ལུའོ་ཁྲའོ་ཧྥེང་གིས་བསྟན་དོན།  སེམས་ཀྱི་ཉི་ཟླའི་ཁོངས་ཡོངས་ལྟ་སྐོར་རིག་གནས་ཡུལ་སྐོར་རྣམ་གྲངས་ནི་རང་ཁུལ་གྱིས་ཞིང་ཨུ་དང་ཞིང་ཆེན་སྲིད་གཞུང་གི་ཁོངས་ཡོངས་ཡུལ་སྐོར་འཕེལ་རྒྱས་ཤུགས་ཆེན་གཏོང་སྟེ་རྩེར་སོན་ཅན་དང་སྤུས་ཀ་ལེགས་པ་རྒྱུན་འཁྱོངས་བྱེད་དེ་རྩེ་གྲའི་ཚད་གཞི་ལྟར་རྨང་གཞིའི་སྒྲིག་བཀོད་འཐུས་ཚང་དུ་གཏོང་ཞེས་པའི་བླང་བྱ་ལག་བསྟར་དོན་འཁྱོལ་བྱས་པ་དང་།  ཁུལ་ཡོངས་ཀྱི་རིག་གནས་ཡུལ་སྐོར་ཐོན་ལས་སྤུས་འདེགས་རིམ་སྤར་ལ་སྐུལ་འདེད་གཏོང་བའི་གཙོ་གནད་རྣམ་གྲངས་ཡིན།  རྣམ་གྲངས་དེ་ལག་བསྟར་བྱས་པས་སེམས་ཀྱི་ཉི་ཟླའི་ཡུལ་སྐོར་དེ་སྲོལ་རྒྱུན་གྱི་ལྟ་སྐོར་རྣམ་པ་ནས་ཉམས་ལེན་གཏིང་ཟབ་པའི་ཡུལ་སྐོར་གྱི་ཕྱོགས་སུ་སྒྱུར་བར་སྐུལ་འདེད་གཏོང་བ་དང་། ཡུལ་སྐོར་གྱི་སྤུས་ཀ་མཐོར་འདེགས་པ་དང་ཡུལ་སྐོར་གྱི་ཉམས་ལེན་ཕུན་སུམ་ཚོགས་སུ་གཏོང་བ།  མང་ཚོགས་ཀྱི་ཡོང་འབབ་འཕར་སྣོན་རྒྱག་པ་བཅས་ལ་དོན་སྙིང་གལ་ཆེན་ལྡན། 

    ལུའོ་ཁྲའོ་ཧྥེང་གིས་ནན་བཤད་གནང་དོན།  ཐོག་མཐའ་བར་གསུམ་དུ་ཐོན་རྫས་གསར་པ་དང་ལས་རྣམ་གསར་པ།  དཔེ་དབྱིབས་གསར་པ་བཅས་ཀྱི་འཕེལ་རྒྱས་ཀྱི་ཁ་ཕྱོགས་གཞི་རྩར་འཛིན་ཏེ།  བློ་ཐག་རྦད་ཆོད་ཀྱིས་འདྲ་མཚུངས་ཅན་དང་རྒྱུན་གཏན་ཅན་གྱི་ལས་རྣམ་དོར་བ། བདེ་ཆེན་ཁོ་ནར་ཡོད་པའི་ཐོན་ཁུངས་ལ་གཞི་ཚུགས་ནས་ཁྱད་པར་ཅན་དང་མཚོན་རྟགས་རང་བཞིན་གྱི་རིག་གནས་ཡུལ་སྐོར་ཐོན་རྫས་བཞེངས་སྐྲུན་བྱེད་པ། རྒྱུན་མཐུད་ངང་ཡུན་ནན་གྱི་འཚོ་བ་ཟེར་བ་ཞིག་སྟེ་འཛམ་གླིང་གི་“སེམས་ཀྱི་ཉི་ཟླའི་”སྤུས་རྟགས་ཀྱི་གཟུགས་བརྙན་ཅན་གྱི་ལག་ལེན་གཏིང་ཟབ་ཏུ་གཏོང་བ། བདེ་ཆེན་གྱི་རིག་གནས་ཡུལ་སྐོར་ཐོན་ལས་ཕྱོགས་སྒྱུར་རིམ་སྤར་ལ་སྐུལ་འདེད་མགྱོགས་མྱུར་བཏང་ནས་ཁུལ་ཡོངས་ཀྱི་ཡུལ་སྐོར་སྤུས་ཚད་མཐོ་བའི་འཕེལ་རྒྱས་བྱུང་བར་སྒུལ་ནུས་གསར་པ་སྣོན་དགོས། རྣམ་གྲངས་འཛུགས་སྐྲུན་གྱི་མྱུར་ཚད་མགྱོགས་སུ་གཏོང་སྟེ་བདེ་འཇགས་དང་སྤུས་ཚད་ཁག་ཐེག་བྱེད་པའི་སྔོན་འགྲོའི་ཆ་རྐྱེན་འོག ཨར་ལས་ཀྱི་སྐར་ཁུང་དུས་རིམ་དམ་འཛིན་བྱེད་པ།  