ཟླ9ཚེས་22ཉིན་ཀྲུང་གོ་གུང་ཁྲན་ཏང་བདེ་ཆེན་བོད་རིགས་རང་སྐྱོང་ཁུལ་འཐུས་མི་ཚོགས་ཆེན་ཐེངས་བཅུ་པའི་ཀྲུའུ་ཞི་ཚོགས་པས་ཚོགས་འདུ་ཐེངས་བཞི་པ་འཚོགས།

བློ་མཐུན་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ་རེད།

ཚོགས་འདུའི་ཐོག་སྐབས་བཅུ་པའི་ཁུལ་ཨུའི་ཨུ་ཡོན་དང་ཁུལ་སྒྲིག་ཨུའི་ཨུ་ཡོན་དང་བདེ་ཆེན་ཁུལ་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པར་ཞུགས་པའི་འཐུས་མི་སྔོན་འདེམས་འདེམས་སྒུག་བརྩིས་འབྲས་ཀྱི་སྙན་ཞུར་གསན་པ་དང་ཚོགས་འདུའི་ཐོག་སྐབས་བཅུ་པའི་ཁུལ་ཨུའི་ཨུ་ཡོན་དང་རྗེས་སྣོན་ཨུ་ཡོན་དང་ཁུལ་སྒྲིག་ཨུའི་ཨུ་ཡོན་གྱི་དངོས་གཞིའི་འོས་མིའི་གྲོས་འགོའི་མཚན་ཐོ་དང་བདེ་ཆེན་ཁུལ་ཞིང་ཆེན་ཏང་གི་འཐུས་མི་ཚོགས་ཆེན་ཐེངས་བཅུ་གཉིས་པར་ཞུགས་པའི་འཐུས་མིའི་དངོས་གཞིའི་འདེམ་སྒུག་པའི་གྲོས་འགོའི་མཚན་ཐོར་གྲོས་ཞིབ་བྱས་ནས་གྲོས་འཆམ་བྱུང་བ། འཐུས་མི་ཚོགས་པ་ཁག་གིས་སྐབས་དགུ་པའི་ཁུལ་ཨུའི་ལས་དོན་སྙན་སྒྲོན་《གྲོས་ཆོད་(འཆར་ཟིན་)》དང་ཁུལ་སྒྲིག་ཨུའི་ལས་དོན་སྙན་སྒྲོན་《གྲོས་ཆོད་(འཆར་ཟིན་)》ལ་གྲོས་བསྡུར་བྱས་ཚུལ་གྱི་སྙན་ཞུ་གསན་པ་དང་《གྲོས་ཆོད་(་འཆར་ཟིན་)》གཉིས་ལ་གྲོས་ཞིབ་བྱས་ནས་《གྲོས་ཆོད་(འཆར་ཟིན་)》གཉིས་ཚོགས་ཆེན་གྱི་ཚང་འཛོམས་གྲོས་ཚོགས་ཐེངས་བཞི་པར་གྲོས་འཆམ་བྱ་རྒྱུར་འབུལ་རྒྱུའི་མོས་མཐུན་གནང་བ་རེད།