ཉེ་ཆར། གསར་འགོད་པས་འབའ་ལུང་རྫོང་ལུའོ་ཀུང་གངས་རི་ཞིང་ནགས་ཚན་རྩལ་ཚད་ཡོད་ཀུང་སི་རུ་རྒྱུས་ལོན་བྱུང་གསལ། ཀུང་སི་འདིས་མིས་བཟོས་གསོ་སྐྱོང་བྱེད་པའི་ཤ་མོ་རིགས་ཅན་ཧྲོའུ་ཆིང་ཚོད་འདེབས་ལེགས་འགྲུབ་བྱུང་སྟེ། རིམ་པ་རྗེས་མར་འབའ་ལུང་རྫོང་གི་མིས་བཟོས་བཟའ་བཅའ་ཤ་མོའི་ཐོན་ལས་འཕེལ་རྒྱས་གཏོང་བར་འགུལ་ཤུགས་གསར་པ་སྣོན། འབའ་ལུང་རྫོང་ལན་ཡུང་གྲོང་ཚོའི་ཚོད་འདེབས་རྟེན་གཞི་རུ། མིས་བཟོས་གསོ་སྐྱོང་བྱེད་པའི་ཤ་མོ་ཅན་ཧྲོའུ་ཆིང་མི་རྣམས་ཀྱིས་དགའ་བསུ་ཐོབ། ཤ་མོ་ཅན་ཧྲོའུ་ཆིང་དེ་ལག་ཐུག་རྗེས་དབྱང་འགྱུར་བྱས་ནས་མདོག་འགྱུར་པས་མིང་ཐོབ། འདི་ནི་ཡུན་ནན་གྱི་ཁྱད་ལྡན་ཟས་མཆོག་ཞིག་ཡིན། རི་སྐྱེས་ཐོན་ཁུངས་ཉུང་བ་དང་རིན་གོང་མཐོ་བ། དུས་ཚིགས་བཀག་ལུས་ཐེབས། ཐེངས་འདིར་ཚོད་འདེབས་ལེགས་འགྲུབ་བྱུང་རྗེས་ལོ་ཡོངས་སུ་བརྟན་པོའི་ངང་མཁོ་འདོན་བྱས་པར་མངོན་འགྱུར་བྱུང་།