དོན་གྲུབ་ཕུན་ཚོགས་ནི་བདེ་ཆེན་ཁུལ་འབའ་ལུང་རྫོང་མཐའ་ཆུ་གྲོང་རྡལ་ནས་འཚར་ལོངས་བྱུང་ཞིང་། ཆུང་དུས་ནས་པི་ཝང་འཐེན་པར་སྤྲོ་བ་ཆེན་པོ་ཡོད་པ་རེད། ཁོང་ལ་ཆུང་དུས་ནས་བཟུང་གར་སྟེགས་ཆེན་པོ་དང་ལྟད་མོ་བ་མང་བོའི་མདུན་ནས་པི་ཝང་བཟུང་ནས་འཁྲབ་སྟོན་བྱེད་ལ། པི་ཝང་གི་དབྱངས་རྟ་སྙན་མོ་དེ་རྒྱ་ཆེའི་ལྟད་མོ་བ་དང་མྱོང་རོལ་བྱེད་པའི་འདུན་པ་དང་སེམས་ཤུགས་དྲག་པོ་ཡོད་པ་རེད།

   ཆུང་དུས་ནས་སྒྱུ་རྩལ་གྱི་ས་བོན་སེམས་ཁོང་དུ་སྦས།

    དོན་གྲུབ་ཕུན་ཚོགས་ཀྱི་ཐོག་མའི་ཆེད་ལས་ནི་མགུལ་སྦྲེང་ཆེ་བ་ཡིན་མོད། ཆུང་དུས་ནས་པི་ཝང་འཐེན་ཞོར་གཞས་འཁྲབ་པའི་གླུ་གར་འཁྲན་སྟོན་དེ་ལ་མིག་འདྲིས་རྣར་འཇགས་ཡོད་པས་པི་ཝང་ལ་ཤིན་ཏུ་དགའ་པོ་བྱུང་ཡོད་པས། 2007ལོར་འཇོལ་གྱི་པི་ཝང་རྒྱུན་འཛིན་པ་ཞིག་བཙལ་ནས་དངོས་སུ་སློབ་སྦྱོང་བྱས་ཏེ་ཟླ་བ་གཅིག་ལས་མ་སོང་བར་རང་སྦྱོང་བྱས། 2014ལོར་ཁོང་གི་པི་ཝང་འཐེན་པའི་འཁྲབ་སྟོན་གར་སྟེགས་ཐོག་ཐེངས་དང་པོ་བསྐྱོད་ཡོད།

   དོན་གྲུབ་ཕུན་ཚོགས་ཀྱིས་དཀའ་སྤྱད་སྦྱོང་བརྡར་ལ་བརྟེན་ནས་རྨང་གཞི་བརྟན་དུ་གཏོང་བ་དང་གསར་གཏོད་ཀྱི་འཇོན་ཐང་ལ་བརྟེན་ནས་རྒྱུན་འཛིན་བྱས་ཏེ་བདེ་ཆེན་པི་ཝང་རང་ཡུལ་ནས་གཞན་ཡུལ་གྱི་གར་སྟེགས་ཆེན་པོར་འཁྲབ་ཐུབ་པར་བྱས། 2025ལོར། ཁོང་གིས་རྩོམ་སྒྲིག་བྱེད་པའི་《ཕ་རིའི་སྤང་གི་སྟེང་ལ་》ཞེས་པ་དེ་ཨ་མདོ་བརྙན་འཕྲིན་ཁང་གི་2025ལོའི་བོད་ཀྱི་ཤིང་སྦྲུལ་ལོ་གསར་གྱི་རིག་རྩལ་དགོང་ཚོགས་ཐོག་ཞུགས་པས། རང་ཡུལ་གྱི་མངོན་མིན་རིག་གནས་ཤུལ་བཞག་རྩེ་ཆེ་དེར་སྲུང་སྐྱོབ་དང་རྒྱུན་འཛིན་བྱེད་ཡོད།

   སློབ་ཁྲིད་དང་། འཁྲབ་སྟོན་སོགས་ཀྱི་བྱེད་ཐབས་བརྒྱུད་སྲོལ་རྒྱུན་གྱི་པི་ཝང་སྲུང་སྐྱོང་བྱེད་པ་དང་ཆབས་ཅིག ཐུན་མོང་མ་ཡིན་པའི་པི་ཝང་འཐེན་རྩལ་ལ་བློ་རྩེ་གཅིག་སྒྲིམ་ངང་ཞིབ་འཇུག་བྱ་རྒྱུ་དང་། པི་ཝང་འཐེན་རྩལ་དེ་དབྱངས་རྟགས་ལ་བརྟེན་ན་སློབ་མས་སྦྱོང་བདེ་བ་དང་གོ་བདེ་བས། པི་ཝང་གི་སྒྲ་དབྱངས་དེ་དབྱངས་རྟགས་སུ་ཕབ་པར་བརྩོན་ལེན་བྱས་ནས་གོམ་གང་མདུན་སྤོས་ཀྱིས་པི་ཝང་སྒྱུ་རྩལ་འདི་སྲུང་འཛིན་བྱེད་རྒྱུའི་འཆར་གཞི་བཅངས་ཡོད་ཅེས་དོན་གྲུབ་ཕུན་ཚོགས་ཀྱིས་བཤད།