སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་ཐང་སྟོད་གྲོང་ཚོའི་གྲོང་ཁྱེར་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་བློ་བཟང་བྱམས་པའི་ཁྱིམ་དུ་འགྲོ་དུས།　བཟོས་མ་ཐག་པའི་རྫ་ཆས་ཀྱི་ཐོག་ནས་ས་འདམ་དང་འབར་མེ་འདྲེས་པའི་དྲི་མ་སྣོམ།　སྦྲག་སྲིད་མྱུར་སྐྱེལ་བྱེད་མཁན་གྱིས་བྱང་ཆུབ་པའི་ངང་ཐབ་ཆས་དང་སྒྱུ་རྩལ་གྱི་ཅ་ལག་སོཊ་རླངས་འཁོར་ནང་འཇོག་སྟེ།　ཁུན་མིང་སོཊ་སུ་བསྐུར་རྒྱུ།

རྫ་ནག་བཟོ་བའི་ལག་རྩལ་འཁྲུག་ཆ་དོད་པོས་རྒྱུན་འཛིན་བྱེད་པ་དང་དུས་མཚུངས་སུ།　ཐང་སྟོད་གྲོང་ཚོའི་གྲོང་གསེབ་ཀྱི་ཡུལ་སྐོར་ལས་རིགས་ཀྱི་རྣམ་པ་རྒྱུན་མཐུད་ངང་རིམ་སྤར་ཐུབ།　ཁམ་བུའི་མཛེས་ལྗོངས་ཁུལ་གྱི་འགྲུལ་ཞུགས་དམངས་སྲོལ་སྡོད་ཁང་གི་སྦྱིན་བདག་ཁྲེན་ཏེ་ཡུང་གིས་བོད་ཀྱི་ཁང་པ་དེ་ཞག་སྡོད་དང་བཟའ་བཏུང་།　ཁོ་ཧྥེ་བཅས་གཞི་གཅིག་ཏུ་འདུས་པའི་ཕྱོགས་བསྡུས་བར་སྟོང་དུ་བསྒྱུར་བཀོད་བྱས་ནས།　གྱང་ངོས་ཀྱི་མཛེས་བཟོ་ནས་ཟས་གསོལ་སྤྱོད་ཆས་སྒྲིག་སྟངས་བར་ཚང་མར་རྫ་ནག་གི་གཞི་རྒྱུ་འདྲེས་ནས།　ཡུལ་སྐོར་བ་རྣམས་ལ་རྫ་མ་བཟོ་བའི་ཡིད་དབང་འཕྲོག་ཤུགས་མྱོང་ཚོར་བྱེད་དུ་བཅུག

ད་ལྟ།　ཐང་སྟོད་གྲོང་ཚོའི་འགྲུལ་ཞུཊ་དམངས་སྲོལ་སྡོད་ཁང་5ལ་རང་ཉིད་ཀྱི་ཁྱད་ཆོས་ལྡན།　ཟ་ཁང་58ལ་བོད་ཟས་རྒྱ་ཁོག་ཟ་ས་ཡོད་ལ།ཞིང་དུད་ཀྱི་ཁྱད་ལྡན་ཚལ་ཡང་ཡོད།　2025ལོར།གྲོང་ཚོ་འདིའི་གྲོང་གསེབ་ཡུལ་སྐོར་ལས་རིགས་ལ་ལོ་རེར་ཡོང་འབབ་མ་དངུལ་སྒོར་ཁྲི400ཟིན་ཏེ།　སྲོལ་རྒྱུན་གྱི་གྲོང་ཚོ་དེ་ཞིང་ལས་དང་རིག་གནས།　ཡུལ་སྐོར་མཉམ་འདྲེས་བྱས་པའི་རྣམ་པ་ཞིག་འགྱུར་ཡོད།

ཉི་ཤར་ཤང་གིས་བོད་ཁྱིམ་དམངས་སྲོལ་དང་རྫ་ནག་མངོན་མིན་རིག་གནས་ཤུལ་བཞག　མཐོ་སྒང་གི་བཟའ་བཅའ་སོགས་ཐུན་མོང་མ་ཡིན་པའི་ཐོན་ཁུངས་ལ་བརྟེན་ནས།　དུས་ཚིགས་བཞི་ལ་ཡུལ་སྐོར་བྱེད་ཆོག་པའི་རྣམ་པ་བཞེངས་སྐྲུན་བྱེད།

