ལུའོ་ཁྲའོ་ཧྥེང་གིས་བསྟན་དོན།  བདེ་ཆེན་གྱི་རང་བྱུང་སྐྱེ་ཁམས་ཡག་པོས་སྐད་གྲགས་ཁྱབ་པའི་“སེམས་ཀྱི་ཉི་ཟླའི་བེ་ཤ་”གསོ་སྐྱོང་བྱས་པ། དེའི་མིང་རྟགས་ཀྱི་རིན་ཐང་བསྟུད་མར་ལོ་གསུམ་ཀྲུང་གོའི་བཟའ་བྱའི་ཤ་མོའི་བེ་ཤའི་རིགས་ས་ཁོངས་མིང་རྟགས་ཀྱི་ཨང་དང་པོ་གཟི་བརྗིད་ཀྱི་སྒོ་ནས་དང་དུ་ལེན་པ། བེ་ཤ་ནས་འགོ་ཚུགས་པ་དང་བེ་ཤ་ལས་མི་ཚད་པ། སེམས་ཀྱི་ཉི་ཟླའི་བེ་ཤ་དེ་རྒྱལ་ཁབ་ཕྱི་ནང་དུ་སྐད་གྲགས་ཁྱབ་པའི་བདེ་ཆེན་གྱི་ནོར་བུར་གྱུར་བ་མ་ཟད། བདེ་ཆེན་གྱི་སྐྱེ་ཁམས་དཔལ་ཡོན་འཛུགས་སྐྱོང་གི་མིང་ཤོག་དང་མང་ཚོགས་ཀྱི་བདེ་སྐྱིད་འཚོ་བོའི་འདེགས་སྐྱོར་ནུས་ལྡན། ཕྱི་ཕྱོགས་ལ་སྒོ་འབྱེད་སྤེལ་རེས་བྱེད་པའི་འབྲེལ་ཐག་གལ་ཆེན། ཐོན་ལས་ཕྱོགས་སྒྱུར་རིམ་སྤར་གྱི་གསོན་ཉམས་ལྡན་པའི་བསྡུས་རིས་བཅས་ཀྱང་ཡིན། དེ་རིང་གི་བདེ་ཆེན་དུ་རིག་གནས་ཡུལ་སྐོར་དང་མཐོ་སྒང་གི་ཁྱད་ལྡན་དེང་རབས་ཞིང་ལས། འབྱུང་འཕྲོད་ཐོན་ཁུངས།  འབྱུང་འཕྲོད་གཏེར་ལས་བཅས་མགྱོགས་མྱུར་ངང་འཕེལ་རྒྱས་བྱུང་བ་དང་། ཀྲུང་ལུགས་དང་བོད་ལུགས་གསོ་སྨན།  དེང་རབས་ཟོག་འགྲུལ་ཐོན་ལས་གྲ་སྒྲིག་གང་ལེགས་བྱེད་པ།  འཕེལ་རྒྱས་ཀྱི་གོ་སྐབས་རྒྱུན་མི་ཆད་པར་བྱུང་ཡོད་པས།  ལས་རིགས་ཁག་གི་མི་སྣས་བེ་ཤ་སྨྱན་བྱེད་དུ་བྱས་ནས་བདེ་ཆེན་དུ་ཞུགས་པ་དང་བདེ་ཆེན་ལ་རྒྱུས་ལོན་བྱེད་པ། བདེ་ཆེན་དུ་མ་དངུལ་འཇོག་པ།  བདེ་ཆེན་དུ་འབད་འབུངས་བྱེད་དེ་འཛམ་གླིང་གི་“སེམས་ཀྱི་ཉི་ཟླ་”མཉམ་སྐྲུན་མཉམ་སྤྱོད་བྱེད་པའི་རེ་བ་བཏོན།  

    བྱེད་སྒོས་སེམས་ཀྱི་ཉི་ཟླའི་བེ་ཤའི་རིམ་པ་བགོས་བའི་ཚད་གཞི་དང་2026ལོའི་བེ་ཤའི་དུས་ཚིགས་ཀྱི་བྱེད་སྒོ་རབ་དང་རིམ་པ།  དེ་བཞིན་ཧྲུན་ཧྥུང་གི་2026ལོའི་བེ་ཤ་སྐྱེལ་འདྲེན་ཐག་གཅོད་ཇུས་གཞི་བཅས་ཁྱབ་བསྒྲགས་བྱས།  ཀུའོ་ཝེ་དབྱང་དང་ཡན་ཉིང་ཉིང་གཉིས་སེམས་ཀྱི་ཉི་ཟླའི་བེ་ཤའི་དྲིལ་བསྒྲགས་གཞུང་ཚབ་ཆེ་མོ་བའི་འགན་འཁུར་བ་གདན་དྲངས།  ཡུན་ནན་ཞིང་ཆེན་གྱི་གྲོང་ཁྱེར་རྐང་རྩེད་སྤོ་ལོའི་མཉམ་འགྲན་གྱི་བདེ་ཆེན་བའི་ལུས་རྩལ་པ་གསུམ་ལ་2026ལོའི་སེམས་ཀྱི་ཉི་ཟླའི་བེ་ཤ་འོས་སྦྱོར་གཞུང་ཚབ་ཆེ་མོ་བ་ཞེས་པའི་མཚན་སྙན་སྤྲོད་པ།  བེ་ཤའི་ཐོན་ལས་འཕེལ་རྒྱས་ཀྱི་འཐབ་ཇུས་གན་རྒྱ་འཇོག་པ། “སེམས་ཀྱི་ཉི་ཟླའི་བེ་ཤའི་”རྒྱལ་ཁབ་ས་ཁམས་རྟགས་མཚན་བེད་སྤྱོད་འོས་ཚད་ཐོབ་པའི་ཁེ་ལས་ལྔ་ལ་བྱང་བུ་སྤྲོད་པ།

    རང་ཁུལ་གྱི་འབྲེལ་ཡོད་འགོ་ཁྲིད་དང་། ལས་རིགས་ཁག་གིས་ཆེད་ལས་མཁས་པ། ཁེ་ལས་ཀྱི་འཐུས་མི། ཀྲུང་དབྱང་དང་ཞིང་ཆེན།  ཁུལ་གྱི་གསར་འགྱུར་སྨྱན་སྦྱོར་སོགས་ཀྱི་སྐུ་མགྲོན་བྱེད་སྒོར་ཞུགས།