ཟླ་9པའི་ཚེས་20ཉིན་གྱི་ཕྱི་དྲོར། བློ་མཐུན་ལུའོ་ཁྲའོ་ཧྥེང་གིས་ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅུ་པའི་འཐུས་མི་ཚོགས་པ་ཁག་གི་སྐོང་ཚོགས་བྱེད་མཁན་གྱི་ཚོགས་འདུ་ཐེངས་དང་པོ་གཙོ་སྐྱོང་གནང་ནས་འཚོགས་པ།

ཚོགས་འདུའི་ཐོག་ད་ཐེངས་ཀྱི་ཏང་གི་འཐུས་མི་ཚོགས་ཆེན་གྱི་གྲ་སྒྲིག་ལས་དོན་གནས་ཚུལ་བརྡ་ཁྱབ་བཏང་བ་དང་། འཐུས་མི་ཚོགས་པ་ཁག་གི་གྲུབ་ཆའི་ཇུས་གཞི་ཁྱབ་བསྒྲགས་བྱས། འཐུས་མི་ཚོགས་པ་ཁག་གིས་ཚོགས་གཙོ་དང་ཚོགས་གཙོ་གཞོན་པ་འོས་སྦྱོར་བྱེད་རྒྱུར་བཀོད་སྒྲིག་བྱས།འཐུས་མིའི་ཐོབ་ཐང་ཞིབ་བཤེར་ཨུ་ལྷན་གྱི་ཁོངས་མི་དང་ཚོགས་ཆེན་གྱི་ཀྲུའུ་ཞི་ཚོགས་པ་དང་ཚོགས་ཆེན་གྱི་དྲུང་ཆེའི་གྲོས་འགོའི་མིང་ཐོ་དང་《ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅུ་པའི་གྲོས་རིམ་(འཆར་ཟིན)》ལ་གསན།

ཚོགས་འདུའི་ཐོག་བསྟན་དོན། ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་གྱི་འཐུས་མི་ཚོགས་ཆེན་ཐེངས་བཅུ་པ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་105འཁོར་བ་དང་“ལོ་ལྔ་ཚན་བཅོ་ལྔ་པའི”རྒྱང་སྐྱོད་ལམ་བུ་གསར་པར་སྐྱོད་པའི་འགག་རྩའི་དུས་སུ་འཚོགས་པའི་ཧ་ཅང་གལ་འགངས་ཆེ་བའི་ཚོགས་འདུ་ཞིག་རེད། ཚོགས་ཆེན་གྱིས་སྐབས་དགུ་བའི་ཁུལ་ཨུའི་འདས་ཟིན་པའི་ལོ་ལྔ་རིང་གི་འབད་འཐབ་ཀྱི་ལོ་རྒྱུས་ཀྱི་ལམ་བུ་ལ་བརྒྱུད་རིམ་ལྡན་པའི་སྒོ་ནས་ཕྱོགས་བསྡོམས་དང་ཕྱིར་དྲན་བྱེད་པ་དང་། མ་འོངས་པའི་ལོ་ལྔའི་འཕེལ་རྒྱས་འཆར་གཞི་ཚན་རིག་དང་མཐུན་པའི་སྒོ་ནས་ཇུས་འགོད་བྱེད་པ། སྐབས་གསར་པའི་ཁུལ་ཨུ་དང་ཁུལ་སྒྲིག་ཁྲིམས་ཞིབ་བཤེར་ཨུ་ལྷན་བདམས་ཐོན་བྱེད་པ། རང་ཁུལ་ཞིང་ཆེན་གྱི་ཏང་གི་འཐུས་མིའི་ཚོགས་ཆེན་ཐེངས་བཅུ་གཉིས་པར་ཞུགས་པའི་འཐུས་མི་འདེམས་བསྐོ་བྱེད་པ་བཅས་བྱེད་རྒྱུ་ཡིན་པས། ཁུལ་ཡོངས་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་ཀྱི་ཆབ་སྲིད་འཚོ་བའི་ཁྲོད་ཀྱི་དོན་ཆེན་ཞིག་ཡིན་པ་དང་།ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་གྱི་ལེའུ་གསར་བ་རྩོམ་པར་དོན་སྙིང་གལ་ཆེན་ལྡན།འཐུས་མི་ཚོགས་པ་ཁག་གི་སྐོང་ཚོགས་བྱེད་མཁན་གྱིས་འཐུས་མི་སྒྲིག་འཛུགས་དང་། བསམ་བློ་གཅིག་གྱུར། སྒྲིག་ཁྲིམས་ནན་གཏོང་། ཚོགས་འདུའི་གྲོས་རིམ་ཁག་བདེ་བླག་ངང་སྤེལ་རྒྱུར་འགན་ལེན་བཅས་བྱེད་པའི་འགན་འཁྲི་གལ་ཆེན་ཕྲག་ཐོག་ཏུ་འཁུར་ཡོད་པས་ཆབ་སྲིད་ཀྱི་འགན་འཁྲི་བརྟན་པོ་འཁུར་བ་དང་འཐུས་མི་ཡོངས་ལ་མཐུན་སྒྲིལ་སྣེ་ཁྲིད་བྱས་ཏེ་ད་ཐེངས་ཀྱི་ཚོགས་ཆེན་དེ་དར་ཆ་མཐོན་པོར་སྒྲེང་བ་དང་། མཐུན་སྒྲིལ་དམངས་གཙོ།དོན་དངོས་དམ་འཛིན། མི་སེམས་ལ་སྐུལ་བ་བཅས་ཀྱི་ཚོགས་ཆེན་ཞིག་ཏུ་ཐུན་མོང་ཐོག་འགྱུར་བ་བྱེད་དགོས།

