སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། 2025/2026ལོའི་ཧྥུའུ་ཏེན་དངུལ་ཁང་ཡུན་ནན་ཞིང་ཆེན་གྲོང་ཁྱེར་རྐང་རྩེད་སྤོ་ལོའི་མཉམ་འབྲེལ་འགྲན་བསྡུར་གྱི་རེས་སྐོར་11པའི་ཐོག་བདེ་ཆེན་རུ་ཁག་གིས་ཟླ་4ཚེས་25ཉིན་བདེ་ཆེན་ཁུལ་མི་རིགས་ལུས་རྩལ་ལྟེ་གནས་ཀྱི་ལུས་རྩལ་ཐང་དུ་ཀྲའོ་ཐུང་རུ་ཁག་དང་འགྲན་བསྡུར་བྱས་པ་རེད། ས་མཐོའི་ཐོག་གི་འགྲན་རྒོལ་དང་འགོག་སྲུང་གི་གོམ་སྟབས་ཧ་ཅང་མགྱོགས་པ་དང་འགྲན་རྒོལ་བྱེད་ཤུགས་ཧ་ཅང་ཆེན་པོ་བྱུང་ཡོད། ཕྱོགས་གཉིས་པོའི་སྤོ་ལོ་རྒྱག་མཁན་གྱིས་མཐའ་མའི་མཚམས་སུ་སླེབས་སྐབས་བདེ་ཆེན་རུ་ཁག་གིས་ནུས་ཆེའི་འཐབ་རྩལ་ལག་བསྟར་དང་མཐའ་མའི་འགྲན་བསྡུར་གྱི་འགག་རྩའི་སྤོ་ལོ་རྒྱག་སྟངས་ལ་བརྟེན་ནས་རྒྱལ་ཁ་བླངས་ཏེ་ས་གནས་ས་ཐོག་གི་སྤོ་ཞེན་པ་ཚོར་གསོན་ཉམས་ལྡན་ལ་ཡིད་སེམས་འགུག་པའི་ལུས་རྩལ་གྱི་གསོལ་སྟོན་གྱ་ནོམ་པ་ཞིག་བཤམས་ཡོད།

    འགྲན་བསྡུར་མགོ་བརྩམས་རྗེས། རུ་ཁག་གཉིས་མྱུར་དུ་འགྲན་བསྡུར་གྱི་རྣམ་པར་ཞུགས་ཡོད་པ་དང་། རྒོལ་འགོག་སྣེ་གཉིས་སུ་ཕར་རྒོལ་ཚུར་འགོག་དང་།  ཕན་ཚུན་ལ་བཟོད་གཡེང་བྱས་མེད།  འགྲན་བསྡུར་སྟོད་ཀྱི་སྐར་མ་23ཐོག་བདེ་ཆེན་རུ་ཁག་གིས་སྔར་གྱི་རྣམ་པ་དེ་ཡོངས་སུ་དཀྲོག་ནས་ཕ་རོལ་བའི་སྒོ་ཁའི་འགྲམ་དུ་མཆོང་བརྒལ་བྱས་པ་དང་།    ཨང་རྟགས12པ་བློ་བཟང་བཀྲ་ཤིས་ཀྱིས་གོ་སྐབས་བརྩོན་ལེན་བྱས་ཏེ་སྤོ་ལོ་སྒོ་ནང་དུ་གཡུག་པས་བདེ་ཆེན་རུ་ཁག་ནི་1-0གི་བསྡུར་ཚད་ལས་རྒྱལ།    དེའི་རྗེས་སུ་ཀྲའོ་ཐུང་རུ་ཁག་གིས་ཐེངས་མང་བོར་ཚུར་རྒོལ་བྱས་ནས་ཉེན་ཁ་མང་བོ་འཕྲད་རུང་།   བདེ་ཆེན་རུ་ཁག་གི་འགོག་སྲུང་འཛིང་རགས་བརྟན་པོ་ཡོད་པ་དང་སྒོ་མོ་ཡང་བརྟན་པོ་བྱུང་ཡོད། ཤན་འབྱེད་པས་བར་མཚམས་ཀྱི་ངལ་གསོའི་སྒྲ་བསྒྲགས་པ་དང་བདེ་ཆེན་རུ་ཁག་ནི་སྐར་མ་གཅིག་གི་རྒྱལ་ཁ་བླངས་ནས་འགྲན་བསྡུར་མཇུག་འགྲིལ་བ་རེད།