ཉེ་དུས། ཁུལ་སྤྱི་ཚོགས་ཚན་རིག་ལས་རིགས་མཉམ་འབྲེལ་ལྷན་ཚོགས་སྐབས་གསུམ་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གསུམ་པ་སེམས་ཀྱི་ཉི་ཟླ་གྲོང་ཁྱེར་དུ་འཚོགས།  ཁུལ་ཨུ་རྒྱུན་ཨུ། ཁུལ་ཨུ་དྲིལ་བསྒྲགས་པུའུ་ཡི་པུའུ་ཀྲང་ལུའུ་ཀྲི་ཅུན་གྲོས་ཚོགས་སུ་ཞུགས་པ་མ་ཟད་གསུང་བཤད་གནང་།

 གྲོས་ཚོགས་ཐོག      བདེ་ཆེན་ནི་ཡུན་ནན་གྱི་བོད་རིགས་རང་སྐྱོང་ཁུལ་འབའ་ཞིག་ཡིན་པས་ཞིང་ཆེན་ཡོངས་ཀྱི་འཕེལ་རྒྱས་ཁྱོན་ཡོངས་ཁྲོད་ཀྱི་ངེས་གནས་དང་ནུས་པ་གནད་ལ་འཁེལ་བའི་སྒོ་ནས་ཁོང་དུ་ཆུད་དེ་གནད་དོན་འཛིན་ཕྱོགས་དང་དགོས་མཁོའི་ཁྲིད་སྟོན་ལ་གཞི་ཚུགས་ནས་ཕུལ་བྱུང་གི་ཞིབ་འཇུག་གྲུབ་འབྲས་ཀྱིས་སྤུས་ཚད་མཐོ་བའི་འཕེལ་རྒྱས་ལ་ནུས་པ་སྤྲོད་དགོས་ཞེས་ནན་གསུང་གནང་།

གྲོས་ཚོགས་ཐོག  སྤྱི་ཚོགས་ཚན་རིག་ཁྱབ་གདལ་གཏོང་སྟངས་གསར་གཏོད་བྱས། བརྙན་ཐུང་དང་ཐད་གཏོང་སོགས་སྨྱན་སྦྱོར་གསར་པའི་བྱ་ཐབས་སྤྱོད་པ་དང་། མི་རིགས་གླུ་གར་དང་དམངས་སྲོལ་བྱེད་སྒོ་དང་ཟུང་འབྲེལ་བྱས་ནས་ཁྱབ་སྤེལ་ནུས་པ་དང་ཤུགས་རྐྱེན་ཆེ་རུ་གཏོང་དགོས། ཤེས་ལྡན་པའི་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་པ་དང་རིགས་གཅིག་མཁས་པའི་ལས་དོན་ས་ཚིགས་ལ་བརྟེན་ནས་རིམ་པ་མཐོ་བའི་ཤེས་ལྡན་པ་ནང་འདྲེན་བྱེད་པ་དང་ས་གནས་འདི་གའི་མཁས་དབང་དར་གཞོན་གསོ་སྐྱོང་བྱ་དགོས།  སྤྱོད་ཚུལ་གསར་བརྗེ་དང་ལས་ཕྱོད་གསར་བརྗེ་གཏིང་ཟབ་ཏུ་བཏང་ནས་མཉམ་འབྲེལ་ཞེས་པའི་འགན་འཁྲི་ལག་བསྟར་བྱས་།  ཁུལ་ཡོངས་ཀྱི་སྤྱི་ཚོགས་ཚན་རིག་ཐོན་ཁུངས་ལེགས་སྒྲིག་བྱེད་དེ་བདེ་ཆེན་སྤུས་ཚད་མཐོ་བའི་འཕེལ་རྒྱས་ལ་སྤྱི་ཚོགས་ཚན་རིག་གི་སྟོབས་ཤུགས་འབུལ་དགོས་པའི་བླང་བྱ་བཏོན།