ལུའོ་ཁྲའོ་ཧྥེང་གིས་བདེ་ཆེན་གློག་འདོན་ཅུས་ཀྱིས་མཁོ་སྤྲོད་ཕྱོགས་སུ་གཞི་ཚུགས་ཏེ་བདེ་འཇགས་བློས་འགེལ་ཆོག་པའི་གློག་འདོན་ནུས་ཤུགས་ཡོད་རྒུས་འགན་ལེན་བྱེད་པ་དང་། དགོས་མཁོའི་ཕྱོགས་སུ་དམིགས་ནས་རིམ་ཁག་སྡེ་ཚན་ཁག་དང་མཉམ་དུ་ཁྲོམ་རའི་བྱེད་པོ་སྐྱེད་སྲིང་བྱེད་པ་དང་། གློག་སྤྱོད་དགོས་མཁོ་ཆེ་རུ་གཏོང་བ། ལྗང་མདོག་ནུས་རྒྱུ་འཕེལ་རྒྱས་དང་། གློག་དྲ་འཛུགས་སྐྲུན། དམངས་འཚོ་འགན་ལེན་བཅས་ཀྱི་ཐད་མུ་མཐུད་བྱས་རྗེས་གསར་པ་འཇོག་པ་བཅས་བྱས་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་ནུས་ཤུགས་ཡོད་རྒུས་ཞབས་འདེགས་ཞུ་དགོས། ནུས་རྒྱུའི་གྲངས་གཞི་ཆེ་མོའི་ནུས་པ་འདོན་སྤེལ་གང་ལེགས་བྱས་ཏེ་དཔལ་འབྱོར་འཁོར་སྐྱོད་ཀྱི་གནད་སྨིན་ལྟ་ཞིབ་ཚད་ལེན་དང་། ཁེ་ལས་གཉེར་སྐྱོང་གི་གནས་ཚུལ་དངོས་ཁོང་དུ་ཆུད་པ། གཞི་རིམ་གྱི་སྤྱི་ཚོགས་བཅོས་སྐྱོང་། “རྒན་གཅིག་གཞོན་གཅིག”གི་གཅེས་སྐྱོང་། ཁྲལ་ཁུངས་ཚད་ལྡན་གྱི་བསྡུ་ལེན་དོ་དམ་སོགས་ཁྱབ་ཁོངས་སུ་སྣུར་སྲིང་བྱས་ནས་གྲངས་གཞི་ནུས་ཡོད་བཅོས་སྐྱོང་གི་ཕན་འབྲས་ཆེ་རུ་གཏོང་དགོས་པའི་ནན་བཤད་གནང་ཡོད།

ལུའོ་ཁྲའོ་ཧྥེང་གིས་ཁུལ་ཡོངས་ཀྱི་རིམ་ཁག་སྡེ་ཚན་ཁག་གིས་གློག་ཤུགས་བྱ་གཞག་འཕེལ་རྒྱས་ལ་ནུས་ཤུགས་ཡོད་རྒུས་རྒྱབ་སྐྱོར་བྱེད་པ་དང་། སྲིད་གཞུང་དང་ཁེ་ལས་ཀྱི་གྲངས་གཞི་མཉམ་སྤྱོད་ལ་མགྱོགས་མྱུར་སྐུལ་འདེད་གཏོང་བ། འབྲེལ་ཡོད་གཏན་འབེབས་དང་མཐུན་པའི་སྔོན་འགྲོའི་ཆ་རྐྱེན་འོག་གྲངས་གཞི་མཉམ་སྤྱོད་ཐུབ་པ་དང་། གྲངས་གཞི་དུས་ཐོག་ཏུ་སྤེལ་རེས་ཐུབ་རྒྱུར་སྐུལ་འདེད་གཏོང་བ། དཔལ་འབྱོར་འཁོར་རྒྱུག་བྱས་རྗེས་ཀྱི་བསྡོམས་རྩིས་དབྱེ་ཞིབ་དེ་བརྒྱུད་རིམ་ཧྲིལ་པོའི་འགུལ་རྣམ་ལྟ་ཞིབ་ཚད་ལེན་ལ་སྒྱུར་བ། ཁེ་ལས་ཀྱི་གཉེར་སྐྱོང་གནས་ཚུལ་གནད་སྨིན་ཁོང་དུ་ཆུད་པ། དོ་དམ་གྱི་སྐྱོན་ཆ་ནུས་ལྡན་ངང་འགོག་པ། ཁྲལ་ཁུངས་བསྡུ་ལེན་དོ་དམ་ཚད་ལྡན། གློག་དྲའི་རྣམ་གྲངས་དང་། གློག་སྒྱུར་ས་ཚིགས། གློག་འདོན་སུའོ་འཛུགས་སྐྲུན་སོགས་ཀྱི་རྒྱུ་རྐྱེན་གཙོ་བོའི་འགན་ལེན་ཡག་པོ་བྱས་ཏེ་གློག་འདོན་ཅུས་གནས་སྤོ་དང་གློག་ཤུགས་སྐུད་ལམ་སྒྱུར་བཀོད་སོགས་ཀྱི་གཙོ་གནད་ལས་དོན་ལ་མགྱོགས་མྱུར་སྐུལ་འདེད་བཏང་ནས་འཇོལ་རྫོང་མཁར་གསར་པ་འཛུགས་སྐྲུན་སོགས་རྣམ་གྲངས་གལ་ཆེན་བདེ་བླག་ངང་ལག་བསྟར་ཐུབ་པའི་འགན་ལེན་བྱེད་དགོས། ལས་ཀའི་མཉམ་ཤུགས་གཅིག་སྒྲིལ་བྱས་ཏེ་གློག་རྡུལ་ཚོང་དོན་དང་། གློག་གསོག་མ་ལག ནུས་རྒྱུ་གསར་པའི་སྒྲིག་ཆས་སོགས་གློག་སྤྱོད་ཀྱི་ལས་རྣམ་གསར་པ་རྒྱུན་མཐུད་སྐྱེད་སྲིང་བྱས་ནས་གློག་ཤུགས་འཛད་སྤྱོད་ཀྱི་དགོས་མཁོ་རྒྱུན་ཆད་མེད་པར་ཆེ་རུ་བཏང་སྟེ་གློག་ཤུགས་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ཁུལ་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་བྱེད་དགོས་པའི་བླང་བྱ་བཏོན་ཡོད།

ཞུང་ཝུན་པིན་དང་། ཧུའུ་ཧྥེ་ཞུང་། ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བ་གཙོ་བོ་བཅས་རྟོག་ཞིབ་ནང་ཞུགས་ཡོད།