ཚོགས་འདུའི་ཐོག་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ས་གནས་སུ་ལས་ཀ་བྱེད་རིང་ཡང་དག་པའི་སྲིད་དོན་ལས་རྗེས་ལྟ་བ་རྒྱུན་འཁྱོངས་བྱེད་པའི་གསོན་ཉམས་ལྡན་པའི་ལག་ལེན་ལ་སློབ་སྦྱོང་དང་གོ་བ་གཏིང་ཟབ་ལེན་པ་དང་། བདེ་ཆེན་གྱི་དོན་དངོས་ནས་འགོ་བརྩམས་ཏེ།དངོས་ཐོག་བདེན་འཚོལ་རྒྱུན་འཁྱོངས་བྱས་ནས།ཡང་དག་པའི་སྲིད་དོན་ལས་རྗེས་ཀྱི་ལྟ་བ་ལས་ཀའི་ཁྲོད་དུ་ལག་ལེན་བསྟར་བ་དང་།དུས་རབས་གསར་པའི་ཏང་གི་མང་ཚོགས་ལམ་ཕྱོགས་སུ་ལེགས་པོར་བསྐྱོད་དེ།སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཤུགས་ཆེན་གཏོང་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་“དབྱི་ཝུའུ་ཡི་འཕེལ་རྒྱས་ཉམས་མྱོང་”ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ། རྫོང་ཁོངས་དཔལ་འབྱོར་དེ་གྲོང་ཁྱེར་དང་གྲོང་གསེབ་མཉམ་འདྲེས་ངང་འཕེལ་རྒྱས་གཏོང་བའི་འཇུག་གཞིར་བྱས་ཏེ།ཡུལ་སྐོར་འཚམ་སར་ཡུལ་སྐོར་དང་།ཞིང་ལས་འཚམ་སར་ཞིང་ལས།ཚོང་ལས་འཚམ་སར་ཚོང་རྒྱག་པ་བཅས་བྱེད་པ་དང་།ཡུལ་བབ་དང་བསྟུན་ནས་གཙོ་ཁྲིད་ཐོན་ལས་འཕེལ་རྒྱས་བཏང་སྟེ།དམངས་འཚོ་འགན་སྲུང་དང་ལེགས་བཅོས་བྱེད་པར་ཤུགས་རྒྱག་དགོས།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་《བདེན་འཚོལ་》དུས་དེབ་ཐོག་སྤེལ་བའི་རྩོམ་ཡིག་གལ་ཆེན་《དམངས་ཡོངས་ཀྱི་ལྟ་ཀློག་ལ་སྐུལ་འདེད་བཏང་སྟེ་རིག་དཔལ་དར་བའི་སྤྱི་ཚོགས་སྐྲུན་དགོས་》ཞེས་པའི་དགོངས་དོན་སློབ་སྦྱོང་གཏིང་ཟབ་བྱེད་པ་དང་།《དམངས་ཡོངས་ཀྱི་ལྟ་ཀློག་སྐུལ་སྤེལ་སྲོལ་ཡིག་》ཁྱོན་ཡོངས་ནས་དོན་འཁྱོལ་བྱས་ཏེ།“དཔེ་ཀློག་གི་བདེ་ཆེན་”འཛུགས་སྐྲུན་བྱེད་པར་སྐུལ་འདེད་ཏན་ཏིག་གཏོང་དགོས།
   ཚོགས་འདུའི་ཐོག་2026ལོའི་རྒྱལ་ཡོངས་སྐོར་ཞིབ་ལས་དོན་ཚོགས་འདུ་དང་སྐབས་ཉི་ཤུ་པའི་ཀྲུང་དབྱང་གི་རེས་སྐོར་བདུན་པའི་སྐོར་ཞིབ་སྐུལ་སློང་བཀོད་སྒྲིག་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཏེ་ཆབ་སྲིད་སྐོར་ཞིབ་གཏིང་ཟབ་བྱེད་པ་དང་།ཆབ་སྲིད་ལྟ་སྐུལ་ཞིབ་ཕྲ་ཅན་དང་།གནད་སྨིན་ཅན།རྒྱུན་གཏན་ཅན་བཅས་ལ་སྐུལ་འདེད་གཏོང་བ།རང་ཁུལ་གྱི་སྐོར་ཞིབ་ལས་དོན་ཚད་ལྡན་ཅན་དང་།ཁྲིམས་སྐྱོང་ཅན།དངོས་གཞི་ཅན་བཅས་ཀྱི་ཆུ་ཚད་ཟམ་མི་ཆད་པར་མཐོ་རུ་གཏོང་དགོས། དུས་ཚོད་ཀྱི་གནད་ལ་དམ་པོར་དམིགས་ཏེ་ཀྲུང་དབྱང་སྐོར་ཞིབ་ཀྱི་ཚུར་ལན་གནད་དོན་དག་ཐེར་ཡོ་བསྲང་ཇི་མ་ཇི་བཞིན་བྱ་རྒྱུར་སྐུལ་འདེད་གཏོང་དགོས་པའི་བླང་བྱ་བཏོན།

    ཚོགས་འདུའི་ཐོག་ཞིང་ཨུའི་ཉེ་དུས་ཀྱི་ལས་ཀའི་བླང་བྱ་སློབ་སྦྱོང་བྱས་ཏེ།ནན་ཏན་དང་ཏན་ཏིག་གིས་ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་བསྟར་བྱེད་པའི་སློབ་སྦྱོང་སློབ་གསོར་སྐུལ་འདེད་གཏོང་བ་དང་མིག་མཐོང་ལག་ཟིན་ཡོང་བ་བྱེད་ནས་སློབ་སྦྱོང་ཞིབ་གྲོས་དང་།གནད་དོན་འཚོལ་བཤེར།དག་ཐེར་བཅོས་སྐྱོང་བཅས་སྔར་ལས་གཏིང་ཟབ་ཏུ་གཏོང་དགོས། ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་ལ་སྐུལ་འདེད་གཏིང་ཟབ་གཏོང་བ་དང་།ཏང་གི་སྒྲིག་ཁྲིམས་འཛུགས་སྐྱོང་བྱེད་ཤུགས་ཆེ་རུ་གཏོང་བ།“གཙོ་འགན་འཁུར་མཁན་”ལ་ལྟ་སྐུལ་བྱེད་ཤུགས་ཆེ་རུ་གཏོང་བ་བཅས་བྱས་ཏེ་རུལ་སུངས་སུ་འགྱུར་བར་ངོ་རྒོལ་བྱེད་པའི་འཐབ་རྩོད་ཀྱི་འགག་སྒྲོལ་དམག་འཐབ་དང་རྒྱུན་སྲིང་དམག་འཐབ་ལ་རྒྱལ་ཁ་མཐའ་གཅིག་ཏུ་ལེན་དགོས། ནུས་ཤུགས་ཡོད་རྒུས“བློ་སྦྱོང”ལས་གྲྭ་ཡག་པོ་སྒྲུབ་ནས།ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པ།ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་དང་གཙོ་རྐང་བརྟན་པོ་འཛུགས་རྒྱུ་མཐའ་འཁྱོངས་བྱེད་པ།“ལོ་ལྔ་ཚན་བཅོ་ལྔ་པའི”རིག་གནས་དང་ཡུལ་སྐོར་འཕེལ་རྒྱས་ཀྱི་འཆར་འགོད་གང་མགྱོགས་བཟོ་བ་བཅས་བྱས