ནུས་ཤུགས་ཡོད་རྒུས་སུམ་རྩེན་གླིང་ས་ཚུགས་སོགས་དུས་རིམ་དང་པོའི་གཙོ་གནད་ས་ཚུགས་འཛུགས་སྐྲུན་ལ་སྐུལ་འདེད་བཏང་ནས་རྣམ་གྲངས་སྔ་མོ་ནས་སྐྲུན་ཚར་ནས་བདག་གཉེར་བྱེད་པ་དང་སྔ་མོ་ནས་ཕན་འབྲས་འདོན་སྤེལ་བྱེད་པར་ཁག་ཐེག་བྱེད་དགོས།  མ་དངུལ་བསྡུ་རུབ་ཀྱི་ཐབས་ལམ་རྒྱ་སྐྱེད་དེ་ཧུར་ཐག་སྒོས་དངུལ་ཁང་གི་ཡིད་རྟོན་དངུལ་བུན་གྱི་རྒྱབ་སྐྱོར་བརྩོན་ལེན་བྱས་པའི་དུས་མཚུངས་སུ།ཚོང་འགུག་མ་འདྲེན་བྱེད་ཤུགས་ཆེ་རུ་བཏང་ནས་སྟོབས་ཤུགས་ལྡན་པའི་སྤྱི་ཚོགས་མ་རྩ་དེ་བས་མང་པོས་ཐོན་རྫས་ཐེབས་རྩ་སོགས་ཀྱི་བྱ་ཐབས་བརྒྱུད་ནས་རྣམ་གྲངས་འཛུགས་སྐྲུན་ནང་ཞུགས་པར་འགུག་སྟེ་འཕེལ་རྒྱས་ཀྱི་སྒུལ་ཤུགས་ཇེ་ཆེར་གཏོང་དགོས། སྔོན་ཚུད་ནས་གཉེར་སྐྱོང་འཆར་འགོད་བྱེད་དེ་གློག་སྤྱོད་གཤོང་ཚད་ཆེ་རུ་གཏོང་བ་དང་ལམ་རྒྱུད་ཀྱི་འགྲིམ་འགྲུལ་འགན་སྲུང་།  རླངས་འཁོར་གཏོང་བའི་ཐེངས་གྲངས་ཚོད་རྩིས་སོགས་གཉེར་སྐྱོང་གི་ལྷན་སྦྱར་ལས་ཀ་གཅིག་འགྱུར་འཆར་འགོད་ཡག་པོ་བྱས་ནས་ཚན་རིག་དང་མཐུན་པའི་སྒོ་ནས་གཉེར་སྐྱོང་ཇུས་གཞི་གཏན་འབེབས་བྱས་ནས་རྣམ་གྲངས་ཚད་གཞི་མཐོ་བ་དང་སྤུས་ཀ་ལེགས་པའི་ངང་འཁོར་སྐྱོད་བྱེད་པར་ཁག་ཐེག་བྱེད་དགོས། ཁུལ་དང་གྲོང་ཁྱེར་གྱི་འབྲེལ་ཡོད་སྡེ་ཚན་ཁག་གིས་རང་རྟོགས་ངང་སྔོན་ཚུད་ཞབས་ཞུ་དང་རྒྱུ་རྐྱེན་གཙོ་བོ་འགན་སྲུང་ལ་ཤུགས་སྣོན་རྒྱག་སྟེ། དུས་ཐོག་ཏུ་རྣམ་གྲངས་སྐུལ་སྤེལ་ཁྲོད་ཀྱི་དཀའ་ཚེགས་ཆེ་བའི་གནད་དོན་མཐུན་སྦྱོར་དང་ཐག་གཅོད་བྱེད་པ་དང་། རྣམ་གྲངས་ལག་བསྟར་གྱི་བྱེད་པོས་འགན་འཁྲི་གཙོ་བོ་འཁུར་བ་དང་དམིགས་ཚད་གནས་ངེས་གཞི་རྩར་འཛིན་ཏེ་དུས་ཚོད་ཀྱི་ལྷུ་ཚིགས་ལ་དམ་པོར་བལྟ་ནས་ནུས་ཤུགས་ཡོད་རྒུས་རྣམ་གྲངས་འཛུགས་སྐྲུན་སྤུས་འབྲས་ལེགས་གཉེར་ལ་སྐུལ་འདེད་གཏོང་དགོས།  

    ཞུས་ཀོང་ཏེ་དང་ཧོང་ལུང་ཞིན།   ཁུལ་རིམ་པའི་འབྲེལ་ཡོད་སྡེ་ཚན།  སེམས་ཀྱི་ཉི་ཟླ་གྲོང་ཁྱེར་དང་དེ་བཞིན་རྣམ་གྲངས་འཛུགས་སྐྲུན་ནང་ཞུགས་པའི་ལས་ཁུངས་ཀྱི་འབྲེལ་ཡོད་འགན་འཁུར་མི་སྣ་བྱེད་སྒོར་ཞུགས།