སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10པའི་ཚེས་29ཉིན་ནས་ཚེས་30ཉིན་གྱི་བར། ཁུལ་ཨུ་ཧྲུའུ་ཅི་ལུའོ་ཁྲའོ་ཧྥེང་འཇོལ་རྫོང་གི་ཤང་（གྲོང་རྡལ）དུ་འགྲོ་ནས་གྲོང་ཚོའི་གཞི་རིམ་ཏང་ཡོན་ལས་བྱེད་པར་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དྲིལ་བསྒྲགས་བྱེད་པ་དང་། གཞི་རིམ་བཅོས་སྐྱོང་དང་གཞི་རིམ་ཏང་འཛུགས། ཐུན་མོང་དཔལ་འབྱོར་འཕེལ་རྒྱས་བཅས་ཀྱི་གནས་ཚུལ་ལ་རྟོག་ཞིབ་གནང་། ཁོང་གིས། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་བྱེད་དེ།  སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་རྟོག་ཞིབ་གནང་དུས་ཀྱི་གསུང་བཤད་གལ་ཆེན་དོན་འཁྱོལ་བྱས་ནས། རྒྱུན་མཐུད་ངང་གཞི་རིམ་ཏང་རྩ་འཛུགས་འཛུགས་སྐྱོང་བྱེད་ཤུགས་ཆེ་རུ་གཏོང་སྟེ། གཞི་རིམ་ཏང་རྩ་འཛུགས་ཀྱི་ལས་དོན་ནུས་པ་འདོན་སྤེལ་གང་ལེགས་བྱས་ནས། ནན་ཏན་ངང་ཚང་འཛོམས་གྲོས་ཚོགས་ཀྱི་དགོངས་དོན་དེ་གཞི་རིམ་ལས་དོན་ལ་སྐུལ་འདེད་གཏོང་བ་དང་མི་རིགས་ཁག་གི་མང་ཚོགས་ལ་ཞབས་ཞུ་བྱས་པའི་དོན་དངོས་ཀྱི་ཕན་འབྲས་སུ་འགྱུར་བཅུག་དགོས་ཞེས་ནན་གསུང་གནང་། 

ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཐོག་སྤྱི་ཚོགས་བཅོས་སྐྱོང་མ་ལག་ལེགས་བཅོས་བྱས་པ་དང་ཞིང་གསུམ་གནད་དོན་ཐག་གཅོད་བྱེད་པ། གྲོང་གསེབ་ཕྱོགས་ཡོངས་དར་རྒྱས་སྐུལ་འདེད་གཏོང་བར་བླང་བྱ་གསལ་པོ་སྟོན། ལུའོ་ཁྲའོ་ཧྥེང་གྲོང་ཚོ་རུ་འགྲོ་ནས། བདེ་ཆེན་གྱི་དོན་དངོས་ལས་དོན་དང་རྟོག་ཞིབ་གནང་དུས་ཀྱི་མཐོང་ཐོས་དང་ཟུང་འབྲེལ་བྱས་ཏེ་དྲིལ་བསྒྲགས་གསལ་བཤད་བྱས་པ་དང་། གཞི་རིམ་ལས་བྱེད་པ་དང་མང་ཚོགས་ཀྱིས་མཉམ་དུ་ཚང་འཛོམས་གྲོས་ཚོགས་ཀྱི་ལྟེ་བའི་ནང་དོན་དང་ལག་བསྟར་བླང་བྱ་ལ་སློབ་སྦྱོང་བྱས་ནས་སློབ་སྦྱོང་གི་མྱོང་ཚོར་སྤེལ་རེས་བྱས། 

