ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ་མ་ཟད་གསུང་བཤད་གནང་།

ཚོགས་འདུའི་ཐོག་འཐུས་མི་ཚོགས་པ་ཁག་དང་ཟུར་ཞུགས་མི་སྣས་ཁུལ་ཨུའི་སྙན་ཞུ་དང་ཁུལ་སྒྲིག་ཁྲིམས་ཞིབ་བཤེར་ཨུ་ལྷན་གྱི་ལས་དོན་སྙན་ཞུར་ཉན་ནས་གྲོས་བསྡུར་བྱས།

ཚོགས་འདུའི་ཐོག་སྐབས་བཅུ་པའི་ཁུལ་ཨུའི་ཨུ་ཡོན་དང་རྗེས་སྣོན་ཨུ་ཡོན། ཁུལ་སྒྲིག་ཨུའི་ཨུ་ཡོན་གདམ་བྱའི་འོས་མི་དང་གྲ་སྒྲིག་འོས་མིའི་མིང་ཐོ་སྐོར་གསལ་བཤད་བྱས་ནས། བདེ་ཆེན་ཁུལ་གྱི་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པ་ནང་ཞུགས་པའི་འཐུས་མིའི་འོས་མི་དང་གྲ་སྒྲིག་འོས་མིའི་མིང་ཐོའི་སྐོར་གསལ་བཤད་གནང་།

ཚོགས་འདུའི་ཐོག་སྐབས་བཅུ་པའི་ཁུལ་ཨུའི་ཨུ་ཡོན་དང་རྗེས་སྣོན་ཨུ་ཡོན། ཁུལ་སྒྲིག་ཨུའི་ཨུ་ཡོན་བཅས་ཀྱི་གདམ་བྱའི་འོས་མིའི་གྲོས་འགོ་མིང་ཐོར་གྲོས་ཞིབ་བྱས་ནས། འཐུས་མི་ཚོགས་པ་ཁག་གི་འབུལ་བར་མོས་མཐུན་བྱས། བདེ་ཆེན་ཁུལ་གྱི་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པ་ནང་ཞུགས་པའི་འཐུས་མི་འོས་མིའི་གྲོས་འགོའི་མིང་ཐོར་གྲོས་ཞིབ་བྱས་ཏེ། འཐུས་མི་ཚོགས་པ་ཁག་ལ་ནང་མོལ་བྱ་རྒྱུར་འབུལ་རྒྱུའི་མོས་མཐུན་བྱས།

ཚོགས་འདུའི་ཐོག་ཚོགས་ཆེན་གྱི་འདེམས་བསྐོ་བྱེད་ཐབས（མ་ཟིན་）ལ་གྲོས་ཞིབ་བྱས་ནས་འཐུས་མི་ཚོགས་པ་ཁག་ལ་ནང་མོལ་བྱ་རྒྱུར་འབུལ་རྒྱུའི་མོས་མཐུན་བྱས།

ཚོགས་འདུའི་ཐོག་འཐུས་མི་ཚོགས་པ་ཁག་གིས་འདེམས་ཤོག་ལྟ་ཞིབ་པ་འོས་སྦྱོར་བྱེད་པའི་དོན་ཚན་བཀོད་སྒྲིག་བྱས་པ་རེད།

ལུའོ་ཁྲའོ་ཧྥེང་གིས་ནན་བཤད་གནད་དོན། བསམ་བློའི་ངོས་འཛིན་སྔར་ལས་གཅིག་གྱུར་དང་ཁུལ་ཡོངས་ཀྱི་ལས་ཀའི་ཁྱོན་ཡོངས་ལ་གནས་པ། སྐབས་བརྗེ་འདེམས་བསྐོའི་ལས་དོན་གྱི་དོན་སྙིང་གལ་ཆེན་ལ་ངོས་འཛིན་གང་ལེགས་བྱས་ཏེ། སྲ་ཞིང་བརྟན་པའི་ཏང་གཤིས་དང་གཟབ་ནན་ནན་ཏན་གྱི་རྣམ་འགྱུར། ཚད་མཐོའི་འགན་འཁུར་བའི་སྙིང་སྟོབས་བཅས་ལ་བརྟེན་ནས་ཚད་གཞི་མཐོ་བ་དང་སྤུས་ཚད་མཐོ་བའི་སྒོ་ནས་སྐབས་བརྗེ་འདེམས་བསྐོའི་ལས་འགན་ལེགས་སྒྲུབ་ཡག་པོ་བྱེད་དགོས། ཏང་གི་སྒྲིག་ཡིག་དང་ཏང་གི་སྒྲིག་སྲོལ་འདེམས་བསྐོའི་ལས་ཀའི་གོ་རིམ་ལ་བརྩི་སྲུང་ནན་པོ་ཞུས་ནས། སྐབས་བརྗེ་སྒྲིག་ཁྲིམས་དང་སྒྲིག་ལམ་ནན་པོ། ཞབས་ཞུ་འགན་ལེན་ལས་དོན་ཏན་ཏིག་ཞིབ་ཚགས་ངང་ཡག་པོ་སྒྲུབ་པ། སྤྱོད་གཙང་སྤྱོད་བཟང་གི་འདེམས་བསྐོའི་རྣམ་པ་ཤུགས་ཆེན་བསྐྲུན་པ། བློ་སེམས་གཅིག་མཐུན་དང་ཁ་ཕྱོགས་གཅིག་པའི་མཉམ་ཤུགས་སྟོབས་ཆེན་གཅིག་ཏུ་སྒྲིལ་ནས་ཚོགས་ཆེན་གྱི་འདེམས་བསྐོའི་ལས་འགན་ཕུན་སུམ་ཚོགས་ངང་སྒྲུབ་ཐུབ་པར་འགན་ལེན་བྱེད་དགོས།