་འཇགས་སྲུང་སྐྱོང་བྱེད་དགོས་པ་དང་སྤྱི་ཚོགས་བརྟན་ལྷིང་གི་ལས་དོན་ཁག་ཏན་ཏིག་སྒྲུབ་དགོས། ཏང་འཛུགས་སྐྱོང་གིས་གཞི་རིམ་བཅོས་སྐྱོང་སྣེ་ཁྲིད་བྱེད་པར་དམ་འཛིན་རྒྱུན་མཐུད་བྱེད་དེ་དྲ་མིག་ཅན་གྱི་དོ་དམ་དང་ཞིབ་ཕྲ་ཅན་གྱི་ཞབས་ཞུ་འཐུས་ཚང་དུ་བཏང་ནས་གཞི་རིམ་བཅོས་སྐྱོང་གི་ཆུ་ཚད་རྒྱུན་མི་ཆད་པར་མཐོ་རུ་གཏོང་དགོས།  དོ་དམ་ནན་པོ་དང་གཅེས་སྐྱོང་ཟུང་འབྲེལ་རྒྱུན་འཁྱོངས་བྱེད་དེ་ལྷག་བསམ་དང་། གཙང་བ། འགན་འཁུར་བཅས་ཀྱི་མཐོ་སྒང་གི་སྲིད་ཁྲིམས་དཔུང་ཁག་བཞེངས་བསྐྲུན་བྱེད་པར་འབད་དེ་ལོ་ལྔ་ཚན་བཅོ་ལྔ་པའི་འཆར་འགོད་དུས་སྐབས་ཀྱི་ལས་འགན་ཁག་ལ་སྐུལ་འདེད་གཏོང་རྒྱུར་འགན་ལེན་བརྟན་པོ་མཁོ་འདོན་བྱེད་དགོས།