འབྲས་ལྡན་སྟོན་གྱི་དུས་བཟང་འདིར།　རྫ་ཆུའི་འགྲམ་ངོགས་ཀྱི་འཇོལ་རྫོང་སྒང་ཉག་གྲོང་ཚོ་འཇོལ་མདའ་གྲོང་མི་ཚོ་ཆུང་དུ་སེ་འབྲུར་ལོ་ལེགས་བྱུང་བའི་དུས་ཚིགས་ཤར་འདུག　ས་གནས་འདི་རུ་སེ་འབྲུ་སྐྱུར་པོ་བཙུགས་པའི་སྲོལ་ཡོད་པ་རེད།　ད་ལྟ་གྲོང་གསེབ་དར་རྒྱས་སྲིད་ཇུས་ཀྱི་སྐུལ་འདེད་འོག་སེ་འབྲུ་ཆུང་ཆུང་དེ་ས་གནས་དེ་གའི་ཁྱད་ལྡན་ཐོན་ལས་འཕེལ་རྒྱས་ཀྱི་སྒུལ་ཤུགས་སུ་གྱུར་ཡོད།

2023ལོར།　འཇོལ་མདའ་གྲོང་མི་ཚོ་ཆུང་གིས་ཏང་ཀྲི་པུའུ་དང་མཉམ་ལས་ཁང་།　ཞིང་དུད་བཅས་མཉམ་འབྲེལ་གྱི་ཐོན་ལས་འཕེལ་རྒྱས་གཏོང་སྟངས་ལ་བརྟེན་ནས་འཇོལ་མདའ་ཞིང་པའི་ཆེད་ལས་མཉམ་ལས་ཁང་བཙུགས་པ་དང་།　ཀྲི་པུའུ་ཏང་ཡོན་གྱིས་སྣེ་ཁྲིད་དེ་རིན་མེད་སྒོས་དོ་དམ་སྲུང་སྐྱོང་བྱས་པ་རེད།　ལོ་གང་མང་གི་འཕེལ་རྒྱས་བརྒྱུད།　མིག་སྔར་གྲོང་ཚོ་ཡོངས་སུ་སེ་འབྲུའི་འདེབས་འཛུགས་རྒྱ་ཁྱོན་མུའུ་100ལ་ཟིན་པ་དང་།　འདིའི་ཁྲོད་གཞི་ཁྱོན་ཅན་གྱི་འདེབས་འཛུགས་རྒྱ་ཁྱོན་མུའུ་70ཟིན་པ།　ཞིང་དུད14ཡིས་ཁ་ཐོར་ཅན་གྱི་འདེབས་འཛུགས་བྱས་ལ་རྒྱ་ཁྱོན་མུའུ་30ཟིན་པས།　གཅིག་སྡུད་ཡུག་འབྲེལ་དང་དོ་དམ་ཚད་ལྡན་གྱི་འདེབས་འཛུགས་རྣམ་པ་ཞིག་ཆགས་ཡོད་པ་རེད།

འཇོལ་མདའ་གྲོང་མི་ཚོ་ཆུང་གི་གྲོང་མི་བསྟན་འཛིན་གྱིས་ངེད་ཚང་གིས་ས་མུའུ་4ལྷག་ལ་སེ་འབྲུ་བཙུགས་ཡོད།　ན་ནིང་གྱི་ཐོབ་འབབ་རྒྱ་མ་སྟོང་བཞི་ལྷག་འདུག　ཤིང་འབྲས་སྒོར་ཁྲི་4ལྷག་ཙམ་བཙོངས་ལ།　སྐམ་པོར་གྱུར་བའི་སེ་འབྲུ་དང་ཤུན་པགས་ཀྱང་བཙོངས་ཆོག་པས་ཡོང་འབབ་སྒོར་ཁྲི་5ཙམ་བྱུང་ཡོད་ཅེས་བཤད་བྱུང་།

