འཇོལ་རྫོང་ཀོང་རྩེད་ར་གྲོང་རྡལ་ལ་ལུང་གྲོང་ཚོ་ཧ་ཚང་གྲོང་མི་ཚོ་ཆུང་གི་གནས་སྤོ་དུད་ཚང་བསོད་ནམས་སྒྲོལ་མས་པང་ཁེབས་བཅིང་ནས་ཙུའེ་ཧྲེང་མེང་ཆང་གཞིས་ཀྱི་ཐབ་ཚང་དུ་འཛུལ་རྗེས།　ཇ་བསྲུབས་མའི་དྲི་ཞིམ་མྱུར་དུ་སྒོ་རའི་ནང་དུ་ཁྱབ་ཡོད།　བཀོལ་སྤྱོད་སྟེགས་བུའི་ཐོག་གི་ཆུ་དྲེག་ཕྱིས་སྐབས་མོ་ཡིས“ཁང་པ་རྙིང་པ་སྟོང་པ་བཞག་ཀྱང་ཆུད་ཟོས་ཤིག་རེད།　ད་ལྟ་ལོ་རེར་བོགས་དངུལ་སྒོར་ཁྲི་2བསྡུ་ཐུབ།　ང་ལ་ད་དུང་ཟླ་རེར་གླ་ཕོགས་སྒོར་5000ལྷག་ཡོད་པས་འཚོ་བ་བརྟན་པོ་དང་དར་རྒྱས་ཆེན་པོ་ཡོད”ཅེས་བཤད།

བསོད་ནམས་སྒྲོལ་མ་ལ“བོགས་དངུལ་+གླ་ཕོགས”གཉིས་ཀྱི་ཡོང་འབབ་ལྡན་པའི་ཆང་གཞིས་དེ་གློ་བུར་བྱུང་བ་ཞིག་མིན།　ལ་ལུང་གྲོང་ཚོས་ཉེ་བའི་ལོ་ཤས་རིང་ཐོག་མཐའ་བར་གསུམ་དུ་ཏང་འཛུགས་སྐྱོང་གིས་སྣེ་ཁྲིད་བྱས་ནས་གྲོང་གསེབ་དར་རྒྱས་གཏོང་བའི་ཐབས་ལམ་གསར་པ་འཚོལ་ཞིབ་བྱས་ཡོད།　2018ལོར་གྲོང་ཚོས་ཏང་སྤྱི་ཁྱབ་ཡན་ལག་གི་སྣེ་ཁྲིད་འོག་ལ་ལུང་ཧྲུའུ་ཨན་ཞིང་པའི་ཆེད་ལས་མཉམ་ལས་ཁང་དངོས་སུ་གྲུབ་པ་དང་ད་ཆ་གྲོང་ཚོ་ཡོངས་ཀྱི་ཡུལ་མི་དུད་ཚང་144ལ་ཁྱབ་ཡོད།　ཙུའེ་ཧྲེང་མེང་ཆང་གཞིས་ནི་མཉམ་ལས་ཁང་གིས་སྣེ་ཁྲིད་ནས་བསྐྲུན་པའི་ཞིང་ལས་དང་ཡུལ་སྐོར་མཉམ་འདྲེས་ཀྱི་རྣམ་གྲངས་གྲས་ཤིག་ཡིན་སྟེ།　ཡུལ་མིའི་སྟོང་པ་བཞག་པའི་ཁང་པ་རྙིང་པ་གཅིག་གྱུར་སྒྱུར་བཀོད་བྱས་ནས་བོད་རིགས་འཛུགས་སྐྲུན་གྱི་ཁྱད་ཆོས་སོར་འཇོག་བྱས་པ་མ་ཟད།　དེར་རྒུན་ཆང་གི་གཞིས་ཀ་དང་དམངས་སྲོལ་གནས་ཚང་གི་བྱེད་ནུས་གསར་པ་ཡང་སྤྲད་ཡོད།

ཆང་གཞིས་བརྟན་པོའི་ངང་འཕེལ་རྒྱས་གཏོང་ཆེད་གྲོང་ཚོས་ས་ཞིང་གི་བརྒྱུད་བཤུག་མཐུན་སྦྱོར་དང་རྨང་གཞིའི་སྒྲིག་བཀོད་འཐུས་ཚང་དུ་བཏང་བ་མ་ཟད།　ད་དུང་མཉམ་ལས་ཁང་བརྒྱུད་ནས་ཡུལ་མི་ལ་རྩལ་ནུས་གསོ་སྦྱོང་བྱས།2023ལོ་ནས་མིག་སྔའི་བར།　བསོད་ནམས་སྒྲོལ་མས་ཆང་གཞིས་སུ་ཟ་མ་བཟོ་བ་དང་།　འཕྲོད་བསྟེན་གཙང་སྦྲ་བྱེད་པ་ནས་ཡུལ་སྐོར་བ་སྣེ་ལེན་བྱེད་པའི་བར་དུ་སྤྱི་སྐད་རྒྱུས་མངའ་ལྡན།　ད་ལོར།　གྲོང་ཚོ་གཅིག་པའི་བུ་མོ་ཆོས་འཛོམས་ཞུཊ་པས་ཡུལ་སྐོར་བ་མང་དུས་ཀྱི་ལས་ཕྱོད་ལྡབ་འཕར་བྱུང་བ་དང་།　སྐབས་འགར་ཁོམ་པ་ཡོད་ཚེ་ཁོང་ཚོ་ཉེ་འགྲམ་གྱི་རྒུན་འབྲུམ་ཞིང་དུ་རོགས་རམ་བྱེད་པར་འགྲོ་ཡོད།

