ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་ཚོགས་འདུར་ཞུགས།

    ལུའོ་ཁྲའོ་ཧྥེང་གིས་བསྟན་དོན། རྒྱལ་ཁོངས་བར་སྟོང་སྤྱིའི་འཆར་འགོད་ཀྱི་འགུལ་རྣམ་སྲུང་སྐྱོང་ལས་དོན་སྤེལ་བ་ནི་“ལོ་ལྔ་ཚན་བཅོ་ལྔ་པའི་”འཕེལ་རྒྱས་འཆར་འགོད་དང་སྦྲེལ་མཐུད་གཏིང་ཟབ་བྱེད་པའི་བྱེད་ཐབས་གལ་ཆེན་ཞིག་ཡིན་ལ།རྣམ་གྲངས་དམ་འཛིན་དང་།མ་དངུལ་འཇོག་གྲངས་མང་དུ་གཏོང་བ།འཕེལ་རྒྱས་ལ་སྐུལ་འདེད་གཏོང་བ་བཅས་བྱེད་པར་ངེས་པར་དུ་ལེགས་པར་བསྒྲུབ་དགོས་པའི་རྨང་གཞིའི་རང་བཞིན་གྱི་ལས་དོན་ཞིག་ཀྱང་ཡིན །རྫོང（གྲོང་ཁྱེར）ཁག་དང་དེ་བཞིན་ཁུལ་རིམ་པའི་འབྲེལ་ཡོད་སྡེ་ཚན་གྱིས་གོ་སྐབས་ཀྱི་འདུ་ཤེས་ཟབ་ཏུ་གཏོང་བ་དང་།སྲིད་ཇུས་ཀྱི་འགོ་དུས་དམ་འཛིན་བྱེད་པ། འཐབ་ཇུས་གལ་ཆེན་དང་རྣམ་གྲངས་གལ་ཆེན་གྱི་བར་མཐོངས་དགོས་མཁོ་སྤྱི་འདོམས་མཐུན་སྦྱོར་བྱེད་ནས།རྒྱང་ལྟའི་རང་བཞིན་ལྡན་པའི་སྒོ་ནས་འཆར་འགོད་ལེགས་སྒྲིག་ལ་སྐུལ་འདེད་གཏོང་བ་དང་།རང་འགུལ་ངང་སྙན་སེང་དང་སྦྲེལ་མཐུད་ལ་ཤུགས་སྣོན་རྒྱག་པ་བཅས་བྱས་ཏེ་འཆར་འགོད་ཀྱི་བབ་བསྟུན་ལེགས་སྒྲིག་ལས་དོན་ཚད་ལྡན་དང་།གོ་རིམ་ལྡན་པ།ཕན་འབྲས་ཆེ་བ་བཅས་ཀྱི་སྒོ་ནས་སྤེལ་རྒྱུའི་འགན་ལེན་བྱེད་དགོས།

    ལུའོ་ཁྲའོ་ཧྥེང་གིས་བླང་བྱ་བཏོན་དོན། རྫོང་（གྲོང་ཁྱེར་）གི་བྱེད་པོའི་འགན་འཁྲི་ནན་དུ་བཏང་ནས།རྣམ་གྲངས་ཀྱི་གསལ་ཐོ་དང་ཞིབ་བསྡུར་ནན་ཏན་བྱས་ཏེ་བརྒྱུད་རིམ་ལྡན་པའི་གསེད་བཀྲོལ་དང་། བར་སྟོང་གི་མི་མངོན་པའི་སྟོབས་ཤུགས་སྔོག་འདོན་གཏིང་ཟབ་བཅས་བྱས་ཏེ་རྨང་གཞིའི་ལས་དོན་ཏན་ཏིག་ངང་གནད་ལ་འཁེལ་བ་དང་།གཞི་གྲངས་གནད་ལ་འཁེལ་བ།མ་གྲངས་གསལ་པོ་བཅས་ཡོང་བའི་འགན་ལེན་བྱེད་དགོས། 2026ལོའི་གཙོ་གནད་ལས་གཞིར་དམ་པོར་དམིགས་ནས། ཁྱོན་ཡོངས་ནས་འཆར་འགོད་འགུལ་རྣམ་སྲུང་སྐྱོང་གི་གཙོ་གནད་ལས་གཞིའི་ཞིབ་ཐོ་ཁོངས་སུ་འཇོག་དགོས་པ་ལེགས་སྒྲིག་བྱས་ཏེ།རིགས་སོ་སོའི་གཙོ་གནད་ལས་གཞིའི་གཏན་འབེབས་དང་མཐུན་པའི་བར་སྟོང་བཀོལ་སྤྱོད་ཀྱི་དགོས་མཁོ་འགན་སྲུང་ཏན་ཏིག་བྱ་དགོས།རྣམ་གྲངས་ལ་ཞིབ་བཤེར་ནན་པོ་དང་ཚད་ལྡན་དུ་གཏོང་བ་དང་།རྣམ་གྲངས་རེ་རེའི་ཞིབ་ཕྲའི་དོན་འཁྱོལ་བྱེད་གནས་གནད་ལ་འཁེལ་བར་ཁོང་དུ་ཆུད་པར་བྱས་ཏེ།འཆར་འགོད་ཀྱི་འགུལ་རྣམ་སྲུང་སྐྱོང་དང་ལེགས་སྒྲིག་བྱེད་པའི་ཁ་ཕྱོགས་དང་གཙོ་གནད་སྔར་བས་ཁ་གསལ་བཟོ་དགོས།གོམ་སྟབས་རྗེས་མར་ལེགས་སྒྲིག་བྱེད་པའི་ཁ་ཕྱོགས་དང་གཙོ་གནད་དང་བསྡུར་ནས་དུས་ཚོད་དང་ལྷུ་ཚིགས་ནན་དུ་གཏོང་བ་དང་།ལས་འགན་ཞིབ་ཕྲ་བཟོ་བ།ངོ་བོ་དང་གྲངས་ཚད་ལ་གཞིགས་ནས་དུས་ཐོག་ཏུ་འགུལ་རྣམ་སྲུང་སྐྱོང་གི་ལས་འགན་ལེགས་འགྲུབ་བཅས་བྱས་ཏེ་ས་ཞིང་ཚུན་རེ་རེ་ཚང་མ་ཚན་རིག་དང་མཐུན་པ་དང་།བཀོལ་སྤྱོད་ནུས་ཆེ།ཡུན་རིང་བེད་སྤྱོད་ཐུབ་པ་བཅས་ཡོང་བར་འགན་ལེན་ཏན་ཏིག་བྱ་དགོས།

    ཚོགས་འདུའི་ཐོག་བདེ་ཆེན་ཁུལ་གྱི་རྒྱལ་ཁོངས་བར་སྟོང་སྤྱིའི་འཆར་འགོད（2021—2035ལོ་བར）ཀྱི་འགུལ་རྣམ་སྲུང་སྐྱོང་ལེགས་སྒྲིག་ལས་དོན་གྱི་སྙན་སེང་གསན་པ་རེད།

    ཧོང་ལུང་ཞིན། འཇོལ་རྫོང་དང་འབའ་ལུང་རྫོང་ཨུའི་འགོ་ཁྲིད་གཙོ་བོ། ཁུལ་རིམ་པའི་འབྲེལ་ཡོད་སྡེ་ཁག་གི་འགན་ཁུར་བློ་མཐུན་ཚོགས་འདུར་ཞུགས་ཡོད།