ཟླ་12པའི་ཚེས་3ཉིན་གྱི་ཕྱི་དྲོར། ཁུལ་ཨུ་ཧྲུའུ་ཅི་ལུའོ་ཁྲའོ་ཧྥེང་གིས་རྒྱལ་ཁབ་གློག་གཏོང་ཚོགས་ཁག་ཡུན་ནན་རྒྱལ་སྤྱི་གློག་ཤུགས་གཏོང་འཇོག་ཚད་ཡོད་ཀུང་སིའི་ཏང་ཨུའི་ཧྲུའུ་ཅི་གཞོན་པ། ལས་འཛིན་པ་ཧྥུ་ཅིན་སུང་དང་བཅས་པ་ལ་ཐུག་འཕྲད་གནང་། ཕྱོགས་གཉིས་ཀྱིས་གནོད་མེད་ནུས་ཁུངས་གསར་གཏོད་མཉམ་ལས་སོགས་དོན་ཚན་ལ་བརྗེ་རེས་བྱས།

ལུའོ་ཁྲའོ་ཧྥེང་གིས་རྒྱལ་ཁབ་གློག་གཏོང་ཡུན་ནན་རྒྱལ་སྤྱིས་དུས་ཡུན་རིང་བདེ་ཆེན་འཕེལ་རྒྱས་ལ་རོགས་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས། བདེ་ཆེན་ཁུལ་ནི་ཡུན་ནན་ཞིང་ཆེན་གནོད་མེད་ནུས་ཁུངས་ཐོན་ལས་འཕེལ་རྒྱས་ཀྱི་མངའ་ཁོངས་གལ་ཆེན་ཞིག་རེད། “ལོ་ལྔ་ཚན་བཅོ་ལྔ་པའི་”དུས་རིམ། ཁུལ་ཡོངས་ཀྱིས་ནུས་ཁུངས་རྣམ་གྲངས་གལ་ཆེན་ཁག་གཅིག་ལ་སྐུལ་སྤེལ་གཏོང་བ་དང་། ལས་གྲྭ་གལ་ཆེན་ཁག་གཅིག་ལག་བསྟར་བྱེད་པར་འཆར་འགོད་བྱ་རྒྱུ། འདི་ཡིས་མཐོ་སྒང་གི་དམིགས་བསལ་ཁོར་ཡུག་འོག་གི་ལག་རྩལ་བེད་སྤྱོད་ལ་བླང་བྱ་དེ་བས་མཐོ་པོ་བཏོན། ཁེ་ལས་ཀྱིས་རང་ཉིད་ཀྱི་དགེ་མཚན་གང་ལེགས་བཏོན་ཏེ། བདེ་ཆེན་དང་ལག་གདང་སྦྲེལ་ནས་མཐོ་སྒང་གི་ཐོན་ལས་ལྡུམ་ཁུལ་གསར་གཏོད་ཡག་པོ་བསྐྲུན་རོགས། རྒྱུན་མཐུད་ངང་མཚོ་འཕགས་མཐོ་བའི་ས་ཁུལ་གྱི་གློག་འབྱེད་ཆུ་ཆིང་དང་དབྱང་བཟོ་བ་དང་ལག་རྩལ་གཙོ་བོ་ཞིབ་འཇུག་དང་དཔེ་སྟོན་རྣམ་གྲངས་འཛུགས་སྐྲུན་ཕྱོགས་བསྡུས་བེད་སྤྱོད་བྱེད་པ་དང་ཆབས་ཅིག་ཏུ་འོད་ཧྥུ་གློག་གཏོང་དང་དྲོད་འདོན་མ་ལག་གི་ནུས་ཁུངས་གྲོན་ཆུང་བཟོ་བཅོས་སོགས་མངའ་ཁོངས་སུ་མཉམ་ལས་རྒྱ་ཆེར་བཏང་ནས་བདེ་ཆེན་གྱི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྒུལ་ཤུགས་ཆེན་པོ་བ་བསྣན་རོགས་ཞེས་བསྟན།

ཧྥུ་ཅིན་སུང་གིས། “ལོ་ལྔ་ཚན་བཅོ་ལྔ་པའི་”འགོ་ཚུགས་ས་རུ་ལངས་ནས། ཀུང་སི་ཡིས་བདེ་ཆེན་དེ་ཀྲུང་དབྱང་ས་ཆའི་ཐབས་ཇུས་མཉམ་ལས་ཀྱི་མཐོ་ས་བྱས་ཏེ། མིག་སྔར་མཉམ་ལས་རྣམ་གྲངས་འཛུགས་སྐྲུན་བརྟན་པོའི་ངང་སྤེལ་བའི་རྨང་གཞིའི་ཐོག རྒྱུན་ཆད་མེད་པར་མཉམ་ལས་བར་སྟོང་རྒྱ་བསྐྱེད་གཏོང་བ་དང་བདེ་ཆེན་གྱི་དགོས་མཁོ་ལ་དམིགས་ཏེ། གནོད་མེད་ནུས་ཁུངས་འགྱུར་ལྡོག་དང་བེད་སྤྱོད་ཐབས་ལམ་གསར་གཏོད་ལ་ཞིབ་འཇུག་གཏིང་ཟབ་བྱས་ཞིང་། བདེ་ཆེན་དང་མཉམ་དུ་མཚོ་འཕགས་མཐོ་བའི་ས་ཁུལ་གནོད་མེད་དང་རེས་འཁོར། ཐཱན་ཉུང་འཕེལ་རྒྱས་ཀྱི་ལམ་དུ་སྐྱོད་རྒྱུ་ཞེས་བསྟན།