ཚོགས་འདུའི་ཐོག་བླང་བྱ་བཏོན་དོན། དར་ཆ་གསལ་སྟོན་གྱིས་ཆབ་སྲིད་ལ་སྣང་ཆེན་བྱ་རྒྱུ་དེ་ཚོགས་འདུའི་བརྒྱུད་རིམ་ཧྲིལ་པོར་ཁྱབ་པ་བྱས་ཏེ་འཐུས་མིའི་བསམ་བློ་དེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུ། ཁུལ་ཨུའི་ལས་ཀའི་བླང་བྱའི་ཐོག་གཅིག་གྱུར་དང་།ཁུལ་ཨུས་དུས་བབ་ལ་བརྡར་ཤ་གཅོད་པའི་ཐོག་གཅིག་གྱུར།མ་འོངས་པའི་ལོ་ལྔའི་འཆར་འགོད་ཐོག་གཅིག་གྱུར་བཅས་བྱེད་དགོས།གྲོས་བསྡུར་དང་གྲོས་ཞིབ་སྒྲིག་འཛུགས་ནན་ཏན་བྱས་ཏེ་ཞིབ་བཤེར་དང་འདེམས་བསྐོའི་ལས་འགན་ཁག་ལེགས་སྒྲུབ་ཐུབ་པར་འགན་ལེན་བྱེད་དགོས།གོ་རིམ་གྱི་གཏན་འབེབས་ནན་པོ་སྲུང་ནས་འཐུས་མི་ཡོངས་ཀྱིས་རྩ་འཛུགས་ཀྱི་རྩ་དོན་དང་ཁྲིམས་གཏན་འཁེལ་བའི་གོ་རིམ་གཞིར་བཟུང་འདེམས་བསྐོའི་དབང་ཆ་ཡང་དག་སྤྱོད་རྒྱུར་ཁྲིད་སྟོན་བྱེད་དགོས།ཚོགས་སྲོལ་ཚོགས་སྒྲིག་དམ་པོར་གཏོང་བ་དང་། སྐབས་བརྗེའི་སྒྲིག་ཁྲིམས་ཀྱི་“གཏན་འགོག་བཅུ”དང་ཚོགས་སྲོལ་ཚོགས་སྒྲིག་གི་“གཏན་འགོག་དྲུག”གི་བླང་བྱ་དོན་འཁྱོལ་ནན་པོ་བྱེད།སྒྲིག་ཁྲིམས་སློབ་གསོ་དང་ལྟ་སྐུལ་དྲན་སྐུལ་ལ་དམ་འཛིན་ཡག་པོ་བྱེད་པ། འཐུས་མི་ཡོངས་ཀྱིས་རང་རྟོགས་ངང་ཚོགས་ཆེན་གྱི་གཅིག་གྱུར་བཀོད་སྒྲིག་དང་ལེན་བྱ་རྒྱུར་ཁྲིད་སྟོན་བྱེད།ཚུལ་མིན་སྤྱོད་ཚུལ་སྣ་ཚོགས་བཀག་འགོག་མཐའ་གཅིག་ཏུ་བྱེད་པ་བཅས་བྱས་ནས་ཁུལ་ཏང་གི་འཐུས་མི་ཚོགས་ཆེན་ཐེངས་བཅུ་པ་ལེགས་འགྲུབ་ཡོང་བར་འགན་ལེན་བྱེད་དགོས།