ཟླ་བ་གཉིས་པའི་མཐོ་སྒང་དུ་གྲང་ངར་ཡལ་མེད། འབའ་ལུང་རྫོང་ཡུང་ཁྲོན་ཤང་དུ་གནས་པའི་འབའ་ལུང་ས་གནས་ཀྱི་ཀྲུང་ལུགས་སྨན་རྩྭ་གསར་སྤེལ་ཚད་ཡོད་འགན་འཁྲི་ཀུང་སིའི་ནང་དུ་ཐོན་སྐྱེད་ལས་རིམ་མགྱོགས་མྱུར་འཁོར་སྐྱོད་བྱེད་བཞིན་ཡོད། མཐོ་སྒང་གི་ཁྱད་ལྡན་དང་ཚན་རྩལ་ལ་བརྟེན་ནས་ནུས་པ་སྦྱིན་པའི་སྒུལ་ཤུགས་གཉིས་ཀྱིས་མུ་མཐུད་དུ་ནུས་ཤུགས་བཏོན་ཏེ།  ས་གནས་དེ་གའི་སྤུས་ལེགས་ཀྲུང་ལུགས་སྨན་རྩྭའི་ཐོན་ཁུངས་ཞིང་པའི་འབབ་འཕར་དང་བདེ་ཐང་གི་དགོས་མཁོ་ལ་རོགས་འདེགས་བྱེད་པའི་ཟུར་སྣོན་རིན་ཐང་ཆེ་བའི་ཐོན་རྫས་སུ་འགྱུར། 

འབའ་ལུང་ས་གནས་ཀྱི་ཀྲུང་ལུགས་སྨན་རྩྭ་གསར་སྤེལ་ཚད་ཡོད་འགན་འཁྲི་ཀུང་སིའི་དེང་རབས་ཅན་གྱི་འཁོར་ཁང་དུ་འཛུལ་སྐབས།  འཕྲུལ་འཁོར་གྱི་སྒྲ་གྲགས་པ་དང་རིག་ནུས་ཅན་གྱི་ཐོན་སྐྱེད་བྱེད་རིམ་མང་པོར་མགྱོགས་མྱུར་ངང་འཁོར་སྐྱོད་བྱེད་བཞིན་ཡོད། གདམ་གསེས་ནན་མོ་དང་རིམ་པ་དབྱེ་བའི་སྤུས་ལེགས་ཀྱི་ལྕ་བ་རྒྱུ་ཆ་དེ་དག་འདི་རུ་ཆང་བཅུད་དང་མཉམ་དུ་བསྲེས་ནས་དྲོད་ཚད་མཐོ་པོའི་འདོན་ལེན་བཟོ་རྩལ་བརྒྱུད།  ལྕ་བའི་སྣུམ་དང་ལྕ་བ་ཆང་བཅུད་ཀྱི་སྣུམ་སོགས་རིན་ཐང་མཐོ་བའི་ཐོན་རྫས་ཐོན་པ་རེད།   

འབའ་ལུང་རྫོང་ལ་སྔར་ནས་ཡུན་ནན་གྱི་ཀྲུང་ལུགས་སྨན་རྩྭའི་ཕ་ས་ཞེས་པའི་མཚན་སྙན་ལྡན། ལྕ་བ་དང་རུ་ཏ་སོགས་ཀྱི་སྨན་རྫས་ཐོན་ཁུངས་ཕུན་སུམ་ཚོགས་པོ་ཡོད་མོད། འོན་ཀྱང་དེ་སྔོན་ཐོན་ལས་དེ་རྒྱུ་ཆ་བཙོང་བའི་ཐོག་མའི་དུས་མཚམས་སུ་ལུས་ནས།  ཟུར་སྣོན་རིན་ཐང་ཆུང་བ་དང་ཐོན་ཁུངས་ཀྱི་ལེགས་ཆ་དེ་དཔལ་འབྱོར་གྱི་ལེགས་ཆར་ནུས་ལྡན་ངང་བསྒྱུར་ཐུབ་མེད།  

