ཉེ་ཆར། ཀོང་ཤིས་ཕིང་ལུའུ་མིས་བཟོས་གཙང་པོའི་རྒྱལ་ནང་ཆུ་བོའི་དུམ་བུའི་འགོ་འཛུགས་ས་ནས་ཆུ་བོ་དང་རྒྱ་མཚོའི་འབྲེལ་མཚམས་བར་ཏེ། ནན་ཉིང་ཧེང་ཀྲོའུ་གྲོང་ཁྱེར་ཕིང་ཐང་ཅང་ཁོའུ་ནས་G75ལན་ཧའེ་མྱུར་བགྲོད་གཞུང་ལམ་གྱི་ཆིན་ཅང་ཟམ་ཆེན་བར“རྒྱལ་ནང་ཆུ་བོའི་Bརིམ་པའི་མཚོ་འགྲུལ་ས་ཁོངས”སུ་གནས་སྐབས་གཏན་འཁེལ་བྱས་པ་དེ་ཀོང་ཤིས་མཚོ་དོན་ཅུས་ཀྱིས་སྤྱི་ཚོགས་ལ་དངོས་སུ་ཁྱབ་བསྒྲགས་བྱས་པ་རེད། དེ་ཐོག་ནས་ཀྲུང་གོ་གསར་པ་དབུ་བརྙེས་ཚུན་སྐམ་སའི་དབུས་ཁུལ་གྱི་གཙང་པོར་སྦྲེལ་ཞིང་རྒྱ་མཚོར་ཤར་གཏོང་ཐུབ་པའི་མིས་བཟོས་གཙང་པོ་དང་པོའི་མཚོ་འགྲུལ་ས་ཁོངས་ཀྱི་མ་ལག་ཁྱོན་ཡོངས་ནས་གཏན་འཁེལ་བྱས་ཏེ། གྲུ་གཟིངས་བདེ་འཇགས་ངང་མཚོ་འགྲུལ་ཐུབ་པར་ལག་རྩལ་གྱི་འདེགས་སྐྱོར་བརྟན་པོ་བྱས་པ་མཚོན་ཡོད།

ཀོང་ཤིས་མཚོ་དོན་ཅུས་ཀྱི་འབྲེལ་ཡོད་འགན་འཁུར་བས། རྒྱལ་ནང་ཆུ་བོའི་གྲུ་གཟིངས་ཀྱི་མཚོ་འགྲུལ་ས་ཁོངས་དེ་ཆུ་དཔྱད་དང་གནམ་གཤིས་ཆ་རྐྱེན་ལ་གཞིགས་ནས། A B Cརིམ་པ་གསུམ་ལ་དབྱེ་ཡོད་པ་དང་། Aརིམ་པའི་མཚོ་འགྲུལ་ས་ཁོངས་སུ་གྲུ་གཟིངས་ཀྱི་གྲུབ་ཆའི་མཁྲེགས་ཚད་དང་། བདེ་འཇགས་སྒྲིག་ཆས་སོགས་ལ་བླང་བྱ་ཆེས་མཐོ་པོ་ཡོད་པ་དང་། Bརིམ་པའི་མཚོ་འགྲུལ་ས་ཁོངས་སུ་བླང་བྱ་འོས་འཚམ་ཡོད་པ། Cརིམ་པའི་མཚོ་འགྲུལ་ས་ཁོངས་སུ་བླང་བྱ་བལྟོས་བཅས་ཀྱིས་དམའ་བ་ཡོད་པ་བཅས་རེད་ཅེས་བཤད།

ཀོང་ཤིས་མཚོ་དོན་ཅུས་ཀྱི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། Bརིམ་པ་དང་དེ་ཡན་གྱི་མཚོ་འགྲུལ་ས་ཁོངས་ཀྱི་གྲུ་གཟིངས་ཕིང་ལུའུ་མིས་བཟོས་གཙང་པོའི་རྒྱལ་ནང་ཆུ་བོའི་དུམ་བུར་ཁྲིམས་མཐུན་ངང་སྐྱོད་ཆོག་གི་ཡོད། གལ་ཏེ་མུ་མཐུད་རྒྱ་མཚོ་ནས་ཆིན་ཀྲོའུ་མཚོ་ཁུག་གི་ཆུ་བོ་དང་རྒྱ་མཚོའི་འབྲེལ་མཚམས་སུ་བསྐྱོད་ན། རྒྱལ་ནང་ཆུ་བོའི་Aརིམ་པའི་ལག་རྩལ་ཆ་རྐྱེན་གྱི་བླང་བྱ་དང་མཚུངས་པ་བྱེད་དགོས། རྒྱལ་ནང་ཆུ་བོར་སྐྱོད་པའི་ཆ་རྐྱེན་འཛོམས་པའི་གྲུ་གཟིངས་ཀྱིས་ཕིང་ལུའུ་མིས་བཟོས་གཙང་པོ་བརྒྱུད་དེ་ཆིན་ཀྲོའུ་མཚོ་ཁུག་གི་ཆུ་བོ་དང་རྒྱ་མཚོའི་འབྲེལ་མཚམས་སུ་ཐད་ཀར་སྐྱོད་ཆོག་ཅིང་། ལམ་བར་དུ་གྲུ་གཟིངས་བརྗེ་པོ་རྒྱག་མི་དགོས་པས། ཟོག་འགྲུལ་ལས་ཕྱོད་ཆེ་རུ་ཤུགས་ཆེན་འགྲོ་བ་མཚོ་འགྲུལ་ས་ཁོངས་ཀྱི་མ་ལག་གིས་ཁ་གསལ་བསྟན་ཡོད།