ལུའོ་ཁྲའོ་ཧྥེང་གིས་ཐོན་ཁུངས་ཀྱི་ལེགས་ཆར་གཞི་ཚུགས་ནས་ཀྲུང་བོད་གསོ་རིག་གི་ཐོན་ལས་འཕེལ་རྒྱས་ཤུགས་ཆེན་གཏོང་དགོས། བདེ་ཆེན་གྱི་སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ་དང་། ཀྲུང་བོད་གསོ་རིག་རིག་གནས་ཀྱི་ནང་དོན་གཏིང་ཟབ་པ། ཤེས་ལྡན་མི་སྣའི་ལག་རྩལ་གྱི་རྨང་གཞི་བརྟན་པ། ཀྲུང་བོད་གསོ་རིག་གི་ཐོན་ལས་འཕེལ་རྒྱས་གཏོང་བར་ཐུན་མོང་མ་ཡིན་པའི་ཐོན་ཁུངས་དང་སྲིད་ཇུས་ཀྱི་ལེགས་ཆ་ལྡན་ཡོད། ཀྲུང་བོད་གསོ་རིག་ནི་མང་ཚོགས་ཀྱི་བདེ་ཐང་སྲུང་སྐྱོང་བྱེད་པའི་དམངས་འཚོའི་བྱ་གཞག་གལ་ཆེན་ཞིག་ཡིན་ལ་མི་མངོན་པའི་སྟོབས་ཤུགས་ཧ་ཅང་ཆེན་པོ་ལྡན་པའི་ཁྱད་ལྡན་ལེགས་ཆའི་ཐོན་ལས་ཤིག་ཀྱང་ཡིན་པས་ངེས་པར་དུ་“ལོ་ལྔ་ཚན་བཅོ་ལྔ་པ”འགོ་ཚུགས་ལོའི་འགག་རྩའི་ལྷུ་ཚིགས་ལ་དམ་འཛིན་ནན་པོ་བྱས་ཏེ་རྨང་གཞི་འདིང་བ་དང་ཕུགས་ལ་ཕན་པ་མཐའ་འཁྱོངས་ཀྱིས་ཀྲུང་བོད་གསོ་བ་རིག་པའི་ཐོན་ཁུངས་ཀྱི་ལེགས་ཆ་དེ་ཐོན་ལས་འཕེལ་རྒྱས་ཀྱི་ལེགས་ཆར་འགྱུར་རྒྱུར་མགྱོགས་མྱུར་སྐུལ་འདེད་གཏོང་དགོས་ཞེས་བསྟན་ཡོད།

ལུའོ་ཁྲའོ་ཧྥེང་གིས་ཀྲུང་བོད་གསོ་རིག་ཐོན་ལས་འཕེལ་རྒྱས་གཏོང་བར་སྲིད་གཞུང་གིས་ཁྲིད་སྟོན་དང་། ཁྲོམ་རས་གཙོ་ཁྲིད། ཁེ་ལས་བྱེད་པོ་བཅས་མཐའ་འཁྱོངས་བྱས་ཏེ་ཕྱི་ནས་ནང་འདྲེན་གྱི་ནང་སྦྱོང་དང་གསོ་རིག་དང་བོད་སྨན་ལོགས་སུ་དབྱེ་རྒྱུར་སྐུལ་འདེད་ཤུགས་ཆེན་གཏོང་བ་དང་། ཁུལ་བོད་སྨན་ཁང་གི་ཤེས་ལྡན་མི་སྣའི་ལག་རྩལ་གྱི་ལྟེ་བའི་ལེགས་ཆར་བརྟེན་པ། སྤུས་ལེགས་སྨན་བཟོའི་ཁེ་ལས་དང་མཉམ་དུ་མཉམ་ལས་འགག་སྒྲོལ་བྱེད་པ། སྨན་ཁང་ནང་གི་སྨན་རྫས་སྡེབ་སྦྱོར་རིམ་སྤོར་ལ་སྐུལ་འདེད་གཏོང་བ། རྒྱལ་ཁབ་སྨན་རྫས་ཀྱི་ཆོག་འཐུས་ཨང་རྟགས་མགྱོགས་མྱུར་རེ་ཞུ་བྱེད་པ། ཐོན་ལས་འཁོར་འབྲེལ་ཧྲིལ་པོས་ཀྲུང་ལུགས་གསོ་རིག་དང་བོད་ལུགས་གསོ་རིག་དང་བོད་སྨན་ཐོན་ལས་འཕེལ་རྒྱས་བཏང་ནས་འདེབས་འཛུགས་ཚད་ལྡན་དང་། དམའ་རིམ་ལས་སྣོན། ལས་སྣོན་ཞིབ་ཚགས། སྨན་ཁང་ནང་གི་སྨན་སྦྱོར། སྨན་རྫས་བཟོས་མ། བདེ་ཐང་ཉེར་སྤྱོད་བཅས་གཞི་གཅིག་ཅན་གྱི་ཐོན་ལས་འཁོར་འབྲེལ་ཧྲིལ་པོ་བསྐྲུན་ནས་འདེབས་འཛུགས་རྟེན་གཞི་དང་ལས་སྣོན་ཁེ་ལས་ཀྱི་ཞན་ཆ་གསབ་སྟེ་ཀྲུང་བོད་གསོ་རིག་གི་ཟུར་སྣོན་རིན་ཐང་རྒྱུན་ཆད་མེད་པར་མཐོ་རུ་གཏོང་དགོས། ཀྲུང་བོད་གསོ་རིག་དྲིལ་བསྒྲགས་དང་ཁྱབ་གདལ་ཤུགས་ཆེན་གཏོང་བ་དང་། རང་སྨན་ཁང་གིས་བཟོས་པའི་སྨན་རྫས་ཕྱིར་ཚོང་གི་འཇུར་མིག་ནུས་ཤུགས་ཡོད་རྒུས་སེལ་བ། ཚལ་ཐོ་རྣམ་པའི་སྨན་ཐོ་ཁྱབ་གདལ་གཏོང་བ།དྲ་སྦྲེལ་གྱི་རྒྱང་ཁྲིད་ནད་བརྟག་སྨན་བཅོས་འཕེལ་རྒྱས་གཏོང་བ། རྣམ་གྲངས་ཐུམ་སྒྲིལ་དང་། དྲིལ་བསྒྲགས་ཁྱབ་གདལ། ཁམས་གསོ་དང་ཡུལ་སྐོར་མཉམ་འདྲེས་བཅས་ཀྱི་རྩོམ་ཡིག་ཡག་པོ་འབྲི་བ། བོད་ལུགས་གསོ་རིག་རིག་གནས་འགྲེམས་སྟོན་དང་ཉམས་ལེན་གཞི་རྟེན་འཛུགས་སྐྲུན་བྱེད་པ་བཅས་བྱས་ནས་དངོས་ཟོག་ངོ་མ་དང་རིན་གོང་མཐོ་བའི་བོད་ལུགས་གསོ་རིག་དང་བོད་སྨན་ཐོན་རྫས་ཁྲོམ་རའི་ཐོག་བཏོན་ནས་མི་རིགས་ཁག་གི་མང་ཚོགས་ལ་ཕན་ཐོགས་སུ་འཇུག་དགོས་ཞེས་ནན་བཤད་གནང་ཡོད།