ད་ལྟ། འདོན་ལེན་དང་མཁོ་འཇོག་སྙིགས་འདོན། སྨན་སྦྱོར། ཐུམ་སྒྲིལ་བཅས་གཞི་གཅིག་ཏུ་འདུས་པའི་ཚད་ལྡན་ཅན་གྱི་འཁོར་ཁང་དེ་ཐོན་ལས་སྦྲེལ་ཐག་ནས་རིན་ཐང་སྦྲེལ་ཐག་གི་མཐོ་སྣེར་སྐུལ་འདེད་གཏོང་བའི་འགག་རྩའི་སྒུལ་བྱེད་འཕྲུལ་འཁོར་ལྟ་བུར་གྱུར། ༢༠༢༥ལོར།  ཀུང་སིར་ཐོན་རྫས་རིན་ཐང་སྒོར་ས་ཡ་ལྔ་འབུམ་བརྒྱད་ལྷག་བྱུང་། ཀྲུང་ལུགས་སྨན་རྩྭ་འདེབས་འཛུགས་དང་བསྡུ་རུབ་སོགས་ཀྱི་རིམ་པ་བརྒྱུད།  ས་གནས་དེ་གའི་ལས་ཞུགས་ལས་གནས་ལྔ་བརྒྱ་ལྷག་ལ་སྣེ་ཁྲིད་བྱས་པ་དང་གླ་པའི་གླ་ཆ་སྒོར་འབུམ་ལྔ་ལྷག་སྤྲད།

ཐོན་རྫས་ཀྱི་མ་ལག་ཀྱང་དེ་བས་ཕུན་སུམ་ཚོགས་སུ་ཕྱིན།  ཡུན་ནན་མི་རིགས་སློབ་ཆེན་དང་ཁྲུང་ཆིན་ཀྲུང་ལུགས་སྨན་རྫས་ཞིབ་འཇུག་ཁང་སོགས་སྒྲིག་གཞིའི་ཐོན་སློབ་ཞིབ་གསུམ་མཉམ་ལས་ལ་བརྟེན་ནས།  ཀུང་སིས་བདེ་ཐང་ཆེན་པོའི་འཛད་སྤྱོད་ཀྱི་འཕེལ་ཕྱོགས་ལ་དམིགས་ཏེ།  ལས་སྣོན་ཞིབ་ཚགས་དང་ཞིབ་འཇུག་གསར་སྤེལ་གཏིང་ཟབ་བྱས། མིག་སྔར།  ཀུང་སིར་འཛད་སྤྱོད་པའི་མིང་ཐོ་དང་སྤྱིར་བཏང་གི་བཟའ་བཅའ། ལུས་ཁམས་བདེ་སྲུང་བཟའ་བཅའ་སོགས་ཐོན་སྐྱེད་ཀྱི་འོས་བབ་མང་པོ་ཐོབ་པ་དང་ཚད་གཞི་གཏན་འབེབས་ཀྱི་ཐོན་སྐྱེད་ནན་པོ་བྱས་ཏེ།  ཐོན་རྫས་ནུས་ལྡན་བཟའ་བཅའ་དང་སྒེར་གྱིས་བདག་སྐྱོང་།  མི་རིགས་ཀྱི་སྨན་ཁྲུས་སོགས་ཁྱབ་ཁོངས་མང་པོ་རུ་ཁྱབ་ཡོད།  

ཚན་རྩལ་ལ་བརྟེན་ནས་ཐོན་ལས་སྦྲེལ་ཐག་རིང་དུ་བཏང་བ་བརྒྱུད།  འབའ་ལུང་གི་ཀྲུང་ལུགས་སྨན་རྩྭའི་ཐོན་ལས་དེ་རྒྱུ་ཆ་བཙོང་བ་ནས་ལས་སྣོན་ཞིབ་ཚགས་བྱེད་པའི་བར་འཕེལ་རྒྱས་འགྲོ་བཞིན་པས།  མཐོ་སྒང་གི་སྨན་དྲིས་མང་ཚོགས་འབབ་འཕར་ལ་སྣེ་ཁྲིད་བྱེད་པ་དང་གྲོང་གསེབ་དར་རྒྱས་ལ་འདེགས་སྐྱོར་བྱེད་པའི་ཕྱུག་འགྱུར་གྱི་ལམ་བུ་ཞིག་ཏུ་གྱུར།