ལུའོ་ཁྲའོ་ཧྥེང་གིས་མཛེས་ལྗོངས་ཁུལ་འཛུགས་སྐྲུན་གཉེར་སྐྱོང་དང་ཐོན་རྫས་མཁོ་སྤྲོད།རྐང་ཐང་མར་བསྐྱོད་སའི་ལམ་ཐིག་གསར་སྤེལ་དོ་དམ་སོགས་ཀྱི་གནས་ཚུལ་ལ་དངོས་སུ་ལྟ་ཞིབ་ཏུ་ཕེབས་པ་དང་འབྲེལ་མཛེས་ལྗོངས་ཁུལ་གྱི་ལས་རྣམ་སྐྱེད་སྲིང་དང་ཁྲོམ་ར་རྒྱ་སྐྱེད་སོགས་ཀྱི་ལས་དོན་སྙན་སེང་ཞིབ་ཕྲ་ཡང་གསན་པ་རེད།ཁོང་གིས་ཤྭ་ཁ་གངས་རིའི་ས་བབ་ལེགས་པ་དང་མཛེས་ལྗོངས་ཐུན་མིན་ཡིན་པས་རིག་གནས་དང་ཡུལ་སྐོར་ཐོན་ལས་འཕེལ་རྒྱས་གཏོང་བར་མི་མངོན་པའི་སྟོབས་ཤུགས་ཆེན་པོ་ལྡན་ཡོད།སྲུང་སྐྱོང་སྔོན་ལ་བྱེད་པ་དང་ལུགས་མཐུན་ངང་གསར་སྤེལ་བྱ་རྒྱུ་མཐའ་འཁྱོངས་བྱས་ཏེ་སྣོད་བཅུད་ཀྱི་མཐའ་ཚད་ནན་པོ་སྲུང་བའི་རྨང་གཞིའི་ཐོག་མཛེས་ལྗོངས་ཁུལ་གྱི་སྤུས་ཚད་ཟམ་མི་ཆད་པར་ལེགས་སུ་གཏོང་བ་དང་ཐོན་རྫས་མཁོ་སྤྲོད་ཕུན་སུམ་ཚོགས་སུ་བཏང་ནས་ལྟེ་བའི་ཡིད་དབང་འཕྲོག་ཤུགས་དང་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་དགོས་ཞེས་ནན་བཤད་གནང་བ་རེད།

    ལུའོ་ཁྲའོ་ཧྥེང་གིས་ལས་རྣམ་གསར་གཏོད་ལ་དམིགས་པ་དང་ཡུལ་སྐོར་བའི་འཛད་སྤྱོད་ཀྱི་དགོས་མཁོ་གསར་པར་དམ་པོར་དམིགས་ཏེ་རྐང་ཐང་མར་ཡུལ་སྐོར་བྱེད་པ་དང་།སྣོད་བཅུད་ཞིབ་འཇུག་སློབ་སྦྱོང་བྱེད་པ།ལུས་གསོའི་སྤྲོ་གསེང་སོགས་ལས་རྣམ་གསར་པ་དང་བྱེད་སྟངས་གསར་པ་སྐྱེད་སྲིང་ཧུར་ཐག་བྱས་ཏེ་ཡུལ་སྐོར་དེ“ལྟ་སྐོར་ཡུལ་སྐོར”ནས“ཉམས་ལེན་ཡུལ་སྐོར”དུ་འགྱུར་བར་སྐུལ་འདེད་གཏོང་བ་དང་།ཐོན་ལས་སྦྲེལ་ཐག་སྣུར་སྲིང་དང་ཟུར་སྣོན་རིན་ཐང་མཐོ་རུ་གཏོང་བ།མཛེས་ལྗོངས་ཁུལ་རང་ངོས་ཀྱི་རང་བརྟེན་ནུས་པ་ཆེ་རུ་གཏོང་བ་བཅས་བྱས་ཏེ་མཛེས་ལྗོངས་ཁུལ་རྒྱུན་མཐུད་ངང་འཕེལ་རྒྱས་འགྲོ་བའི་ནུས་པ་ཆེ་རུ་གཏོང་དགོས། མཛེས་ལྗོངས་ཁུལ་དང་མཉམ་འགུལ་བྱེད་ཤུགས་ཆེ་རུ་གཏོང་བ་དང་།པོ་ཏ་མཚོ་དང་།སུམ་རྩེན་གླིང་།རྡོ་མཁར་རྫོང་། སྨན་རི་སོགས་ཁུལ་ནང་གི་མཛེས་ལྗོངས་ཁུལ་གཙོ་བོའི་ལམ་ཐིག་སྦྲེལ་མཐུད་དང་། ཐོན་ཁུངས་སྡེབ་སྒྲིག འགྲུལ་ཁུངས་ཕན་ཚུན་སྐྱེལ་བ་བཅས་བྱེད་ཤུགས་ཆེ་རུ་བཏང་སྟེ།ཡུལ་སྐོར་ལམ་ཐིག་རྩེ་གྲ་སྐྲུན་པ་དང་། དགེ་མཚན་གསབ་རེས་དང་།ཐོན་ལས་ཁྱུ་ཚོགས་གོང་འཕེལ་གཏོང་བ།ཁྱོན་ཡོངས་ནས་མཐོར་འདེགས་བཅས་བྱ་དགོས།གནད་སྨིན་གྱིས་འགྲུལ་ཁུངས་ནང་འདྲེན་དང་ཕན་འབྲས་ཆེ་རུ་གཏོང་བ་དང་།སྨྱན་སྦྱོར་གསར་པར་བརྟེན་ནས་ཕྱོགས་ཡོངས་ནས་ཁྱབ་སྤེལ་གཏོང་བ།གནད་སྨིན་གཉེར་ཚོང་དང་སྤུས་རྟགས་དྲིལ་བསྒྲགས་བྱེད་ཤུགས་ཆེ་རུ་གཏོང་བ།མཛེས་ལྗོངས་ཁུལ་གྱི་གཏམ་རྒྱུད་ཡག་པོ་ཤོད་པ།བདེ་ཆེན་གྱི་རིག་གནས་ཡུལ་སྐོར་གྱི་སྙན་གྲགས་དང་།མཚན་སྙན་བྱེད་ཚད།ཤུགས་རྐྱེན་བཅས་ཟམ་མི་ཆད་པར་ཆེ་རུ་གཏོང་བ་བཅས་བྱ་དགོས།རིག་གནས་ཡུལ་སྐོར་ཐོན་ལས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་ཡོང་བར་སྐུལ་འདེད་གཏོང་དགོས་པའི་བླང་བྱ་གནང་། 

    ཞུང་ཝུན་པིན་དང་།ལིན་ཧའོ།ལིའུ་ཐེན་མིང་སོགས་བརྟག་ཞིབ་ནང་ཞུགས་པ་རེད།