ལུའོ་ཁྲའོ་ཧྥེང་གིས་ནན་བཤད་གནང་དོན།དུས་རབས་གསར་པའི་ཆོས་ལུགས་ཁྱབ་ཁོངས་ཀྱི་ལས་དོན་ཡག་པོ་བསྒྲུབས་ནས་ཆོས་ལུགས་འཆམ་མཐུན་དང་སྤྱི་ཚོགས་བརྟན་ལྷིང་སྲུང་སྐྱོང་བྱེད་པ་ནི་ཆབ་སྲིད་ཀྱི་འགན་འཁྲི་གལ་ཆེན་ཞིག་ཡིན་པས་ངེས་པར་དུ་ལས་ཀའི་རང་འགུལ་དབང་ཆ་སྟངས་འཛིན་ནན་པོ་བྱས་ཏེ་ཆོས་ལུགས་ཁྱབ་ཁོངས་ཀྱི་དོ་དམ་ལས་དོན་ཁག་ལ་དམ་འཛིན་ཞིབ་ཚགས་དང་ཏན་ཏིག་བྱེད་དགོས།སྔོན་འགོག་དང་ཐག་གཅོད། རང་ངོས་དོ་དམ་དང་སྲིད་འཛིན་དོ་དམ།གཙོ་གནད་དང་རྒྱུན་གཏན་སོགས་ཆ་9ཡི་འབྲེལ་བ་ཐག་གཅོད་ཡག་པོ་བྱས་ནས་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་གཏོང་བ་དང་། ཐོག་མཐའ་བར་གསུམ་དུ་སྔོན་འགོག་ལས་དོན་ཨང་དང་པོར་འཇོག་པ།“སྔོན་འགོག”གི་རང་འགུལ་དམག་འཐབ་དང་“ཐག་གཅོད”ཀྱི་གྲ་སྒྲིག་དམག་འཐབ་ཏན་ཏིག་ངང་ཡག་པོ་སྒྲུབ་དགོས།ཆོས་ལུགས་ལས་དོན་ཞིབ་ཚགས་ཅན་གྱི་དོ་དམ་མཐའ་འཁྱོངས་དང་ལམ་ལུགས་ལག་བསྟར་ལ་ཤུགས་སྣོན་བརྒྱབ་ནས་དགོན་སྡེ་དོ་དམ་ཅུས་དང་ཤང་གྲོང་དང་གྲོང་ཚོ་དང་ཚོགས་ཆུང་གི་དོ་དམ་འགན་འཁྲི་ནན་དུ་གཏོང་དགོས།ཐོན་ཁུངས་བསྡུ་སྒྲིལ་བྱས་ནས་ལས་ཀའི་མཉམ་ཤུགས་ཤིག་ཆགས་པ་བྱས་ཏེ་“ཆོས་ལུགས་བྱེད་སྒོ་གལ་ཆེན་ཕུན་སུམ་ཚོགས་པོའི་ངང་སྤེལ་རྒྱུར་འགན་ལེན་བྱེད་དགོས།ཆོས་ལུགས་ལས་རིགས་ཀྱི་འཐུས་མི་མི་སྣ་དང་། ནང་བསྟན་མཐུན་ཚོགས།དགོན་སྡེའི་དམངས་གཙོ་དོ་དམ་ཨུ་ལྷན་སོགས་ཀྱི་བྱེད་པོའི་ནུས་པ་འདོན་སྤེལ་གང་ལེགས་བྱས་ཏེ་རྒྱ་ཆེའི་གྲྭ་བཙུན་ལ་རྒྱུན་ཆད་མེད་པར་རང་ངོས་དོ་དམ་དང་། རང་ངོས་སློབ་གསོ།རང་ངོས་གཅུན་འདོམས་བཅས་ཀྱི་བསམ་བློའི་རང་རྟོགས་དང་བྱ་སྤྱོད་ཀྱི་རང་རྟོགས་ཆེ་རུ་གཏོང་རྒྱུར་ཁྲིད་སྟོན་བྱེད་དགོས།

བརྟག་ཞིབ་གནང་རིང་ལུའོ་ཁྲའོ་ཧྥེང་གིས་ད་དུང་སྤྲུལ་སྐུ་བུམ་སྒྲུབ་ལ་འཚམས་འདྲི་གནང་ནས་སློབ་སྦྱོང་དང་འཚོ་བའི་གནས་ཚུལ་མཁྱེན་རྟོགས་ཞིབ་ཕྲ་གནང་བ་རེད།ཁོང་གིས་སྤྲུལ་སྐུ་བུམ་སྒྲུབ་ལ་ཏང་ཨུ་དང་སྲིད་གཞུང་གིས་མཁོ་འདོན་བྱས་པའི་སྤུས་ལེགས་ཀྱི་སློབ་སྦྱོང་ཐོན་ཁུངས་ལ་གཅེས་སྤྲས་བྱས་ཏེ་ཆོས་ལུགས་ཤེས་བྱ་དང་རིག་གནས་སློབ་ཚན་ཡག་པོ་སྦྱོང་བ་དང་། འཇོན་ཐང་ཆེ་རུ་གཏོང་བ། ཕྱོགས་བསྡུས་བྱང་ཚད་མཐོ་རུ་གཏོང་བ།བོད་བརྒྱུད་ནང་བསྟན་གྱི་རྒྱལ་གཅེས་ཆོས་གཅེས་དང་དད་ལྡན་མང་ཚོགས་ལ་ཞབས་འདེགས་ཞུ་བའི་སྲོལ་རྒྱུན་བཟང་པོ་རྒྱུན་འཛིན་ཡག་པོ་བཅས་བྱས་ནས་བདེ་ཆེན་གྱི་ཆོས་ལུགས་འཆམ་མཐུན་དང་སྤྱི་ཚོགས་བརྟན་ལྷིང་ཆེད་སྟོབས་ཤུགས་ལེགས་སྐྱེས་སུ་འབུལ་དགོས་པའི་ལྕག་སྐུལ་གནང་བ།

ཧོང་ལུང་ཞིན་དང་ཞུང་ཝུན་པིན་བརྟག་ཞིབ་ལ་ཞུགས།