ཉེ་ཆར།  ཁུལ་མི་དམངས་སྲིད་གཞུང་གི་ཏང་ཙུའུ་ཧྲུའུ་ཅི།  ཁུལ་དཔོན་ཀྲང་ཝེ་ཏུང་གིས་ཁུལ་མི་དམངས་སྲིད་གཞུང་ཏང་ཙུའུ་ཡི་སྐབས་བཅུ་བཞི་པའི་གྲོས་ཚོགས་ཐེངས་78པ་གཙོ་སྐྱོང་གནང་ནས་འཚོགས། 

གྲོས་ཚོགས་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་སའི་འོས་འགན་ཤིང་འཛུགས་བྱེད་སྒོའི་ནང་ཞུགས་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ།  བསམ་ཕྱོགས་གཅིག་གྱུར་གྱིས་ས་ཁོངས་ཧྲིལ་པོའི་སྐྱེ་ཁམས་སྲུང་ཡོལ་བརྟན་པོ་བསྐྲུན་ནས།   གོམ་སྟབས་ཀྱི་རྗེས་སུ་དམ་པོར་འབྲངས་པ་དང་བྱ་སྤྱོད་མགྱོགས་མྱུར་སྤེལ་ཏེ།  ཚད་གཞི་མཐོ་པོས་ཤིང་འཛུགས་བྱེད་སྒོ་ཡག་པོ་སྤེལ་དགོས། ལམ་ལུགས་ནན་མོ་དང་ཁྲིམས་སྐྱོང་དམ་པོ་ལ་བརྟེན་ནས་སྐྱེ་ཁམས་ཁོར་ཡུག་སྲུང་སྐྱོང་བྱེད་པའི་ཁྲིམས་སྐྱོང་ལྟ་བ་ངོས་འཛིན་གཏིང་ཟབ་བྱས་ནས།  སྐྱེ་ཁམས་དཔལ་ཡོན་འཛུགས་སྐྱོང་གི་ལས་འགན་ཁག་དོན་ཐོག་ཏུ་འཁྱོལ་དགོས་ཞེས་ནན་གསུང་གནང་།

གྲོས་ཚོགས་ཐོག ཀྲུང་གུང་ཡུན་ནན་ཞིང་ཨུ་གཞུང་དོན་ཐིང་གིས་བཀྲམ་པའི་ཀྲུང་དབྱང་དང་ཞིང་ཨུ་ཏང་ནང་ཁུལ་གྱི་ཁྲིམས་སྲོལ་ལག་བསྟར་འགན་འཁྲིའི་ཞིབ་ཐོ་ཞེས་པའི་བརྡ་ཐོའི་སྐོར་གྱི་དགོངས་དོན་སློབ་སྦྱོང་ནན་ཏན་བྱས་ནས།  སྲིད་གཞུང་ཏང་ཙུའི་ཚན་ཁག་གི་ཁོངས་མིས་ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་འགན་འཁྲི་འཁུར་ཤུགས་ཆེ་རུ་བཏང་ནས།  ཏང་ནང་ཁུལ་གྱི་ཁྲིམས་སྲོལ་ལག་བསྟར་འགན་འཁྲིའི་ཞིབ་ཐོ་ལག་བསྟར་དོན་འཁྱོལ་བྱེད་པ་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས།  ཞིབ་ཐོའི་བླང་བྱར་དམིགས་པ་དང་རྒྱུན་གཏན་གྱི་ལས་ཀར་གཞི་ཚུགས་པ། འགན་འཁྲིའི་མཐའ་མཚམས་དང་ལག་བསྟར་ཚད་གཞི། ལས་ཀའི་བླང་བྱ་བཅས་ལ་ཁོང་དུ་ཡང་དག་ཆུད་པ་བྱས་ནས།  ལས་གནས་གཅིག་ལ་འགན་འཁྲི་གཉིས་ཞེས་པ་དོན་འཁྱོལ་ནན་མོ་བྱས་ཏེ། ཁག་བགོས་འགན་འཁུར་ཁྱབ་ཁོངས་ཀྱི་ཏང་ནང་ཁུལ་གྱི་ཁྲིམས་སྲོལ་ལག་བསྟར་ལས་དོན་ཏན་ཏིག་ངང་དམ་འཛིན་ཡག་པོ་བྱེད་དགོས།  ཚད་གཞི་ལྟར། ལག་བསྟར་དོན་འཁྱོལ་ལ་དམ་འཛིན་བྱས་ཏེ།  ཏང་ནང་ཁུལ་གྱི་ཁྲིམས་སྲོལ་ལག་བསྟར་བྱེད་པ་དེ་ཐབས་ཇུས་དང་ལག་བསྟར། ལྟ་སྐུལ་བཅས་ཀྱི་བརྒྱུད་རིམ་ཧྲིལ་པོར་ཁྱབ་ནས། བྱ་བ་གལ་ཆེན་གྱི་ཐབས་ཇུས་དང་རྣམ་གྲངས་མ་དངུལ་བེད་སྤྱོད། སྤྱོད་ཚུལ་འཛུགས་སྐྱོང་སོགས་ཀྱི་ལས་དོན་གཙོ་བོ་ཁྲོད་གསལ་ཐོ་ལྟར་རང་བཤེར་རང་བཅོས་ནན་མོ་བྱས་ཏེ།  ཁྲིམས་བཀོད་འགན་འཁྲི་ངེས་པར་དུ་སྒྲུབ་དགོས་པ་དང་ཁྲིམས་ཀྱིས་དབང་ཆ་སྤྲད་མེད་པའི་བྱ་བ་སྒྲུབ་མི་རུང་བ་བྱས་ནས།  འཕྲི་ཆ་དང་བབ་བསྟུན།  གདམ་ག་རང་བཞིན་བཅས་ཀྱི་ཐོག་ནས་ལག་བསྟར་བྱེད་པར་བཀག་འགོག་མཐའ་གཅིག་ཏུ་བྱེད་དགོས།  རྒྱུན་རྣམ་ཡུན་ཕན་ལ་དོ་སྣང་བྱས་ནས། ལག་བསྟར་གྱི་སྤུས་ཚད་དང་ཕན་འབྲས་མཐོ་རུ་གཏོང་སྟེ། ལག་བསྟར་འགན་འཁྲིའི་ཞིབ་ཐོ་དང་ལས་སྒོའི་ལས་དོན་མཉམ་དུ་འཆར་འགོད་དང་མཉམ་དུ་བཀོད་སྒྲིག མཉམ་དུ་སྐུལ་འདེད། མཉམ་དུ་ལྟ་ཞིབ་བཅས་བྱས་ཏེ། དུས་ཐོག་ཏུ་དཀའ་གནད་ཐག་གཅོད་བྱེད་པ་དང་ལམ་ལུགས་ཀྱི་ཞན་ཆ་ཁ་གསབ་བྱས་ནས།  སྒྲིག་ལམ་ལྟར་ཏང་སྐྱོང་བ་དང་ལམ་ལུགས་ལྟར་ཏང་སྐྱོང་བ་དེ་ལྟེ་བའི་ལས་དོན་དང་མཉམ་འདྲེས་གཏིང་ཟབ་བྱེད་དེ། ཚད་ལྡན་དང་ལས་ཆོད་ཆེ་བའི་ལག་བསྟར་གྱི་ཕན་འབྲས་ལ་བརྟེན་ནས་ལས་དོན་ཁག་སྤུས་ཚད་མཐོ་པོའི་ངང་སྤེལ་བར་འགན་ལེན་བྱེད་དགོས་ཞེས་ནན་གསུང་གནང་།