ཐོན་ལས་འབྲེལ་ཐག་རྒྱུན་ཆད་མེད་པར་རྒྱ་ཆེ་གཏོང་སྟེ་གྲོང་མིའི་འབབ་འཕར་གྱི་ཐབས་ལམ་རྒྱ་ཆེ་རུ་ཕྱིན།　མིག་སྔར་བར།　ཤང་ཡོངས་ཀྱིས་རྫ་ནག་ཐོན་སྐྱེད་བྱེད་པའི་བཟོ་གྲྭ་120ལྷག་ཡོད་དེ།　ལས་ཞུགས་མི་སྣ་150ལྷག་ཟིན།　རྒྱལ་ལམ་214ལམ་རྒྱུད་དང་སེམས་ཀྱི་ཉི་ཟླ་གྲོང་ཁྱེར་གྱི་གྲོང་ཁུལ་དུ་ཚོང་ཁང་བཀོད་སྒྲིག་བྱེད་པ་དང་།　ཐའོ་པའོ་དང་ཐེན་མའོ་སོགས་ཀྱི་གློག་རྡུལ་ཚོང་དོན་ལས་སྟེགས་ཐོག་ཕྱིར་འཚོང་བྱེད་པ་སོགས་ཀྱི་བྱ་ཐབས་བརྒྱུད་ནས་གྲོང་མི་འབབ་འཕར་ཡོང་བར་སྐུལ་ཁྲིད་བྱེད་དེ།　རྫ་ནག་གི་སྤྱིའི་ཐོན་སྐྱེད་རིན་ཐང་སྒོར་བྱེ་བ་1ལྷག་ལས་བརྒལ།　ས་བརྐོ་བ་དང་ལག་རྩལ་རྒྱུན་འཛིན་ནས་ཐོན་རྫས་གསར་སྤེལ་དང་གློག་རྡུལ་ཚོང་དོན་ཕྱིར་འཚོང་བར་དང་།　འཕེལ་རྒྱས་ཀྱི་གྲུབ་འབྲས་ལ་བརྟེན་ནས།　ཐང་སྟོད་གྲོང་ཚོ་ལ་ཡུན་ནན་དུ་བྱེས་སུ་སྡོད་པའི་སྤུས་ཚད་མཐོ་བའི་འཕེལ་རྒྱས་ཀྱི་ཚོད་ལྟ་ས་ཚིཊ་སུ་བདམས་པ་མ་ཟད།　ཞིང་ཆེན་ཡོངས་ཀྱི་རིག་གནས་ལ་བརྟེན་ནས་གྲོང་གསེབ་ཏུ་བྱེས་སུ་སྡོད་པའི་མིག་དཔེ་ཞིག་ཏུ་གྱུར།

དུས་རིམ་རྗེས་མར།　ཉི་ཤར་ཤང་གིས་ཏང་འཛུགས་ཀྱིས་སྣེ་ཁྲིད་བྱེད་པར་བརྟེན་ནས།　རྫ་མའི་རིག་གནས་ཐོན་ལས་ར་བ་འཛུགས་སྐྲུན་ལ་སྐུལ་འདེད་གཏོང་བ་དང་ཉི་ཤར་གྱི་རྫ་ནག་སོགས་ས་ཁམས་མཚོན་རྟགས་ཐོན་རྫས་གསོ་སྐྱོང་བྱེད་ཅིང་།ཉེ་འཁོར་གྱི་མཛེས་ལྗོངས་ཁུལ་དང་མཉམ་འབྲེལ་བྱས་ནས།　མངའ་ཁོངས་ཡོངས་ཀྱི་ཡུལ་སྐོར་ལམ་ཐིག་སྐྲུན་སྟེ།　ཞིང་ལས་དང་ཡུལ་སྐོར་མཉམ་འདྲེས་ཀྱི་ཁེ་སྤོངས་གྲོང་མི་མང་པོར་ཕན་དུ་བཅུག　་ལ།　སྡོད་འཚམ་དང་ལས་འཚམ།　མཛེས་སྡུག་ལྡན་པའི་གྲོང་གསེབ་འཛུགས་སྐྲུན་ལ་སྐུལ་སྤེལ་གཏོང་ནས་གྲོང་གསེབ་འཕེལ་རྒྱས་ལམ་དུ་བརྟན་པོའི་ངང་མདུན་དུ་སྐྱོད།

(རྒྱ་མཚོ་སྒྲོལ་མས་བསྒྱུར། )