འཇོལ་མདའ་ཡི་སེ་འབྲུ་ནི་སྲོལ་རྒྱུན་གྱི་རིགས་རྙིང་པའི་སོན་བཟང་ལ་གཏོགས་པ་དང་།　དེར་ཤུན་པགས་དམར་པོ་དང་།　འབྲུ་གུ་དམར་པོ།མངར་སྐྱུར་བྲོ་ཞིམ་བཅས་ཀྱི་ཁྱད་ཆོས་ལྡན་པས་དེའི་དམིགས་བསལ་གྱི་བྲོ་བས་ཁྲོམ་ར་སྟེང་དགའ་བསུ་ཐོབ་ཀྱི་ཡོད།　སེ་འབྲུ་སྡོང་བོ་ནི་ལོ3ནས་4ལ་འབྲས་བུ་ཐོགས་པའི་དུས་ལ་སླེབས་པ་དང་།　ཤིང་འབྲས་སྡོང་པོ་རེར་སེ་འབྲུ50ཡས་མས་ཐོགས་པས་ཆ་སྙོམས་སྡོང་རྐང་རེའི་ཐོན་འབོར་རྒྱ་མ་20ཟིན་གྱི་ཡོད་པ་རེད།　ད་ལོར་སེ་འབྲུའི་སྐྱེ་སྟོབས་བཟང་བ་དང་།　འབྲས་བུ་སྙོམས་པ།　མངར་སྐྱུར་གྱི་བསྡུར་ཚད་རན་པས་མིག་སྔར་སེ་འབྲུ་འཐོག་པའི་དུས་སྐབས་ཡག་ཤོས་སུ་སླེབས་འདུག

སྒང་ཉག་གྲོང་ཚོའི་ལྟ་སྐུལ་ཨུ་ལྷན་གྱི་ཀྲུའུ་རེན་དྲུང་སྐྱིད་ཀྱིས་འཇོལ་མདའ་ཡི་སེ་འབྲུ་ནི་དེ་སྔོན་གྱི་སོན་བཟང་རྙིང་བ་ཡིན།　དེ་སྔོན་འདེབས་འཛུགས་གཞི་ཁྱོན་ཆེན་པོ་མེད།2013ལོར་འཇོལ་མདའ་ཞིང་པའི་ཆེད་ལས་མཉམ་ལས་ཁང་བཙུགས་ཡོད།　རྒྱལ་ཁབ་ཀྱི་རྒྱབ་སྐྱོར་དང་ཚང་མའི་ཐུན་མོང་གི་འབད་བརྩོན་འོགམིག་སྔར་འདེབས་འཛུགས་རྒྱ་ཁྱོན་མུའུ་100ལྷག་ཙམ་ཡོད་པ་དང་ཕན་འབྲས་ཀྱང་ཡག་པོ་ཡོད།　སེ་འབྲུའི་དོ་དམ་ཐད་ནས་བརྗོད་ན་ཚང་མ་ཞིང་པའི་ཁྱིམ་གྱི་ལུད་སྤྱོད་བཞིན་ཡོད།　སེ་འབྲུའི་ཐོན་ཚད་མཐོ་བ་དང་སྤུས་ཚད་ཀྱང་མཐོ་པོ་ཡོད།

ད་ལྟ།　ཕ་ལམ་དམར་པོ་དང་འདྲ་བའི་ལྗིད་ཏིག་ཏིག་གི་སེ་འབྲུ་འདི་ནི་གྲོང་མི་ཚོ་བདེ་སྐྱིད་ལྡན་པའི་འཚོ་བའི་ཕྱོགས་སུ་སྐྱོད་པའི་“བདེ་སྐྱིད་ཀྱི་འབྲས་བུ་”ཞིག་ཏུ་གྱུར་ཡོད།ལོ་ལེགས་བྱུང་བའི་སྤྲོ་སྣང་དེ་ཞིང་ས་གྲུ་བཞིའི་ག་སར་ཁྱབ་ཡོད་ལ།　དམངས་ཀྱི་གདོང་ལ་འཛུམ་གྱིས་ཁེངས་བས།　འཇོལ་མདའ་གྲོང་ཚོའི་དེ་བས་འཁྲུག་ཆ་དོད་པའི་འབྱུང་འགྱུར་ཡང་མཚོན་པར་བྱས་ཡོད།