ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་2026ལོའི་གཅིག་སྡུད་སློབ་སྦྱོང་ཐེངས་བཞི་པ་དང་“བདེ་ཆེན་གྱི་སློབ་ཁང་ཆེན་མོའི་སློབ་ཁྲིད་གཉིས་པ་”སྤེལ།
ཁྱབ་བསྒྲགས་དུས་ཚོད་：2026-04-09 16:53:14
འབྱུང་ཁུངས་：སེམས་ཀྱི་ཉི་ཟླ་བོད་ཡིག་དྲ་བ།
ཟླ་4པའི་ཚེས་8ཉིན། ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་2026ལོའི་གཅིག་སྡུད་སློབ་སྦྱོང་ཐེངས་བཞི་པ་དང་“བདེ་ཆེན་གྱི་སློབ་ཁང་ཆེན་མོའི་སློབ་ཁྲིད་གཉིས་པ་”སྤེལ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་སྐབས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་“ཞིང་གསུམ”ལས་དོན་སྐོར་གྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས་མཐོ་སྒང་གི་ཁྱད་ཆོས་ལྡན་པའི་དེང་རབས་ཞིང་ལས་སྤུས་ཚད་མཐོ་བའི་འཕེལ་རྒྱས་ཡོང་བར་སྐུལ་འདེད་གཏོང་བ་དང་། ཞིང་པའི་འབབ་འཕར་ལ་སྐུལ་འདེད་གཏོང་བ། གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་གཏོང་བ་བཅས་བྱས་ཏེ་བདེ་ཆེན་གྱི་ཞིང་ལས་དང་གྲོང་གསེབ་དེང་རབས་ཅན་དུ་འགྱུར་བའི་འཛུགས་སྐྲུན་གྱི་རྣམ་པ་གསར་པ་ནུས་ཤུགས་ཡོད་རྒུས་གཏོད་དགོས་ཞེས་ནན་གསུང་གནང་།ལི་ཡན་ལན་སློབ་སྦྱོང་ནང་ཞུགས།ཞིང་ཆེན་ཞིང་ལས་ཚན་རིག་ཁང་གི་ཏང་ཨུའི་ཧྲུའུ་ཅི་གཞོན་པ། ཡོན་ཀྲང་ཝང་ཅི་ཧྭ་ཡིས་མཐོ་སྒང་གི་ཁྱད་ཆོས་ལྡན་པའི་དེང་རབས་ཞིང་ལས་འཕེལ་རྒྱས་གཏོང་བའི་བརྗོད་དོན་གཙོ་བོར་དམིགས་ནས་ཆེད་དོན་སློབ་ཁྲིད་བྱས།ཚོགས་འདུ་ཡིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་“ཞིང་གསུམ་”ལས་དོན་སྐོར་གྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱ་རྒྱུ་དེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དང་ཟུང་འབྲེལ་བྱས་ཏེ། སློབ་སྦྱོང་དང་བསམ་བློ་གཏོང་བ། བེད་སྤྱོད་གཏོང་བ་བཅས་གཅིག་གྱུར་ཡོང་བ་བྱས་ནས་ཤེས་རྟོགས་དང་དད་སེམས། བྱ་སྤྱོད་བཅས་གཅིག་གྱུར་ཡོང་བ་བྱས་ནས་སློབ་སྦྱོང་གི་ཕན་འབྲས་དེ་བདེ་ཆེན་གྱི“ལོ་ལྔ་ཚན་བཅོ་ལྔ་པ་”དང་“ཞིང་གསུམ་”ལས་དོན་ལ་འགོ་ཡག་པོ་ཚུགས་ནས་གོམ་པ་ཡག་པོ་སྤོ་ཐུབ་པར་སྐུལ་འདེད་གཏོང་བའི་འགུལ་ཤུགས་ཆེན་པོར་འགྱུར་བ་བྱེད་དགོས་ཞེས་ནན་གསུང་གནང་།ཚོགས་འདུ་ཡིས་ཀྲུང་དབྱང་དང་ཞིང་ཨུ། ཁུལ་ཨུ་བཅས་ཀྱི་གྲོང་གསེབ་ལས་དོན་ཚོགས་འདུའི་དགོངས་དོན་དོན་འཁྱོལ་ནན་ཏན་བྱས་ཏེ་གནད་དོན་གྱི་ཁྲིད་སྟོན་དང་དམིགས་ཚད་ཀྱི་ཁྲིད་སྟོན་མཐའ་འཁྱོངས་བྱེད་པ་དང་། མངོན་གསལ་དོད་པའི་གནད་དོན་ལ་དམིགས་ནས་དམིགས་སའི་རང་བཞིན་གྱིས་བྱེད་ཐབས་ཤུགས་སྣོན་བཅས་བྱས་ནས་དངོས་སྒྲུབ་དང་གྲུབ་འབྲས་དངོས་ལ་བརྟེན་ནས་གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་གཏོང་། འབྲུ་རིགས་བདེ་འཇགས་དང་ཞིང་ལས་ཐོན་རྫས་གལ་ཆེན་གྱི་མཁོ་སྤྲོད་འགན་ལེན་ལ་དམ་འཛིན་ལྷོད་གཡེང་སྤུ་ཙམ་ཡང་མི་བྱེད་པ་དང་རྨོ་ཞིང་སྲུང་སྐྱོང་ལ་ཤུགས་སྣོན་རྒྱག་པ། རྒྱུན་རྣམ་ཅན་གྱི་སླར་ཡང་དབུལ་ཕོངས་སུ་མི་ལོག་པ་དང་དབུལ་ཕོངས་སུ་མི་འགྲོ་བའི་ལམ་སྲོལ་གཅིག་གྱུར་འཆར་འགོད་ངང་འཛུགས་པ། རེས་སྐོར་གསར་པའི་ཞིང་པའི་ཡོང་འབབ་འཕར་བའི་ལོ་གསུམ་གྱི་བྱ་སྤྱོད་ལག་བསྟར་གཏིང་ཟབ་བཅས་བྱས་ནས་མང་ཚོགས་ཀྱི་འབབ་འཕར་གྱི་“དྲི་བ་གསར་པ་ལྔ་”ལ་ལན་ཡག་པོ་འདེབས་ཏེ་འབྲུ་རིགས་བདེ་འཇགས་དང་རྨོ་ཞིང་སྲུང་སྐྱོང་། གཞི་ཁྱོན་རང་བཞིན་གྱི་སླར་ཡང་དབུལ་ཕོངས་སུ་མི་ལོག་པ་དང་དབུལ་ཕོངས་སུ་མི་འགྲོ་བའི་མ་མཐའི་མཚམས་ཐིག་མཐའ་གཅིག་ཏུ་སྲུང་དགོས། མཐོ་སྒང་གི་ཁྱད་ཆོས་ལྡན་པའི་དེང་རབས་ཞིང་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་རྒྱུན་མཐུད་ངང་སྐུལ་འདེད་གཏོང་བ་དང་ཁྱད་ཆོས་དང་དགེ་མཚན་ལྡན་པའི་ཐོན་ཁུངས་ལ་གཞི་ཚུགས་པ། བསྡུར་གཞི་ཡོད་པའི་ལེགས་ཆ་འདོན་སྤེལ་གང་ལེགས་བྱེད་པ། འབྲེལ་ཐག་ཧྲིལ་པོ་དང་རིམ་པ་ཧྲིལ་པོ་མཐོ་རུ་གཏོང་བ་མཐའ་འཁྱོངས་བཅས་བྱས་ནས་ཞིང་ལས་ཐོན་ལས་ཀྱི་ཕྱོགས་བསྡུས་ཕན་འབྲས་ནུས་ཤུགས་ཡོད་རྒུས་མཐོ་རུ་གཏོང་དགོས། “མཛེས་སྡུག་ལྡན་པ”དང་“གཤིས་རྒྱུད་ཡག་པ།”“ཕན་ནུས་ཆེ་བ་”བཅས་ཀྱི་ཐོག་ནས་འབད་བརྩོན་བྱེད་དེ་གནས་འཕྲོད་ལས་འཚམ་མཛེས་མཐུན་གསུམ་ལྡན་གྱི་གྲོང་གསེབ་འཛུགས་སྐྲུན་ལ་སྐུལ་འདེད་ཏན་ཏིག་གཏོང་དགོས་ཞེས་ནན་གསུང་གནང་།ཚོགས་འདུ་ཡིས་ཁུལ་ཡོངས་རིམ་པ་ཁག་གི་ཏང་རྩ་འཛུགས་ཀྱིས་ཏང་གིས་“ཞིང་གསུམ་”ལས་དོན་ལ་ཁྱོན་ཡོངས་ནས་འགོ་ཁྲིད་བྱ་རྒྱུར་ཤུགས་སྣོན་བརྒྱབ་སྟེ་“རིམ་པ་ལྔའི་ཧྲུའུ་ཅི་”ཡིས་གྲོང་གསེབ་དར་རྒྱས་ལ་དམ་འཛིན་བྱས་པའི་འགན་འཁྲི་དོན་འཁྱོལ་བྱེད་པ། རིམ་པ་ཁག་གི་ཏང་ཨུ་ཡིས་དུས་བཀག་ལྟར་ཞིབ་འཇུག་བཀོད་སྒྲིག་བྱས་ནས་གནད་དོན་གལ་ཆེན་ཐག་གཅོད་བྱ་དགོས། ཏང་ཨུ་གྲོང་གསེབ་ལས་དོན་འགོ་ཁྲིད་ཚོགས་ཆུང་གིས་མཐུན་སྦྱོར་བྱེད་ཤུགས་ཆེ་རུ་གཏོང་བ་དང་གཅིག་གྱུར་འཆར་འགོད་དམ་འཛིན་ཡག་པོ་བྱ་དགོས། འབྲེལ་ཡོད་སྡེ་ཚན་ཁག་གིས་ལས་ཀའི་བྱ་ཐབས་ཞིབ་ཕྲ་བཟོས་ནས་ལས་དོན་ཁག་དོན་འཁྱོལ་བྱེད་པ་དམ་འཛིན་ཡག་པོ་བྱེད་དགོས། རྫོང་དང་གྲོང་ཁྱེར། ཤང་དང་གྲོང་རྡལ་གྱིས་ལས་བྱེད་པ་གསོ་སྐྱོང་སྦྱོང་བརྡར་བྱེད་ཤུགས་ཆེ་རུ་གཏོང་དགོས། འགོ་ཁྲིད་ལས་བྱེད་པས་སྤྱོད་ཚུལ་གསར་བརྗེ་དང་ཕན་ནུས་གསར་བརྗེ་མཐོ་རུ་གཏོང་བའི་བྱ་སྤྱོད་གཏིང་ཟབ་སྤེལ་བ་དང་། ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་ལེན་བསྟར་བའི་སློབ་སྦྱོང་སློབ་གསོ་དང་ཟུང་འབྲེལ་བྱས་ནས་“ཞིང་གསུམ་”ལས་དོན་སྔར་ལས་ལེགས་པར་བསྒྲུབས་ཏེ། བདེ་ཆེན་གྱི་ཞིང་ལས་དང་གྲོང་གསེབ་དེང་རབས་ཅན་དུ་འགྱུར་བའི་སྟོབས་ཤུགས་ཆེན་པོ་སྐུལ་འདེད་གཏོང་བ་གཅིག་ཏུ་སྒྲིལ་དགོས་ཞེས་བླང་བྱ་བཏོན།
ཡུན་ནན་སྤྱི་བདེ་དྲ་རྒྱ་བདེ་འཇགས་ཐོ་འགོད་ཨང་རྟགས། 53340002000108