ལུའོ་ཁྲའོ་ཧྥེང་གིས་ཁུལ་ཡོངས་ཀྱི་རིམ་ཁག་སྡེ་ཚན་ཁག་གིས་ཀྲུང་བོད་གསོ་རིག་ཐོན་ལས་འཕེལ་རྒྱས་ཀྱི་ལམ་སྲོལ་འཐུས་སྒོ་ཚང་དུ་གཏོང་བ་དང་། མཐུན་སྦྱོར་མཉམ་འགུལ་ལ་ཤུགས་སྣོན་རྒྱག་པ། ལས་ཀའི་འགན་འཁྲི་ནན་དུ་གཏོང་བ། ཀྲུང་ལུགས་སྨན་རྒྱུ་འདེབས་འཛུགས་ས་ཆ་མཁོ་སྤྲོད་འགན་ལེན་བྱེད་པ།GMPབདེན་དཔང་ར་སྤྲོད་དང་སྤུས་ཚད་བདེ་འཇགས་ལྟ་སྐུལ་དོ་དམ་ཡག་པོ་བྱེད་པ། “སྨན་རྒྱུའི་དངུལ་བུན”སོགས་དངུལ་རྩའི་ཐོན་རྫས་ཀྱི་མ་དངུལ་བསྡུ་སྒྲིལ་གྱི་རྒྱབ་སྐྱོར་ལ་ཤུགས་སྣོན་རྒྱག་པ། ཚན་ཞིབ་གསར་གཏོད་དང་གྲུབ་འབྲས་གཞན་སྒྱུར་ལ་ཤུགས་སྣོན་རྒྱག་ནས་གོང་རིམ་གྱི་སྲིད་ཇུས་དང་འབྲེལ་ཐག་ཧུར་ཐག་བྱས་ཏེ། རང་འགུལ་ངང་བསམ་བློ་གཏོང་བ་དང་། ལས་དོན་ཏན་ཏིག་སྒྲུབ་པ། ཕན་འབྲས་ལ་ལྟ་བ་བཅས་བྱེད་པ་དང་། གཅོད་ཁ་ཆུང་ངུ་དང་བྱ་ཐབས་ཏན་ཏིག་ལ་བརྟེན་ནས་སྙིང་རུས་གཏན་འཁྱོངས་བྱེད་པ། ལས་འགན་གྱི་གསལ་ཐོ་ཞིབ་ཚགས་སུ་གཏོང་བ། ལས་དོན་དོན་འཁྱོལ་ལ་དམ་འཛིན་ནན་པོ་བྱེད་པ་བཅས་བྱས་ཏེ་ཀྲུང་བོད་གསོ་རིག་ཐོན་ལས་དེ་བདེ་ཆེན་གྱི་ཁྱད་ཆོས་མངོན་གསལ་དོད་པ་དང་སྐུལ་ཁྲིད་རང་བཞིན་ཆེ་བའི་གསར་དར་ཀ་རྟེན་ཐོན་ལས་སུ་སྐྱེད་སྲིང་ཧུར་ཐག་བྱེད་དགོས་པའི་བླང་བྱ་བཏོན།

ཞུང་ཝུན་པིན་དང་ལི་ཐའོ། ཁུལ་རིམ་པའི་འབྲེལ་ཡོད་སྡེ་ཁག་གི་འགན་ཁུར་བ་གཙོ་བོ་བཅས་རྟོག་ཞིབ་ནང་ཞུགས་ཡོད།