གསར་འགོད་པས་སྲིད་གྲོས་བདེ་ཆེན་ཁུལ་སྐབས་བཅུ་གསུམ་པའི་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པའི་གྲོས་གཞིའི་ཚོགས་ཆུང་ནས་ཤེས་རྟོགས་བྱུང་དོན། ཟླ་1པོའི་ཚེས་20ཉིན་གྱི་ཆུ་ཚོད་18པའི་བར། ཚོགས་ཆེན་ཐོག་ཁྱོན་གྲོས་གཞི་142འབྱོར་བ། ཞིབ་བཤེར་བྱས་པ་བརྒྱུད། གྱོད་གཞི་139ཐོ་འགོད་བྱས་པ་དང་། གྱོད་གཞི་2གྱོད་སྒྲིལ་བྱས་ཡོད་ཅིང་གྱོད་གཞི་1ཐོ་འགོད་བྱས་མེད།

   གྲོས་གཞི་ཐོ་འགོད་བྱེད་སྐབས་ཨུ་ཡོན་གྱིས་བཏོན་པའི་གྲོས་གཞི་ངོ་གྲངས་109ཡོད་པས་78.41%ཟིན། མིང་ཐོ་མཉམ་འགོད་ཀྱི་གྲོས་གཞི་22ཡོད་པས་15.83%ཟིན། སྲིད་གྲོས་ཀྱི་ཚོགས་འདུར་ཞུགས་པའི་ལས་ཁུངས་ཁག་དང་། མི་དམངས་ཚོགས་པ། ཆེད་དོན་ཨུ་ཡོན་ལྷན་ཁང་ཁག རིགས་ཁོངས་ཁག ཨུ་ཡོན་ཚོ་ཆུང་སོགས་ཐུན་མོང་གི་གྲོས་གཞི་8ཡོད་པས་5.76%ཟིན། དེའི་ནང་། དཔལ་འབྱོར་འཛུགས་སྐྲུན་ཐད་ཀྱི་གྲོས་གཞི་32ཡོད་པས་23.02%ཟིན། ཆབ་སྲིད་འཛུགས་སྐྱོང་ཐད་ཀྱི་གྲོས་གཞི་14ཡོད་པས་10.07%ཟིན། རིག་གནས་འཛུགས་སྐྱོང་ཐད་ཀྱི་གྲོས་གཞི་19ཡོད་པས་13.67%ཟིན། སྤྱི་ཚོགས་འཛུགས་སྐྲུན་ཐད་ཀྱི་གྲོས་གཞི་64ཡོད་པས་46.04%ཟིན། སྐྱེ་ཁམས་དཔལ་ཡོན་འཛུགས་སྐྲུན་ཐད་ཀྱི་གྲོས་གཞི་10ཡོད་པས་7.19%ཟིན།

   གྲོས་ཚོགས་འཚོགས་རིང་། རྒྱ་ཆེ་བའི་སྲིད་གྲོསཐེངས་འདིའི་གྲོས་ཚོགས་ཀྱི་གྲོས་གཞིར་གཤམ་གསལ་གྱི་ཁྱད་ཆོས་ལྡན་པ་སྟེ།

  གཅིག་ནི་གྲོས་གཞི་འདོན་མཁན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་སྲིད་གྲོས་ལས་ཀར་ཤུགས་སྣོན་དང་ལེགས་བཅོས་བྱ་རྒྱུའི་སྐོར་གྱི་དགོངས་པ་གལ་ཆེན་ལག་བསྟར་ནན་ཏན་དང་། ཞིང་ཨུ་དང་ཁུལ་ཨུའི་ཐབས་ཇུས་དང་བཀོད་སྒྲིག་གལ་ཆེན་དོན་འཁྱོལ་བྱེད་པ། ཆབ་སྲིད་ཀྱི་ཁ་ཕྱོགས་ཡང་དག་པ་མཐའ་འཁྱོངས་བྱེད་པ། ཀྲུང་གོའི་ལུགས་ཀྱི་དེང་རབས་ཅན་དུ་འགྱུར་བར་སྐུལ་འདེད་གཏོང་བར་དམིགས་པ། འཕེལ་རྒྱས་ཀྱི་འདུ་ཤེས་གསར་པ་ལག་བསྟར་མཐར་ཕྱིན་དང་། འཕེལ་རྒྱས་ཀྱི་རྣམ་པ་གསར་པ་འཛུགས་པ། སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་། དམངས་འཚོའི་བདེ་རྩ་ཆེ་རུ་གཏོང་བ་བཅས་ལ་ཐབས་འདོན་ཇུས་འབུལ་བྱས་ཡོད།

   གཉིས་ནི་གྲོས་གཞི་འདོན་མཁན་གྱིས་སྲིད་གྲོས་ཀྱི་ངོ་བོའི་ངེས་གནས་དང་། རང་ངོས་ཀྱི་ལས་ཀའི་ཁྱབ་ཁོངས། ཆེད་ལས་ཀྱི་གནས་བབ་ཡག་སར་བརྟེན་ནས་བརྟག་དཔྱད་ཞིབ་འཇུག་གཏིང་ཟབ་དང་གྲོས་འགོ་འདོན་པར་མཐོང་ཆེན་བྱས་ཡོད་དེ། སྤྱི་ཡོངས་ནས་བལྟས་ན་གྲོས་གཞིའི་སྤུས་ཚད་སྔར་བས་མཐོ་རུ་ཕྱིན་ཡོད།

   གསུམ་ནི་གྲོས་གཞི་བརྒྱུད་དེ་མི་དམངས་སྲིད་གྲོས་དེ་ཆེད་དམིགས་གྲོས་མོལ་ལས་ཁུངས་ཡིན་པའི་དགེ་མཚན་གྱི་ནུས་པ་འདོན་སྤེལ་དང་། འཕེལ་རྒྱས་ཀྱི་བརྒྱུད་རིམ་ཧྲིལ་པོའི་མི་དམངས་དམངས་གཙོའི་བླང་བྱ་ལག་བསྟར་བྱེད། བློ་གྲོས་དང་ཐུན་མོང་གི་ངོས་འཛིན་གཅིག་ཏུ་སྒྲིལ་བ་དང་། ཡིད་ཆེས་དང་སྟོབས་ཤུགས་བརྒྱུད་སྤྲོད་བྱས་པས། རྒྱལ་ཁབ་ཀྱི་ཆེད་དུ་འགན་འཁྲི་སྒྲུབ་པ་དང་མི་དམངས་ཀྱི་དོན་དུ་འགན་འཁྲི་འཁུར་བའི་འགན་འཁུར་ཕོད་པའི་སྙིང་སྟོབས་མཚོན་ཡོད།

    ཤེས་གསལ་བྱུང་དོན། ཚོགས་ཆེན་མཇུག་སྒྲིལ་རྗེས། ཐེངས་འདིའི་ཚོགས་ཆེན་གྱི་གྲོས་གཞི་འདོན་མཚམས་བཞག་པའི་ཚེས་གྲངས་ཀྱི་རྗེས་སུ་འབྱོར་བའི་གྲོས་གཞི་དེ་རྒྱུན་ལྡན་གྱི་གྲོས་གཞིར་བརྩིས་ནས་དུས་ཐོག་ཏུ་ཞིབ་བཤེར་དང་ཐག་གཅོད་བྱ་རྒྱུ།