་ཏེ་དྲ་རྒྱའི་གླེང་ཕྱོགས་ཀྱི་ཁ་གཏད་གཅོག་ནུས་ཆེ་རུ་གཏོང་དགོས།“4+2+N”ཡི་ཐོན་ལས་འཕེལ་རྒྱས་ཀྱི་མ་ལག་ལ་དམིགས་ཏེ།“ཕྱི་ནས་འདྲེན་པ་”དང“ནང་ཁུལ་ནས་གསོ་སྦྱོང་”ལ་བརྟེན་ནས་ཤེས་ལྡན་མི་སྣའི་དཔུང་ཁག་རྒྱུན་མཐུད་ངང་རྒྱ་སྐྱེད་གཏོང་བ་དང་།ཤེས་ལྡན་མི་སྣའི་འཕེལ་རྒྱས་ཀྱི་ཁོར་ཡུག་ཟམ་མི་ཆད་པར་ལེགས་སུ་གཏོང་བ།ཤེས་ལྡན་མི་སྣའི་འཕེལ་རྒྱས་ཀྱི་སྒྲིག་སྲོལ་དང་ལམ་སྲོལ་བསྒྱུར་བཅོས་གཏིང་ཟབ་བཅས་བྱེད་དགོས། འབྲུ་རིགས་ཉེན་མེད་ཡོང་བའི་ཆབ་སྲིད་ཀྱི་འགན་འཁྲི་བློ་ཐག་རྦད་ཆོད་ཀྱིས་འཁུར་དགོས་པ་དང་།རྨོ་ཞིང་སྲུང་སྐྱོང་དང་འབྲུ་རིགས་ཉེན་མེད་ཡོང་བའི་འགན་འཁྲིའི་ལམ་ལུགས་དོན་འཁྱོལ་ནན་པོ་བྱེད་པ།དབུལ་ཕོངས་སུ་བསྐྱར་ལོག་དང་དབུལ་ཕོངས་སུ་འགྱུར་བར་སྔོན་འགོག་བྱེད་པའི་ལྟ་ཞིབ་ཚད་ལེན་མ་ལག་འཐུས་ཚང་དུ་གཏོང་བ།གྲོང་གསེབ་ཀྱི་མིའི་འཚོ་གནས་ཁོར་ཡུག་བཅོས་སྐྱོང་བྱེད་པར་སྐུལ་འདེད་གཏིང་ཟབ་གཏོང་བ།གྲོང་གསེབ་ཐུན་མོང་གི་“མ་རྩ་དང་རྒྱུ་ནོར།ཐོན་ཁུངས”ལ་དོ་དམ་བྱེད་ཤུགས་ཆེ་རུ་གཏོང་བ་བཅས་བྱས་ཏེ།ཐབས་བརྒྱ་ཇུས་སྟོང་གིས་མང་ཚོགས་ཀྱི་ཡོང་འབབ་མཐོ་རུ་གཏོང་དགོས་ཞེས་ནན་གྱིས་བསྟན།
    ཚོགས་འདུའི་ཐོག་《ཡང་དག་པའི་སྲིད་དོན་ལས་རྗེས་ལྟ་བ་སློབ་སྦྱོང་དང་སློབ་གསོ་ལག་བསྟར་བྱེད་རིང་གཅིག་སྡུད་ཐོག་བཅོས་སྒྲིག་བྱ་རྒྱུའི་སྐོར་གྱི་ལས་ཀའི་ཇུས་གཞི》དང་《ཁུལ་ཨུ་རྒྱུན་ཨུའི་ཚན་ཁག་གིས་ཡང་དག་པའི་སྲིད་དོན་ལས་རྗེས་ལྟ་བ་འཛུགས་པ་དང་ལག་བསྟར་བྱེད་པའི་སློབ་སྦྱོང་སློབ་གསོ་དང་དག་ཐེར་བཅོས་སྒྲིག་རྩིས་ཁྲ》《ཁུལ་ཨུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་2026ལོའི་སློབ་སྦྱོང་གདམ་གཞིའི་འཆར་གཞི》གྲོས་ཞིབ་བྱས་པ་དང་འབྲེལ་རྩ་དོན་ཐོག་མོས་མཐུན་ཡང་བྱས་པ་རེད།     ཚོགས་འདུའི་ཐོག་ད་དུང་དོན་ཚན་གཞན་དག་ལ་ཞིབ་འཇུག་བྱས་པ་རེད།