ཤིན་ཧྭ་གསར་འགྱུར་ཁང་པེ་ཅིང་ནས་ཟླ་3ཚེས་3ཉིན་གློག་འཕྲིན་འབྱོར་གསལ། ཞི་ཅིན་ཕིང་གི་དཔལ་འབྱོར་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱ་ཆེད། ཀྲུང་དབྱང་དྲིལ་བསྒྲགས་པུའུ་དང་རྒྱལ་ཁབ་འཕེལ་སྒྱུར་ཨུ་ལྷན་གྱིས《ཞི་ཅིན་ཕིང་གི་དཔལ་འབྱོར་དགོངས་པ་སློབ་སྦྱོང་གི་དྲི་བ་དྲིས་ལན》(གཤམ་དུ《དྲི་བ་དྲིས་ལན》ཞེས་བསྡུ་རྒྱུ)གྱི་དེབ་རྩོམ་འབྲི་བྱས་པ་དང་། མི་དམངས་དཔེ་སྐྲུན་ཁང་དང་སློབ་སྦྱོང་དཔེ་སྐྲུན་ཁང་གིས་མཉམ་དུ་དཔེ་སྐྲུན་བྱས་ཏེ་དེ་ཉིན་ནས་བཟུང་རྒྱལ་ཡོངས་སུ་འགྲེམས་སྤེལ་བྱས་པ་རེད།

《དྲི་བ་དྲིས་ལན》གྱིས་དུས་རབས་གསར་པའི་དཔལ་འབྱོར་འཛུགས་སྐྲུན་གྱི་ལག་ལེན་དང་འཕེལ་རྒྱས་ཀྱི་གོམ་སྟབས་ལ་དམ་པོར་དམིགས་པ་དང་། རིགས་པའི་གཞུང་ལུགས་ཀྱི་གླེང་མང་བ་དང་དཀའ་གནད་ལ་དམིགས་པ། སྤྱི་ཚོགས་ཀྱིས་དོ་ཁུར་བྱེད་པའི་གནད་དོན་ལ་ལན་འདེབས་པ་བཅས་བྱས་ཏེ་དྲི་བ་དྲིས་ལན་གྱི་རྣམ་པའི་ཐོག་ནས་ཞི་ཅིན་ཕིང་གི་དཔལ་འབྱོར་དགོངས་པའི་དོན་སྙིང་གལ་ཆེན་དང་། ཚན་རིག་དང་མཐུན་པའི་མ་ལག སྲོག་ཤིང་གི་དོན་སྙིང་། ཕུན་སུམ་ཚོགས་པའི་ནང་དོན། ལག་ལེན་གྱི་བླང་བྱ་བཅས་ཕྱོགས་ཡོངས་དང་བརྒྱུད་རིམ་ལྡན་ཞིང་གོ་བདེ་དོན་ཟབ་ངང་མངོན་པར་བྱས་ནས་རྒྱ་ཆེའི་ཏང་ཡོན་དང་། ལས་བྱེད་པ། མང་ཚོགས་བཅས་ཀྱིས་ཏང་གི་གསར་གཏོད་རིགས་པའི་གཞུང་ལུགས་སློབ་སྦྱོང་གཏིང་ཟབ་དང་གོ་བ་གཏིང་ཟབ་ལེན་པ་དང་། དེ་བས་རང་འགུལ་གྱི་སྒོ་ནས་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་ཀར་སྐུལ་འདེད་གཏོང་བ་བཅས་བྱ་རྒྱུར་རོགས་རམ་བྱས་ཡོད། 《དྲི་བ་དྲིས་ལན》ལ་ཁྱོན་ཆ་ཤས་14ལ་ཕྱེ་ཡོད་པ་དང་དྲི་བ་50ཡོད་ཅིང་། དེའི་ནང་དོན་ཕུན་སུམ་ཚོགས་པ་དང་། རྣམ་པ་གསར་རྐྱང་། ཡིག་རིས་གཉིས་ལྡན་ཡིན་པ་མ་ཟད། གོ་བདེ་ཞིང་ཤེས་སླ་བས་རྒྱ་ཆེའི་ཏང་ཡོན་དང་། ལས་བྱེད་པ། མང་ཚོགས་བཅས་ཀྱིས་ཞི་ཅིན་ཕིང་གི་དཔལ་འབྱོར་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པའི་རམ་འདེགས་ཀྱི་དཔེ་དེབ་གལ་ཆེན་ཞིག་རེད།