ལུའོ་ཁྲའོ་ཧྥེང་གིས་ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་ཁྲིད་སྟོན་བྱ་རྒྱུ་མཐའ་འཁྱོངས་བྱས་ཏེ་ཏང་གི་ཆབ་སྲིད་ཀྱི་ལེགས་ཆ་དང་རྩ་འཛུགས་ཀྱི་ལེགས་ཆ་དེ་བཅོས་སྐྱོང་ཕན་ནུས་སུ་འགྱུར་བ་བྱས་ཏེ་གཞི་རིམ་བཅོས་སྐྱོང་གི་ཕན་འབྲས་དེ་མང་ཚོགས་ཀྱི་འཛུམ་མདངས་ཐོག་ནས་མངོན་ཐུབ་པ་བྱེད་དགོས། ཁུལ་དང་རྫོང（གྲོང་ཁྱེར）དང་ཤང（གྲོང་རྡལ）བཅས་རིམ་གསུམ་ཕྱོགས་བསྡུས་བཅོས་སྐྱོང་ལྟེ་གནས་ཀྱིས་རང་འགན་རང་སྒྲུབ་བྱེད་དགོས་ལ་མཐུན་སྦྱོར་མཉམ་འགུལ་ཡང་བྱས་ཏེ་གནད་དོན་གྱི་འགལ་ཟླ་མངག་བཀོད་དང་། སྒྲུབ་སྐུལ། ཚུར་ལན་བཅས་ཀྱི་ལས་ཀའི་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས་གནད་དོན་ཤེས་རྟོགས་བྱེད་པ་ནས་གནད་དོན་ཐག་གཅོད་བྱེད་པའི་ནུས་ཆེའི་ལྷུ་ཚིགས་སུ་འགྱུར་བ་བྱེད་དགོས། སྤྱི་ཚོགས་བཅོས་སྐྱོང་ཁྲོད་ཀྱི་ཕྱོགས་བསྡུས་བཅོས་སྐྱོང་ལྟེ་གནས་ཀྱི་དངོས་འཐབ་ཅན་གྱི་ནུས་པ་འདོན་སྤེལ་གང་ལེགས་བྱེད་པ་དང་། ཆ་འཕྲིན་ལས་སྟེགས་ཀྱི་གྲངས་གཞིར་དབྱེ་ཞིབ་དང་བེད་སྤྱོད་བྱེད་ཤུགས་ཆེ་རུ་གཏོང་བ། དུས་བཀག་ལྟར་འགལ་ཟླའི་རྩོད་གཞིའི་འཕེལ་ཕྱོགས་ལ་བརྡར་ཤ་གཅོད་པ། འབྱུང་རྩ་ནས་སྔོན་འགོག་བྱ་ཐབས་དོན་འཁྱོལ་བཅས་བྱེད་དགོས། སྤྱི་བདེ་དང་ཁྲིམས་ཁང་སོགས་སྡེ་ཁག་མང་པོས་མཉམ་འགུལ་བྱེད་ཤུགས་ཆེ་རུ་གཏོང་བ་དང་། མངོན་མེད་རྐྱེན་ངན་རྩད་ཞིབ་དང་སེལ་ཐབས་བྱེད་ཤུགས་ཆེ་རུ་བཏང་སྟེ། འགལ་བ་དང་རྩོད་གཞི་གཞི་རིམ་ནས་སེལ་གང་ཐུབ་དང་། མགོ་འབུས་མ་ཐག་པའི་དུས་ནས་སེལ་གང་ཐུབ་བྱ་དགོས་པའི་ནན་བཤད་གནང་བ་རེད།

ལུའོ་ཁྲའོ་ཧྥེང་གིས་དྲ་རྒྱའི་མང་ཚོགས་ཀྱི་གླེང་ཕྱོགས་ལ་ལྟ་ཞིབ་ཚད་ལེན་དང་བརྡར་ཤ་གཅོད་རྒྱུར་ཤུགས་སྣོན་བརྒྱབ་ནས་ཉེན་ཁ་སྣ་ཚོགས་ཀྱི་མངོན་མེད་རྐྱེན་ངན་དུས་ཐོག་ཏུ་ཤེས་རྟོགས་དང་ཐག་གཅོད་འོས་འཚམ་བྱས་ཏེ་དྲ་རྒྱའི་དྲ་བ་བཅོས་སྐྱོང་ཆུ་ཚད་མཐོ་རུ་ཏན་ཏིག་གཏོང་དགོས། དྲ་ཐོག་མང་ཚོགས་ལམ་ཕྱོགས་ལག་བསྟར་ཡག་པོ་བྱེད་པ་དང་། དྲང་ཕྱོགས་ཀྱི་དྲིལ་བསྒྲགས་བྱེད་ཤུགས་ཆེ་རུ་གཏོང་བ། དྲ་ཐོག་གི་དྲིལ་བསྒྲགས་བྱེད་སྟངས་གསར་གཏོད། བདེ་ཆེན་གྱི་གཏམ་རྒྱུད་ཡག་པོ་ཤོད་པ། བདེ་ཆེན་གྱི་སྐད་སྒྲ་བརྒྱུད་སྤེལ་བཅས་བྱེད་དགོས། དྲ་རྒྱའི་ཕྱོགས་བསྡུས་བཅོས་སྐྱོང་མ་ལག་འཐུས་སྒོ་ཚང་དུ་བཏང་ནས་དྭངས་གཙང་གི་དྲ་རྒྱའི་བར་མཐོངས་བཏོད་དེ་ཁུལ་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་དྲང་ནུས་ཆེན་པོ་གཅིག་ཏུ་སྒྲིལ་དགོས་པའི་ནན་བཤད་གནང་བ་རེད།

དེའི་རིང་ལུའོ་ཁྲའོ་ཧྥེང་གིས་ད་དུང་གྲོང་གསེབ་མཉམ་སྡེབ་ཀྱི་“མ་དངུལ་དང་། རྒྱུ་ནོར། ཐོན་ཁུངས་ ”དོ་དམ་ལས་དོན་ལ་བརྟག་ཞིབ་བྱས་ཤིང་། གྲོང་གསེབ་མཉམ་སྡེབ་ཀྱི་“མ་དངུལ་དང་། རྒྱུ་ནོར། ཐོན་ཁུངས་”དོ་དམ་བྱེད་ཤུགས་ཆེ་རུ་གཏོང་བ་དང་། ཡུལ་བབ་དང་བསྟུན་ནས་གྲོང་གསེབ་ཀྱི་ཐོན་ཁུངས་གང་འགབ་ཅི་སྤྱོད། ཁྱད་ལྡན་ཐོན་ལས་རྒྱ་སྟོབས་ཆེ་རུ་གཏོང་བ། མཉམ་སྡེབ་དཔལ་འབྱོར་རྒྱུན་ཆད་མེད་པར་འཕེལ་རྒྱས་དང་སྟོབས་ཆེར་གཏོང་བ། མང་ཚོགས་ཀྱི་འབབ་འཕར་ལ་སྐུལ་འདེད་བཅས་བྱེད་དགོས་པའི་ནན་བཤད་བཤད་གནང་ཡོད།

ལིའོ་ཝུན་ཚའེ་དང་། ཧོང་ལུང་ཞིན། ཞུང་ཝུན་པིན་བཅས་བརྟག་ཞིབ་ནང་ཞུགས་པ་རེད།