ཟླ་9ཚེས་2ཉིན། 《ཏང་ཨུ་（ཏང་ཙུའུ）ཡིས་འོག་རིམ་ཏང་རྩ་འཛུགས་ཀྱི“འགོ་གཙོ་དང་པོ”ལྟ་སྐུལ་གླེང་མོལ་སྤེལ་བའི་ལས་དོན་བྱ་ཐབས》དང་དེ་བཞིན་འབྲེལ་ཡོད་གཏན་འབེབས་གཞིར་བཟུང་ནས། ཁུལ་ཨུའི་ཧྲུའུ་ཅི་གཞོན་པ། ཁུལ་མི་དམངས་སྲིད་གཞུང་གི་ལས་ཚབ་ཁུལ་དཔོན་ལི་ཡན་ལན་གྱིས་ཁུལ་སྲིད་གཞུང་གི་ཏང་ཙུའུ་ཚབ་བྱས་ནས་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་དང་སེམས་ཀྱི་ཉི་ཟླ་ཐོན་ལས་གླིང་ཁུལ་དོ་དམ་ཨུ་ལྷན། ཁུལ་རིམ་པའི་སྡེ་ཚན་ཁག་གི“འགོ་གཙོ་དང་པོ”ལྟ་སྐུལ་གླེང་མོལ་བྱས་པ་རེད།

ལི་ཡན་ལན་གྱིས་ནན་བཤད་གནང་དོན། ཆབ་སྲིད་ཀྱི་གནས་བབ་མཐོ་རུ་བཏང་ནས། ཏང་དོ་དམ་དང་ཏང་སྐྱོང་གི་ཨང་དང་པོ་འགན་འཁྲི་འཁུར་མཁན་གྱི་འགན་འཁྲི་བློ་ཐག་རྦད་བཅད་ངང་འཁུར་དགོས། ཏང་འཛུགས་སྐྱོང་དང་ལས་སྒོ་གཉིས་མཉམ་དུ་ཇུས་འགོད་དང་བཀོད་སྒྲིག སྐུལ་འདེད། དཔྱད་ཞིབ་བཅས་བྱ་རྒྱུ་མཐའ་འཁྱོངས་བྱས་ནས། འགན་འཁྲི་བརྒྱུད་འདྲེན་དོ་སྙོམས་མེད་པའི་གནད་དོན་སེལ་དགོས། “ཆབ་སྲིད་ཀྱི་གྲུབ་ཆ་གལ་ཆེན་དང་པོའི”ལམ་ལུགས་དོན་འཁྱོལ་ནན་པོ་བྱེད་ནས། དོན་དག་གལ་ཆེན་གྱི་བཀའ་སློབ་སྙན་ཞུ་དང་“འགོ་གཙོ་དང་པོའི་”མཐའ་མའི་རྣམ་འགྱུར་བསྟན་པའི་ལམ་ལུགས་ལག་བསྟར་བྱེད་པ། ཏང་ཙུའུ་ཡི་ཁ་ཕྱོགས་འཛིན་པ་དང་ཁྱོན་ཡོངས་དོ་དམ། དོན་འཁྱོལ་འགན་ལེན་བཅས་ཀྱི་ནུས་པ་འདོན་སྤེལ་བྱེད་པ། ཚན་ཁག་ཁོངས་མིས་“ལས་གནས་གཅིག་ལ་འགན་འཁྲི་གཉིས་”དོན་འཁྱོལ་བྱེད་པར་སྐུལ་ཁྲིད་བྱེད་ནས། ཆབ་སྲིད་ཀྱི་སྐྱེ་ཁམས་ལ་རྒྱུན་རྣམ་ཅན་དུ་དབྱེ་ཞིབ་བྱེད་པ་དང་དངོས་སྒྲུབ་ཀྱི་གྲུབ་འབྲས་དངོས་ལ་བརྟེན་ནས་“གཏན་འཁེལ་གཉིས་”ལ་བརྩི་བཀུར་དང་“སྲུང་སྐྱོང་གཉིས་”བྱེད་ཐུབ་པ་བྱེད་དགོས། ཁྱབ་ཁོངས་ཀྱི་ཉེན་ཁ་སྔོན་འགོག་སེལ་དགོས་ལ་གནད་དོན་དག་ཐེར་ལེགས་བཅོས་བྱེད་དགོས། དབང་ཆ་གཅིག་སྡུད་དང་མ་དངུལ་མང་འདུས། ཐོན་ཁུངས་ཕུན་སུམ་ཚོགས་པའི་ཁྱབ་ཁོངས་དང་དེ་བཞིན་རྣམ་གྲངས་འགུགས་པ། སྲིད་ཇུས་ལག་བསྟར་བྱེད་པ་སོགས་ཀྱི་ལེ་ཚན་ལ་དོ་སྣང་ཆེན་པོ་བྱས་ནས། ལམ་ལུགས་ཀྱི་སྐྱོན་ཆ་གསབ་དགོས། སྲིད་གཞུང་དང་ཁེ་ལས་བར་གྱི་འགྲོ་འོང་ཚད་ལྡན་དུ་བཏང་ནས། མཛའ་མཐུན་དྭངས་གཙང་གི་འཛིང་རགས་འགོག་སྲུང་བརྟན་པོ་བཟོ་དགོས། རིག་གནས་ཡུལ་སྐོར་དང་དྲ་རྒྱ་སོགས་ཀྱི་གཡུལ་ས་དོ་དམ་དང་གསར་དར་ལས་རིགས་རྣམ་པའི་ལྟ་སྐུལ་དོ་དམ་དམ་འཛིན་ཏན་ཏིག་བྱས་ནས། གླེང་ཕྱོགས་ཁ་གཏད་འཇལ་ནུས་ཆེ་རུ་གཏོང་དགོས། སྐོར་ཞིབ་དང་རྩིས་བཤེར་ལྡོག་འདྲེན་གནད་དོན་དག་ཐེར་ལེགས་བཅོས་བྱེད་ནས། རྩིས་ཐོ་བཟོས་པ་དང་འཐབ་འཛིང་བྱེད་པ། ཁྱབ་ཁོངས་ལས་བརྒལ་བའི་དཀའ་གནད་དངོས་སུ་མཐུན་སྦྱོར་བྱེད་པ། “རྩོམ་ཡིག་རྗེས་མར་”དག་ཐེར་ལེགས་བཅོས་བྱེད་དགོས།

