ཟླ་9པའི་ཚེས་22ཉིན། ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅུ་པའི་ཀྲུའུ་ཞི་ཚོགས་པས་ཚོགས་འདུ་ཐེངས་གསུམ་པ་འཚོགས།

བློ་མཐུན་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་།

ཚོགས་འདུའི་ཐོག་འཐུས་མི་ཚོགས་པ་ཁག་གིས་སྐབས་བཅུ་པའི་ཁུལ་ཨུའི་ཨུ་ཡོན་དང་། རྗེས་སྣོན་ཨུ་ཡོན།ཁུལ་སྒྲིག་ཨུའི་ཨུ་ཡོན་བཅས་ཀྱི་འདེམ་སྒུག་པའི་གྲོས་འགོ་མིང་ཐོའི་གནས་ཚུལ་དང་བདེ་ཆེན་ཁུལ་གྱི་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པར་ཞུགས་མཁན་འཐུས་མི་འདེམ་སྒུག་པའི་གྲོས་འགོ་མིང་ཐོའི་གནས་ཚུལ་ནང་མོལ་བྱས་པ།འཐུས་མི་ཚོགས་པ་ཁག་གིས་ཚོགས་ཆེན་གྱི་འདེམས་བསྐོ་བྱེད་ཐབས་(འཆར་ཟིན)གྲོས་བསྡུར་བྱས།

ཚོགས་འདུའི་ཐོག་སྐབས་བཅུ་པའི་ཁུལ་ཨུའི་ཨུ་ཡོན། ཁུལ་སྒྲིག་ཨུའི་ཨུ་ཡོན་གྱི་གྲ་སྒྲིག་འདེམས་བསྐོ་འདེམ་སྒུག་པའི་མིང་ཐོ། བདེ་ཆེན་ཁུལ་གྱི་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པར་ཞུགས་མཁན་འཐུས་མིའི་གྲ་སྒྲིག་འདེམས་བསྐོ་འདེམ་སྒུག་པའི་མིང་ཐོར་བརྡས་ཐག་བཅད་ནས་གྲོས་འཆམ་བྱུང་།ཚོགས་ཆེན་གྱི་འདེམས་བསྐོ་བྱེད་ཐབས་(འཆར་ཟིན)དང་། སྤྱི་ཁྱབ་འདེམས་ཤོག་ལྟ་ཞིབ་པ།འདེམས་ཤོག་ལྟ་ཞིབ་པ་བཅས་ཀྱི་གྲོས་འགོའི་མིང་ཐོར་གྲོས་ཞིབ་བྱས་ནས་གྲོས་འཆམ་བྱུང་། ཁུལ་ཨུའི་སྙན་ཞུའི་《གྲོས་ཆོད་(འཆར་ཟིན)》དང་། ཁུལ་སྒྲིག་ཨུའི་ལས་དོན་སྙན་ཞུའི་《གྲོས་ཆོད་(འཆར་ཟིན)》ལ་གྲོས་ཞིབ་བྱས་ནས་གྲོས་འཆམ་བྱུང་།