སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཉེ་བའི་ལོ་ཤས་རིང་། སེམས་ཀྱི་ཉི་ཟླ་གྲོང་ཁྱེར་གཏེར་མ་རོང་ཤང་གིས་ཐོན་ཁུངས་ཀྱི་ལེགས་ཆར་གཞི་ཚུགས་ནས་སྣེ་འདྲེན་ཁེ་ལས་ནང་འདྲེན་དང་མཉམ་ལས་བྱེད་སྟངས་གཏིང་ཟབ་ཏུ་བཏང་བ་བརྒྱུད། ཤིང་ཏོག་ལི་དང་། རྒུན་འབྲུམ། ནས་སོགས་ཁྱད་ལྡན་ཐོན་ལས་འཕེལ་རྒྱས་ཤུགས་ཆེན་བཏང་བས་གྲོང་ཚོའི་མཉམ་སྡེབ་དཔལ་འབྱོར་སྟོབས་ཆེར་ནུས་ལྡན་གཏོང་བ།

ཤིང་ཏོག་ལིའི་ཐོན་ལས་ཐད། གཏེར་མ་རོང་ཤང་གིས་སེམས་ཀྱི་ཉི་ཟླ་གྲོང་ཁྱེར་བསམ་དོན་གྲུབ་སྐྱེ་དངོས་ཐོན་ཁུངས་གསར་སྤེལ་ཚད་ཡོད་ཀུང་སི་ནང་འདྲེན་བྱས་ནས་རིམ་རྩིས་བྱས་ན་མ་དངུལ་སྒོར་ཁྲི་202བཏང་སྟེ་མཉམ་དུ་ཤིང་ཏོག་ལིའི་ལྡེ་གུ་རིགས་ཀྱི་ཐོན་རྫས་གསར་སྤེལ་བྱས། ལོ་8རིང་། ཀུང་སིས་རིམ་རྩིས་བྱས་ན་ཤིང་ཏོག་ལི་ཏུན་1100ལྷག་ཙམ་ཉོས་སྒྲུབ་བྱས་ནས་གྲོང་ཚོ་བཞིའི་མཉམ་སྡེབ་དཔལ་འབྱོར་ལ་འབབ་འཕར་སྒོར་ཁྲི་40ཡོང་རྒྱུར་སྐུལ་ཁྲིད་བྱས། དེའི་གནའ་བོའི་ཤིང་སྡོང་གི་ལིའི་ལྡེ་གུ་2020ལོར་རྒྱལ་ཡོངས་ཀྱི་དབུལ་སྐྱོར་ཐོན་རྫས་ཀྱི་དཀར་ཆག་ནང་ཚུད་ཡོད་པ་རེད།

རྒུན་འབྲུམ་ཐོན་ལས་ཐད། གཏེར་མ་རོང་ཤང་གིས་སེམས་ཀྱི་ཉི་ཟླ་གྲོང་ཁྱེར་ཨ་རག་ལས་རིགས་མ་རྐང་ཚད་ཡོད་ཀུང་སི་དང་མཉམ་ལས་གཏིང་ཟབ་བྱས་ནས།“སྔོན་གྱི་ལོ་གསུམ་ལ་མཉམ་ལས་འདེབས་འཛུགས་བྱེད། འབྲས་བུ་བཏགས་རྗེས་བརྒྱུད་བཤུག་དོ་དམ་བྱེད་པའི”བྱེད་སྟངས་གསར་གཏོད་བྱས་ཏེ་སྣ་མང་འབབ་འཕར་གྱི་གྲོས་མཐུན་བཞག་པ། ཤང་ཡོངས་སུ་རྒུན་འབྲུམ་མུའུ་200བཏབ་པས་དུད་ཚང་325ཡི་མི་923ལ་ཕན་པ་ཐོབ་པ།དེའི་ནང་མུའུ་32.8ལ་ཆ་སྙོམས་འབབ་འཕར་སྒོར་5000ཡན་བྱུང་བ་དང་། 2026ལོར་མུའུ་200ཡི་ཡུག་འབྲེལ་ཚད་ལྡན་ཅན་གྱི་འདེབས་འཛུགས་རྟེན་གཞི་བསྐྲུན་རྩིས་ཡོད་པ་རེད།

ནས་ཀྱི་ཐོན་ལས་ཐད། གཏེར་མ་ཤང་གིས་འཇོལ་རྫོང་ཨ་ཆེན་མ་ཞིང་ལས་ཐོན་རྫས་གསར་སྤེལ་ཚད་ཡོད་ཀུང་སི་དང་མཉམ་ལས་གཏིང་ཟབ་བྱས་ཏེ་ཡོས་ཅིན་གྲོང་ཚོ་དང་ཤིན་ལན་གྲོང་ཚོའི་ཐོན་ལས་འཁོར་རྒྱུག་འཕེལ་རྒྱས་ཀྱི་མ་དངུལ་སྒོར་ཁྲི་56སྤྱི་འདོམས་བསྡུ་སྒྲིལ་བྱས་ནས་ཁེ་ལས་ཀྱི་ཐོན་ལས་འཁོར་སྦྲེལ་ཧྲིལ་པོའི་བཀོད་སྒྲིག་ནང་ནུས་ལྡན་ངང་བཅུག་ཡོད། ལོ་ཧྲིལ་པོར་ཀུང་སིས་རིམ་རྩིས་བྱས་ན་ནས་ཏུན་40ལྷག་ཙམ་ཉོ་སྒྲུབ་བྱས་པ་དང་ཞིང་དུད་122ལ་འབབ་འཕར་སྒོར་ཁྲི་38.2བྱུང་བར་སྐུལ་ཁྲིད་བྱས།

གཞན་ཡང་།ཁུལ་ཞིང་ལས་ཚན་རིག་ཁང་གི་རོགས་སྐྱོར་འོག གཏེར་མ་རོང་ཤང་གིས་འབྲེལ་ཡོད་ཁེ་ལས་དང་མཉམ་ལས་བྱས་ནས་སུར་པན་འདེབས་འཛུགས་རྟེན་གཞི་བསྐྲུན་པས་ལོ་ཧྲིལ་པོར་ཐོན་ཚད་ཏུན་201ཟིན་པ་དང་དུད་ཚང་266ལ་འབབ་འཕར་སྒོར་ཁྲི་100ཙམ་ཡོང་རྒྱུར་སྐུལ་ཁྲིད་བྱས་ཐུབ་པ་དང་། མངགས་ཐོའི་ཞིང་ལས་རྣམ་པ་བརྒྱུད་ཁྲོམ་རའི་ཉེན་ཁ་ཆུང་དུ་ནུས་ལྡན་གཏོང་བ།

ཐོན་ལས་ཀྱིས་སྐུལ་ཁྲིད་བྱས་པ་བརྒྱུད།  གཏེར་མ་རོང་ཤང་གྲོང་ཚོའི་མཉམ་སྡེབ་དཔལ་འབྱོར་རྒྱུན་ཆད་མེད་པར་སྟོབས་ཆེར་ཕྱིན་ནས་གྲོང་གསེབ་དར་རྒྱས་ལ་སྒུལ་ཤུགས་ཆེན་པོ་བསྣན་ཡོད།