ལི་ཡན་ལན་གྱིས་ནན་བཤད་གནང་དོན། ཡང་དག་པའི་སྲིད་དོན་ལས་རྗེས་ལྟ་བ་འཛུགས་ནས་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས། བདེ་ཆེན་གྱི་ཐོན་ཁུངས་དང་སྐྱེ་ཁམས་ཐེག་ནུས་ལ་གཞི་ཚུགས་ཏེ། གན་རྒྱ་འཇོག་པར་མཐོང་ཆེན་དང་དོན་ཐོག་ཏུ་འཁྱོལ་བར་སྣང་ཆུང་། ཟིལ་ཤུགས་ལ་མཐོང་ཆེན་དང་ཕན་ཕན་འབྲས་ལ་སྣང་ཆུང་བྱེད་པའི་ཕྱོགས་ལྷུང་དོར་དགོས། འཐབ་ཕྱོགས་དང་པོར་ཞིབ་བཤེར་ཆོག་མཆན་དང་རྒྱུ་རྐྱེན་གཙོ་བོའི་འགག་གནད་སེལ་ནས་འགྱུར་ལྡོག་གཏོང་ཚད་མཐོ་རུ་གཏོང་དགོས། གླིང་ཁུལ་གྱིས་གཞི་གྲངས་གསལ་པོ་ཤེས་པ་དང་རྣམ་གྲངས་ཀྱི་ཞུགས་འཐུས་དང་ཐོན་འབབ་ཕན་འབྲས་ཀྱི་འགག་སྒོ་བརྟན་སྲུང་བྱས་ནས“གཞན་དབང་གི་བཅར་འདྲི”དེ“རང་འགུལ་གྱི་གནད་དོན་འགྲེལ་བར་”བསྒྱུར་ནས་འཚོ་བ་དམ་པོ་སྐྱེལ་དགོས་པའི་བླང་བྱ་དོན་འཁྱོལ་བྱེད་དགོས། “ཨར་ལས་རུ་དཔོན”སྣེ་ཁྲིད་པ་ཡག་པོ་བྱས་ནས། དམིགས་ཚད་གཏན་འཁེལ་དང་ཕྱི་ཚུལ་རིང་ལུགས་བཀག་འགོག་གང་ཐུབ་བྱས་པ་དང་དག་ཐེར་ལེགས་བཅོས་ཀྱི་ཕན་འབྲས་ལ་བརྟེན་ནས་འཕེལ་རྒྱས་སྐུལ་འདེད་གཏོང་དགོས། སྒྲིག་ལམ་གྱི་མཐའ་ཚད་ནན་པོ་སྲུང་ནས། ཀྲུང་དབྱང་གི་གཏན་འབེབས་དོན་ཚན་བརྒྱད་དང་ལག་བསྟར་ཞིབ་སྲོལ་གྱི་དགོངས་དོན་དོན་འཁྱོལ་བྱས་ཏེ། ཐོག་མཐའ་བར་གསུམ་དུ་གཞུང་དྲང་སྤྱོད་གཙང་རྒྱུན་འཁྱོངས་བྱེད་དགོས། ཚོང་དོན་སྣེ་ལེན་དང་དུས་ཆེན་འགྲན་བསྡུར་གྱི་ཚད་གཞི་ཚད་ལྡན་དུ་གཏོང་བ་དང་“སྐོར་རྔོན་”སྔོན་འགོག་བྱེད་པ། སྤྱི་ཚོགས་འབྲེལ་འདྲིས་ཀྱི་ཁྱབ་ཁོངས་དང་འཚོ་བའི་ཁྱབ་ཁོངས། གྲོགས་པོའི་ཁྱབ་ཁོངས་བཅས་གཙང་སེལ་བྱེད་དགོས། རང་འགུལ་ངང་ལྟ་སྐུལ་དང་ལེན་བྱས་ཏེ། ཏང་ཡོན་གྱིས་ཆོས་ལུགས་ལ་དད་པ་མི་བྱེད་པ་དང་གཞུང་ཞབས་པས“གྱང་སློག”མི་བྱེད་པ་སོགས་ཀྱི་མཐའ་ཚད་མཐའ་འཁྱོངས་བྱས་ཏེ་སྤྱོད་གཙང་གཞུང་དྲང་གི་ལས་སྒྲུབ་རྣམ་པ་ཞིག་གཏོད་དགོས།

ཁུལ་སྒྲིག་ཨུ་ལྟ་སྐུལ་ཨུ་ལྷན་དང་ཁུལ་ཨུ་རྩ་འཛུགས་པུའི་འབྲེལ་ཡོད་འགན་འཁུར་བློ་མཐུན་གྱིས་གཞོགས་འདེགས་གླེང་མོལ་བྱས་པ་རེད།