ལུའོ་ཁྲའོ་ཧྥེང་དང་བཅས་པ་བདེ་ཆེན་ཁུལ་ཁྲིམས་སྐྱོང་རིག་གནས་དྲིལ་བསྒྲགས་སློབ་གསོ་གཞི་ས་རུ་བསྐྱོད་ནས།“འགོ་བརྗོད་ཁང་”དང་“གཙོ་འཛིན་དགོངས་པ།·ཁྲིམས་མཐུན་བོད་སྐྱོང་།” “བདེ་ཆེན་མཐོ་སྒང་།·ཁྲིམས་སྐྱོང་མཉམ་སྐྱོད།”“ ཁྲིམས་སྐྱོང་ཀུན་ཁྱབ།·ཁྲིམས་སྐྱོང་བརྒྱུད་འཐུས།”“ཁྲིམས་སྐྱོང་བདེ་ཆེན།·སྔོན་ཐོན་གསར་གཏོད་ཕུལ་བྱུང་བརྩོན་ལེན།”སོགས་དཔེ་དུམ་ལ་ལྟ་སྐོར་བྱས་ཏེ་འགྲེལ་བཤད་ནན་ཏན་གྱིས་ཉན་པ་དང་སྤེལ་རེས་བྱས་པ། ཁྲིམས་སྐྱོང་དྲིལ་བསྒྲགས་དང་གཞི་རིམ་གྱི་ཁྲིམས་ལུགས་ཁྱབ་གདལ་གྱི་གནས་ཚུལ་ཞིབ་ཚགས་འདྲི་ནས། ཞི་ཅིན་ཕིང་གི་ཁྲིམས་སྐྱོང་དགོངས་པ་གངས་ལྗོངས་མཐོ་སྒང་དུ་གསོན་ཉམས་ལྡན་པའི་ལག་ལེན་དང་། རང་ཁུལ་གྱིས་ཁྲིམས་སྐྱོང་བདེ་ཆེན་དང་བདེ་འཇགས་བདེ་ཆེན་འཛུགས་སྐྲུན་ཁྲོད་ཐོབ་པའི་གྲུབ་འབྲས་ཕྱོགས་ཡོངས་ནས་ཤེས་རྟོགས་བྱས། དེའི་རྗེས་“གྱོད་དཔེས་ཁྲིམས་འགྲེལ”ཞེས་པའི་ཉེན་བརྡ་གཏོང་བའི་སློབ་གསོའི་གློག་བརྙན་གཅིག་སྡུད་ངང་བལྟས།

ལུའོ་ཁྲའོ་ཧྥེང་གིས་ཁྲིམས་བཟང་བོ་ནི་བཅོས་སྐྱོང་ཡག་པོ་བྱེད་པའི་སྔོན་འགྲོའི་ཆ་རྐྱེན་ཡིན་པ་དང་། རྩ་ཁྲིམས་དང་བཅའ་ཁྲིམས་ནི་མི་སེར་གྱི་དུས་རྒྱུན་གྱི་འཚོ་བ་དང་འབྲེལ་བ་དམ་ཟབ་ཡོད། ཚན་རིག་དང་མཐུན་པའི་ཁྲིམས་འཛུགས་མཐའ་འཁྱོངས་དང་། རང་སྐྱོང་ཁུལ་གྱི་ཁྲིམས་འཛུགས་དབང་ཆ་བེད་སྤྱོད་ཡག་པོ་བྱས་ཏེ་རྩ་ཁྲིམས་དང་བཅའ་ཁྲིམས་ཀྱི་སྒྲོམ་གཞིའི་ནང་ས་ཁོངས་ཀྱི་དོན་དངོས་དང་ཟུང་འབྲེལ་བྱས་ནས་ཁྲིད་སྟོན་རང་བཞིན་གྱི་ཁྲིམས་སྲོལ་བཟོ་དགོས།ཚད་ལྡན་དང་གཞུང་དྲང་། ཡ་རབས་ཁྲིམས་འཛིན་བྱེད་པར་རྒྱུན་འཁྱོངས་བྱས་ཏེ་དམངས་དོན་གྱི་ཆེད་དུ་ཁྲིམས་འཛིན་གྱི་སྣང་བརྙན་ཡག་པོ་འཛུགས་པ་དང་ཏང་དང་སྲིད་གཞུང་གི་ཀུན་གྱིས་ཡིད་ཆེས་བྱེད་ཚད་མཐོ་རུ་གཏོང་དགོས། ཁྲིམས་འཛིན་གཞུང་དྲང་རྒྱུན་འཁྱོངས་བྱས་ཏེ་“མཐའ་མའི་འགོག་སྲུང་ཐིག་”བརྟན་སྲུང་བྱས་ཏེ། མི་དམངས་མང་ཚོགས་ལ་ཁྲིམས་འཛིན་གྱོད་གཞི་ཁྲོད་དྲང་གཞག་དང་དྲང་བདེན་ཚོར་བར་འབད་བརྩོན་བྱེད་དགོས།བཅའ་ཁྲིམས་ཞབས་ཞུ་ལེགས་སུ་གཏོང་བ་དང་། གཉེར་སྐྱོང་གཙོ་གཟུགས་ཀྱི་ཁྲིམས་མཐུན་ཁེ་དབང་འགན་སྲུང་ཏན་ཏིག་བྱེད་དེ།ནུས་ཤུགས་ཡོད་རྒུས་ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་གཏོད་དགོས། ཁྲིམས་སྐྱོང་གི་རིག་གནས་དྲིལ་བསྒྲགས་སློབ་གསོ་རྟེན་གཞིའི་ནུས་པ་འདོན་སྤེལ་གང་ལེགས་བྱེད་པ་དང་།མཉམ་འགུལ་གྱི་རྣམ་པ་གསར་གཏོད་དང་། དྲིལ་བསྒྲགས་ནང་དོན་ཕུན་སུམ་ཚོགས་སུ་གཏོང་བ་བཅས་བྱས་ཏེ་འགོ་ཁྲིད་ལས་བྱེད་པས་སྣེ་ཁྲིད་དེ་ཁྲིམས་བཀུར་ཁྲིམས་སྦྱོང་ཁྲིམས་སྲུང་ཁྲིམས་སྤྱོད་བཅས་ལ་སྐུལ་འདེད་གཏོང་བ་དང་། རྒྱ་ཆེའི་མང་ཚོགས་ཀྱིས་ལས་དོན་སྒྲུབ་དུས་ཁྲིམས་གཞིར་བཟུང་བ་དང་། དོན་དག་ལ་འཕྲད་ན་བཅའ་ཁྲིམས་འཚོལ་བ། གནད་དོན་ཐག་གཅོད་བྱེད་དུས་ཁྲིམས་སྤྱོད་པ། འགལ་བ་ཐག་གཅོད་བྱེད་དུས་བཅའ་ཁྲིམས་ལ་བརྟེན་པ་བཅས་བྱས་ཏེ་དམངས་ཡོངས་ཀྱི་ཁྲིམས་སྲུང་གི་རྣམ་པ་བཟང་པོ་ཆགས་སུ་འཇུག་དགོས་ཞེས་ནན་བཤད་བྱས།