བསོད་ནམས་སྒྲོལ་མའི་བདེ་སྐྱིད་ཀྱི་འཚོ་བ་ནི་ལ་ལུང་གྲོང་ཚོས་ཏང་འཛུགས་སྐྱོང་གིས་ཐོན་ལས་འཕེལ་རྒྱས་ལ་སྣེ་ཁྲིད་བྱེད་པའི་འཕེལ་རྒྱས་དཔེ་དབྱིབས་ཀྱི་གསོན་ཉམས་ལྡན་པའི་བསྡུས་རིས་ཤིག་ཡིན།　མཉམ་ལས་ཁང་གིས་གཅིག་གྱུར་འཆར་འགོད་འོག་གྲོང་ཚོས་ཞིང་དུད་+ཁེ་ལས་ཞེས་པའི་དཔེ་དབྱིབས་སྤྱོད་དེ་ཆང་གཞིས་གསུམ་དང་ཡུན་རིང་གི་མཉམ་ལས་ལམ་སྲོལ་བཙུགས་ཏེ།　རྒུན་འབྲུམ་འདེབས་འཛུགས་དང་དོ་དམ་ནས་རྒུན་འབྲུམ་བཏོག་བ་དང་ཆང་སྙོལ་བ་བར་འཐུས་སྒོ་ཚང་བའི་ཐོན་ལས་འབྲེལ་ཐག་ཆགས་སུ་བཅུག་སྟེ་མུ་འབྲེལ་གྱི་ཁྲི་ཞ་ཀྲུའུ་རྒུན་འབྲུམ་དགུན་ཁར་ཤེད་ལེན་སྤུ་སྐྱེས་བྱེད་པ་དང་ཆབས་ཅིག་ཡུལ་མིར་ཁེ་བཟང་བརྟན་པོ་ཡང་གསོ་སྐྱོང་བྱས།　མུའུ་རེའི་ཆ་སྙོམས་ཡོང་འབབ་སྒོར་ཁྲི་1ཡན་བྱུང་།　ལྕོག་སྐྱ་གྲོང་མི་ཚོ་ཆུང་གི་རྒུན་འབྲུམ་གཞིས་ཀར་དགུན་དུས་བཏོག་པའི་དབྱང་ཀོང་མེ་ཀུའེ་རྒུན་འབྲུམ་མཉམ་ལས་ཁང་གིས་གཅིག་གྱུར་ངང་ཕྱིར་ཚོང་བྱས་ནས་མུའུ་རེར་ཆ་སྙོམས་ཡོང་འབབ་སྒོར་ཁྲི་4ཙམ་ཟིན།

མཉམ་ལས་ཁང་གིས་ཞིང་དུད་ཀྱི་ཞིང་ལས་ཐོན་རྫས་ཉོ་སྒྲུབ་བྱས་ནས་སྤྱིའི་བཙོང་འབོར་སྒོར་ཁྲི་15ལས་བརྒལ་ནས་ཡུལ་མི་དུད་ཚང་40ལྷག་གི་ཡོང་འབབ་འཕར་རྒྱུར་སྐུལ་ཁྲིད་བྱས།　སྲོལ་རྒྱུན་གྱི་འདེབས་ལས་དང་གསོ་སྤེལ་ལས་རིགས་སོར་འཇོག་བྱེད་པའི་རྨང་གཞིའི་ཐོག་རྒུན་འབྲུམ་དང་སྦྲང་རྩི་སོགས་ཀྱི་ཁྱད་ལྡན་ཐོན་ལས་ཡུལ་མིའི་ཡོང་འབབ་འཕར་བའི་གསེར་གྱི་ལྡེ་མིག་ཏུ་གྱུར།　མིག་སྔར།　མཉམ་ལས་ཁང་གིས་དབྱང་ཀོང་མེ་ཀུའེ་རྒུན་འབྲུམ་ལ་སྐྱེ་ལྡན་ཁས་ལེན་དཔང་འདོན་ཞུ་བཞིན་ཡོད་དེ་མཐོ་སྒང་གི་རྣམ་ཤེས་ལྡན་པའི་ཁྱད་ལྡན་ཞིང་ལས་ཐོན་རྫས་དེ་དག་ཡུལ་སྐོར་བ་ཁ་བྲལ་སྐབས་ངེས་པར་དུ་འཁྱེར་དགོས་པའི་ལག་རྟགས་ཤིག་ཏུ་གྱུར་བཅུག　ཀྲེ་ཅང་ཉིང་པོའོ་ནས་ཡོང་བའི་ཡུལ་སྐོར་བ་ཁྲེན་ལིང་ལི་ཡིས་ཆང་གཞིས་ཀྱི་ཆང་བྲོ་ཁང་དུ་ས་གནས་འདི་གའི་རྒུན་འབྲུམ་གྱིས་བསྙལ་བའི་རྒུན་ཆང་གི་བྲོ་ར་ལྟ་ཞོར་དུ་བོད་ལུགས་དམངས་སྲོལ་གནས་ཚང་ནང་སྡོད།　ཁྱད་ལྡན་གྱི་ཞིང་ལས་ཐོན་རྫས་བྲོ།　འདི་ལྟ་བུའི་ཡུལ་སྐོར་གཞི་ནས་བྲོ་བ་ཡོད་ཞེས་བསྟོད་བསྔགས་བྱས།

ཉི་མ་ནུབ་ཁར་བསོད་ནམས་སྒྲོལ་མས་མཇུག་མཐའི་མགྲོན་ཁང་ཞིག་གཙང་སྦྲ་བྱས་ཚར་སོང་།　ལག་ཁྱེར་ཁ་པར་ནས་དེ་རིང་སླར་ཡང་སྐུ་མགྲོན་སྐོར་འགའ་སྔོན་མངག་ཡོད་པས་མྱུར་དུ་ཟས་རྒྱུ་གྲ་སྒྲིག་བྱེད་དགོས་ཞེས་པའི་དྲན་སྐུལ་གྱི་སྒྲ་གསར་བ་གྲགས་བྱུང་།　མོ་མགྱོགས་མྱུར་ངང་ཐབ་ཚང་དུ་འགྲོ།　རྒྱབ་ཏུ་གློག་སྒྲོན་འོད་འཚེར་བའི་ཆང་གཞིས་ཡོད།ཐག་རིང་གི་མཉམ་ལས་ཁང་གི་སྐྱེལ་འདྲེན་རླངས་འཁོར་ལ་ཞིང་ལས་ཐོན་རྫས་བྱུར་བུར་གང་བླུགས་ནས་རྫོང་གྲོང་དུ་བསྐྱོད་བཞིན་ཡོད།

ལ་ལུང་གྲོང་ཚོའི་ཏང་སྤྱི་ཁྱབ་ཡན་ལག་ཧྲུའུ་ཅི་སྐལ་བཟང་སྒྲོལ་མས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་ཐོག་ཞིང་ལས་དང་གྲོང་གསེབ་དེང་རབས་ཅན་མྱུར་དུ་གཏོང་བ་དང་ཏན་ཏིག་ངང་གྲོང་གསེབ་ཕྱོགས་ཡོངས་ནས་དར་རྒྱས་ལ་སྐུལ་འདེད་གཏོང་བའི་ཐད་བཀོད་སྒྲིག་བྱས་ཡོད་པས།　ལ་ལུང་གྲོང་ཚོའི་འཕེལ་རྒྱས་ལ་ཁ་ཕྱོགས་གསལ་པོ་སྟོན་ཡོད་པ་དང་སྒུལ་ཤུགས་སྟོབས་ལྡན་སྣོན་ཡོད།　ལ་ལུང་གྲོང་ཚོས་བློ་བརྟན་འགྱུར་མེད་ངང་ཚང་འཛོམས་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་བྱ་རྒྱུ་ཡིན་པ་དང་།　སྤུས་ཚད་མཐོ་བའི་ཏང་འཛུགས་སྐྱོང་གིས་གྲོང་གསེབ་ཐོན་ལས་འཕེལ་རྒྱས་སྣེ་ཁྲིད་རྒྱུན་འཁྱོངས་བྱ་རྒྱུ།　ཏང་འཛུགས་སྐྱོང་གིས་ཐོན་ལས་འཕེལ་རྒྱས་ལ་སྣེ་ཁྲིད་བྱེད་པའི་དཔེ་དབྱིབས་རྒྱུན་མཐུད་ངང་གཏིང་ཟབ་ཏུ་བཏང་ནས་གྲོང་མི་དེ་བས་མང་པོ་ལ་སྒོ་ཁ་ནས་ལས་ཞུགས་པ་དང་རྒྱུན་མཐུད་ངང་འབབ་འཕར་ཡོང་བར་སྐུལ་ཁྲིད་བྱས་ནས་མཐོ་སྒང་གི་ཁྱད་ཆོས་ལྡན་པའི་གྲོང་གསེབ་དར་རྒྱས་ཀྱི་ལམ་བུ་ཞིག་བཏོད་རྒྱུ་ཞེས་བསྟན།