སྔོན་ཚུད་ནས་ཉེན་བརྡ་བཏང་རྗེས་འབའ་ལུང་རྫོང་ཨུ་དང་རྫོང་སྲིད་གཞུང་གིས་ཚད་མཐོའི་མཐོང་ཆེན་བྱས་ཏེ་དུས་ཚོད་དང་པོར་"1262"ཀྱི་སྔོན་ཚུད་ནས་ཉེན་བརྡ་གཏོང་བར་ཁ་གཏད་གཅོག་པའི་ལམ་སྲོལ་ལག་བསྟར་བྱས་ནས་རྫོང་ཡོངས་ཀྱི་ས་གཤིས་གནོད་འཚེར་དོགས་ཟོན་དང་ཁ་གཏད་གཅོག་པའི་ལས་དོན་མགྱོགས་མྱུར་བཀོད་སྒྲིག་བྱས་པ་རེད། མཐའ་ཆུ་གྲོང་རྡལ་གྱིས་བླང་བྱ་དོན་འཁྱོལ་ནན་པོ་བྱས་ཏེ་རིམ་པ་བཞིན་གྲོང་ཚོ་དང་ཚོགས་ཆུང་ལ་དྲན་སྐུལ་བཏང་ནས་འབྲུབ་འགོག་ཉེན་གཡོལ་གྱི་འགན་འཁྲི་ནན་དུ་བཏང་བ་རེད།

ཟླ་8ཚེས་28ཉིན་གྱི་ཐོ་རེངས་ཆུ་ཚོད་1དང་སྐར་མ་26ཐོག་ཆར་པ་རྒྱུན་མཐུད་ངང་བབས་ཤུགས་ཆེ་རུ་ཕྱིན་པ་དང་། རྫོང་གནམ་གཤིས་བརྟག་དཔྱད་ཁང་གིས་དྲག་ཆར་གྱི་སྔོན་ཚུད་ཉེན་བརྡ་དེ་དམར་པོར་རིམ་སྤོར་བྱས་ནས་མཐའ་ཆུ་གྲོང་རྡལ་གྱི་དྲག་ཆར་གྱི་གནོད་འཚེའི་ཉེན་ཁ་ཆེ་བ་དང་འདམ་རྡོའི་ཆུ་རུད་ཀྱི་གནོད་འཚེའི་ཉེན་ཁ་ཧ་ཅང་ཆེན་པོ་ཡོད། འབའ་ལུང་རྫོང་གིས་མཚན་བསྟུད་མར་མཐའ་ཆུ་གྲོང་རྡལ་དང་གྲོང་ཚོ་དང་ཚོགས་ཆུང་བཅས་རིམ་པ་གསུམ་གྱི་ལས་བྱེད་པ་དང་ས་གཤིས་གནོད་འཚེའི་ལྟ་ཞིབ་ཚད་ལེན་མི་སྣ་བཀོད་གཏོང་བྱས་ཏེ་ཞང་ཀུའུ་ཆིན་གྱི་ཚོགས་ཆུང་སྟོད་དང་ཚོགས་ཆུང་བར། ཚོགས་ཆུང་སྨད་ཀྱི་ལུང་ཤུར་དང་དེ་བཞིན་རི་བོར་དྲ་འཐེན་རྣམ་པའི་སྐོར་ཞིབ་གྲལ་བཤེར་བྱས་ནས་ལུང་ཤུར་དང་རི་བོའི་འགྱུར་ལྡོག་སོགས་འགག་རྩའི་གནས་ཚུལ་ལ་དམ་པོར་དམིགས་པ་རེད། གནམ་གཤིས་སྔོན་བརྡ་གཏོང་བ་དང་ས་གནས་ས་ཐོག་ཏུ་ཞིབ་འཇུག་བརྡར་ཤ་གཅོད་པ་དང་ཟུང་འབྲེལ་བྱས་ཏེ་ལས་དོན་མི་སྣས་འཕྲལ་ཐག་ཆོད་པོས་ཉེན་གཡོལ་གནས་སྤོ་བྱེད་འགོ་བཙུགས་པ་དང་འཕྲལ་སྡོམ་རླུང་འཕྲིན་རེས་འཁོར་གཏོང་བ་དང་དུད་ཚང་རེ་རེ་བཞིན་སྒོ་བརྡུངས་ནས་བརྡ་ཐོ་བཏང་བ་བརྒྱུད་མང་ཚོགས་ལ་སྔོན་བཀོད་གནས་སྤོའི་ལམ་ཐིག་བརྒྱུད་ལུང་ཤུར་གཞོགས་གཉིས་ཀྱི་ཉེན་ཁ་ཆེ་བའི་ས་ཁོངས་སུ་སྡོད་མཁན་623(དེའི་ནང་ཡུལ་སྐོར་བ་5ཡོད་པ)ཛ་དྲག་ངང་བདེ་འཇགས་ས་ཁོངས་སུ་གནས་སྤོ་བྱ་རྒྱུའི་ཁྲིད་སྟོན་བྱས་པ་དང་འབྲེལ་ཉེན་ཁ་ཆེ་བའི་ས་ཁོངས་ལ་དོ་དམ་ཚོད་འཛིན་ཡག་པོ་བྱས་ནས་མི་སྣ་རང་དགར་ཕྱིར་ལོག་བྱ་རྒྱུ་ནན་འགོག་ཀྱང་བྱས་པ།