ལུའོ་ཁྲའོ་ཧྥེང་གིས་འཇོལ་རྫོང་མཁར་གྱི་ཉེན་གཡོལ་གནས་སྤོ་ལས་ཀ་དང་འབྲེལ་བའི་ཧྲེན་ཕིང་གྲོང་རྡལ་འཇོལ་ཤོད་གྲོང་ཚོ་དང་ཡན་ཀྲི་གྲོང་རྡལ་ཡན་ཀྲི་གྲོང་ཚོ་རུ་ལས་དོན་སྤེལ་ཚུལ་དང་ཏང་རྩ་འཛུགས་ཀྱི་ནུས་པ་འདོན་སྤེལ་བྱས་ཚུལ་ལ་རྒྱུས་ལོན་ཞིབ་ཚགས་བྱས། ཁོང་གིས། རྣམ་གྲངས་འཛུགས་སྐྲུན་གལ་ཆེན་ནི་གཞི་རིམ་ཏང་རྩ་འཛུགས་ཀྱིས་སྟོབས་ཤུགས་གཅིག་བསྡུས་བྱས་པའི་ཞིབ་བཤེར་ཞིག་ཡིན། གྲོང་ཚོ་ཏང་རྩ་འཛུགས་ཀྱིས་རང་འགུལ་ངང་ལས་འགན་འཁུར་བ་དང་ཏང་ཡོན་སྐུལ་ཁྲིད་བྱས་ནས་མང་ཚོགས་ལས་དོན་ཡག་པོ་སྒྲུབ་དགོས། སྲིད་ཇུས་ཁོང་དུ་ཆུད་ནས་འགལ་བ་འཐབ་རྩོད་ལ་ཐག་གཅོད་ནུས་ལྡན་བྱས་ཏེ། མགྱོགས་མྱུར་ངང་རྫོང་མཁར་གྱི་གནས་སྤོ་ལས་ཀ་ཁག་ལ་སྐུལ་འདེད་བཏང་ནས། ཏང་གི་ཆབ་སྲིད་དང་རྩ་འཛུགས་ལེགས་ཆ་དེ་འཕེལ་རྒྱས་ལ་སྐུལ་འདེད་གཏོང་བའི་སྟོབས་ཤུགས་ཆགས་དགོས་ཞེས་ནན་གསུང་གནང་། 

ལུའོ་ཁྲའོ་ཧྥེང་གིས་ཡན་ཀྲི་གྲོང་རྡལ་ཙི་ལི་གྲོང་ཚོ་དང་འབའ་སྡེ་ཤང་ཕེང་པ་གྲོང་ཚོ་རུ་ཕྱོགས་བསྡུས་བཅོས་སྐྱོང་ལྟེ་གནས་ཀྱི་དངོས་གཟུགས་ཅན་གྱི་འཁོར་སྐྱོད་དང་འགལ་བ་རྩོད་གཞི་ཞིབ་བཤེར་ཐག་གཅོད་བྱེད་པ། གྲོང་ཚོའི་ཐུན་མོང་དཔལ་འབྱོར་ཡོང་འབབ། རྒྱུ་ནོར་དོ་དམ། ཐོན་ལས་འཕེལ་རྒྱས་སོགས་ཀྱི་གནས་ཚུལ་རྒྱུས་ལོན་ཞིབ་ཚགས་བྱས། ཁོང་གིས། ཕྱོགས་བསྡུས་བཅོས་སྐྱོང་ལྟེ་བའི་ནུས་པ་འདོན་སྤེལ་གང་ལེགས་བྱས་ཏེ། “ཕྱོགས་བསྡུས་བཅོས་སྐྱོང་ལྟེ་གནས+དྲ་མིག་ཅན+ཆ་འཕྲིན་ཅན་”གྱི་ལས་དོན་རྣམ་པ་དང་འགལ་བ་རྩོད་གཞིའི་སྣ་མང་ཐག་གཅོད་ལམ་ལུགས་འཐུས་ཚང་དུ་གཏོང་དགོས། གྲོང་ཚོའི་ཐུན་མོང་རྒྱུ་ནོར་དོ་དམ་ཡག་པོ་བྱས་པ་དང་ཐོན་ཁུངས་ལེགས་ཆར་གཞི་ཚུགས་ཏེ། སྣ་མང་ཅན་གྱི་འཕེལ་རྒྱས་ལམ་བུ་འཚོལ་ཞིབ་བྱས་ནས། ཁྱད་ལྡན་ཐོན་ལས་འཕེལ་རྒྱས་བྱས་ཞིང་སྤྱི་ཚོགས་ཅན་གྱི་ཞབས་ཞུ་མཁོ་འདོན་བྱས་པ་སོགས་ཀྱི་བྱ་ཐབས་བརྒྱུད་ནས། མང་ཚོགས་འབབ་འཕར་ཕྱུག་འགྱུར་དང་གྲོང་གསེབ་ཕྱོགས་ཡོངས་དར་རྒྱས་ཡོང་བར་སྐུལ་འདེད་གཏོང་དགོས་ཞེས་ནན་གསུང་གནང་།