དེ་རྗེས་ལུའོ་ཁྲའོ་ཧྥེང་གིས་ཁུལ་མཐོ་རྒྱུགས་བཀོད་འདོམས་སྟེགས་བུར་ཆེད་དོན་ཚོགས་འདུ་གཙོ་སྐྱོང་གནང་ནས་ཁུལ་ཡོངས་ཀྱི་མཐོ་རྒྱུགས་གྲ་སྒྲིག་ལས་དོན་གྱི་སྤྱིའི་གནས་ཚུལ་སྙན་སེང་གསན་པ་རེད།

ལུའོ་ཁྲའོ་ཧྥེང་གིས་མཐོ་རྒྱུགས་ནི་ཁྱིམ་ཚང་ཁྲི་སྟོང་མང་པོའི་རེ་བ་དང་འབྱུང་འགྱུར་དང་འབྲེལ་བ་ཡོད་པ་དང་རྒྱ་ཆེའི་རྒྱུགས་སྤྲོད་སློབ་མས་ལོ་བཅུ་གྲངས་རིང་སློབ་སྦྱོང་ལ་འབད་བརྩོན་ལྷོད་མེད་བྱས་པའི་གྲུབ་འབྲས་དང་ཕུགས་འདུན་ཐེག་ཡོད་པས་ལྷོད་གཡེང་སྤུ་ཙམ་ཡང་བྱེད་མི་རུང་། རིམ་པ་ཁག་དང་འབྲེལ་ཡོད་སྡེ་ཚན་ཁག་གིས་འགན་འཁྲི་སྔར་བས་ནན་དུ་གཏོང་བ་དང་། རང་འགན་རང་འཁུར། གཞོགས་འདེགས་དམ་ཟབ་བཅས་བྱས་ཏེ་ལྷུ་ཚིགས་ཁག་གི་ཉེན་ཁ་དང་མངོན་མེད་རྐྱེན་ངན་ཕྱོགས་ཡོངས་ནས་གསེད་བཀྲོལ་དང་རྩད་ཞིབ་བྱས་ཏེ་ལས་དོན་ཁག་གཅིག་ལ་གཅིག་འབྲེལ་དང་འཕྱུགས་པ་གཏན་ནས་མེད་པའི་འགན་ལེན་ཏན་ཏིག་བྱ་དགོས། རྒྱུགས་དོན་ལས་ཀའི་བླང་བྱ་དོན་འཁྱོལ་ཞིབ་ཚགས་དང་རྒྱུགས་དོན་སྒྲིག་ཁྲིམས་ལག་བསྟར་ནན་པོ་བྱས་ཏེ་གསང་འབྲེལ་བྱ་ཡུལ་དང་། གསང་འབྲེལ་མི་སྣ། གསང་འབྲེལ་ལྷུ་ཚིགས་ཁག་བཅས་ཀྱི་དོ་དམ་གཙོ་གནད་དུ་བཟུང་ནས་ལེགས་པར་བསྒྲུབས་ཏེ་རྒྱུགས་ལེན་དྲང་གཞག་དང་། གོ་རིམ་ཡོངས་བསྒྲགས། མཇུག་འབྲས་དྲང་གཞག་བཅས་ཡོང་བར་འགན་ལེན་ཏན་ཏིག་བྱ་དགོས། ནུས་ཤུགས་ཡོད་རྒུས་འགྲིམ་འགྲུལ་ཕྱིར་སྐྱོད་འགན་ལེན་ཡག་པོ་བྱེད་པ་དང་“གཅེས་སེམས་རྒྱུགས་སྤྲོད་”སོགས་དང་བླངས་ཞབས་ཞུ་སྒྲིག་འཛུགས་ཡག་པོ་བྱས་ཏེ་རྒྱུགས་སྤྲོད་སློབ་མ་བདེ་བླག་ངང་རྒྱུགས་སྤྲོད་ཐུབ་པའི་འགན་ལེན་བྱེད་དགོས། འཛེར་སྒྲའི་སྦགས་བཙོག་ལ་དོ་དམ་ཚོད་འཛིན་བྱ་རྒྱུར་ཤུགས་སྣོན་རྒྱག་པ་དང་ཨར་སྐྲུན་ལས་ཡུལ་གྱི་ཨར་ལས་དུས་ཚོད་ཚད་ལྡན་ནན་པོ་བཟོས་ཏེ་རྒྱུགས་སྤྲོད་སློབ་མར་ལྷིང་འཇགས་དང་སྐྱིད་སྣང་དོད་པའི་རྒྱུགས་སྤྲོད་གྲ་སྒྲིག་དང་རྒྱུགས་སྤྲོད་ཁོར་ཡུག་ཅིག་གཏོད་དགོས། སྨན་བཅོས་འཕྲོད་བསྟེན་འགན་ལེན་དང་བཟའ་བཅའི་བདེ་འཇགས་ལྟ་སྐུལ་དོ་དམ་ལ་ཤུགས་སྣོན་བརྒྱབ་ནས་རྒྱུགས་སྤྲོད་སློབ་མའི་གཟུགས་གཞི་བདེ་ཐང་འགན་ལེན་བྱེད་དགོས། རྒྱུགས་སྤྲོད་ས་ཚིགས་ཁག་གི་སློབ་གྲྭས་རྒྱུགས་སྤྲོད་ལས་དོན་གྱི་རྩ་འཛུགས་ལས་དོན་གཟབ་ནན་དང་ཞིབ་ཚགས་ངང་ཡག་པོ་བསྒྲུབས་ནས་རྒྱུགས་སྤྲོད་ཚད་ལྡན་དང་གོ་རིམ་ལྡན་པའི་འགན་ལེན་བྱེད་དགོས། འཕྲལ་སྡོམ་སྔོན་ཇུས་འཐུས་སྒོ་ཚང་དུ་གཏོང་བ་དང་འཕྲལ་སྡོམ་འགན་ལེན་ཐག་གཅོད་བྱེད་ནུས་ཆེ་རུ་བཏང་ནས་མེ་ཟོན་བདེ་འཇགས་ཞིབ་བཤེར་དང་གློག་ཤུགས་མཁོ་འདོན་འགན་ལེན་དང་རང་བྱུང་གནོད་འཚེ་སྔོན་འགོག་དང་ཁ་གཏད་གཅོག་པ་སོགས་ཀྱི་ལས་དོན་ཏན་ཏིག་ངང་ཡག་པོ་བསྒྲུབས་ཏེ་ཐོལ་བྱུང་དོན་རྐྱེན་སྣ་ཚོགས་ལ་ཁ་གཏད་ནུས་ལྡན་གཅོག་པ་དང་ཐག་གཅོད་ནུས་ལྡན་བྱས་ནས་ཡིག་རྒྱུགས་བདེ་བླག་ངང་གཏོང་ཐུབ་པའི་འགན་ལེན་མཐའ་གཅིག་ཏུ་བྱེད་དགོས་ཞེས་ནན་བཤད་གནང་བ་རེད།

ཞུས་ཀོང་ཏེ་ཞིབ་བཤེར་ནང་ཞུགས་པ་རེད།