ཉེ་ཆར། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་བརྡ་ཐོ་བཀྲམ་ནས་2026ལོར་རྒྱལ་ཡོངས་ཀྱི་ངལ་རྩོལ་དཔེ་བཟང་བཟོ་བོ་600ཡི་གསར་གཏོད་ལས་དོན་ཁང་བསྐྲུན་པར་རྒྱབ་སྐྱོར་བྱ་རྒྱུའི་གཏན་འཁེལ་བྱས་ཤིང་། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་གསར་གཏོད་ལས་དོན་ཁང་ཚང་མར་སྒོར་ཁྲི་10ཡི་ཁ་གསབ་མ་དངུལ་སྤྲོད་རྒྱུ་ཡིན་པའི་དམིགས་ཡུལ་ནི་ལས་བཟོའི་གསར་གཏོད་ཀྱི་གསོན་ཤུགས་སྔར་བས་འཕེལ་བར་བྱས་ནས་ངལ་རྩོལ་དཔེ་བཟང་བཟོ་བོའི་དཔེ་སྟོན་སྣེ་ཁྲིད་ནུས་པ་དེ་བས་ལེགས་པའི་ངང་འདོན་ཆེད་རེད།

ཉེ་བའི་ལོ་3རིང་འཛུགས་སྐྲུན་ལ་རྒྱབ་སྐྱོར་བྱ་རྒྱུའི་ནང་ཚུད་པའི་གསར་གཏོད་ལས་དོན་ཁང་ལ་རིམ་རྩིས་བརྒྱབ་ན་གསར་གཏོད་གྲུབ་འབྲས་ཁྲི་3.2ཐོབ་པ་དང་། ཁེ་བེད་བདག་ཐོབ་རྣམ་གྲངས་ཁྲི་1.92ཐོབ་པ། རྩལ་ནུས་ཤེས་ལྡན་པ་སྣ་ཚོགས་ཁྲི་13.7གསོ་སྐྱོང་བཅས་བྱས་པ་དང་། དེའི་ནང་རྩལ་ནུས་མཐོ་བའི་ཤེས་ལྡན་པ་ཁྲི་4.1ཡོད། དེ་དང་ཆབས་ཅིག གསར་གཏོད་ལས་དོན་ཁང་གི་ཁོངས་མིས“ངལ་རྩོལ་དཔེ་བཟང་བཟོ་བོས་ཁེ་ལས་ལ་རོགས་སྐྱོར་བྱེད་པའི་བྱ་སྤྱོད”དང“ངལ་རྩོལ་དཔེ་བཟང་བཟོ་བོ་སློབ་གྲྭར་སྐྱོད་པ”སོགས་ཀྱི་བྱེད་སྒོའི་ནང་ཧུར་ཐག་ཞུགས་ནས་ངལ་རྩོལ་དཔེ་བཟང་གི་སྙིང་སྟོབས་དང་། ངལ་རྩོལ་གྱི་སྙིང་སྟོབས། བཟོ་བོའི་སྙིང་སྟོབས་བཅས་དར་སྤེལ་ཤུགས་ཆེན་བཏང་ཡོད།

2025ལོའི་ཟླ་10པར། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས《ངལ་རྩོལ་དཔེ་བཟང་བཟོ་བའི་གསར་གཏོད་ལས་དོན་ཁང་བསྐྲུན་པར་ཤུགས་སྣོན་རྒྱག་རྒྱུའི་སྐོར་གྱི་བསམ་འཆར》བཏོན་ནས་2030ལོར་སླེབས་སྐབས། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་འཛུགས་སྐྲུན་ལ་རྒྱབ་སྐྱོར་བྱས་པའི་གསར་གཏོད་ལས་དོན་ཁང་3000ཙམ་དང་རིམ་ཁག་གསར་གཏོད་ལས་དོན་ཁང་ཁྲི་16ཟིན་ནས་གསར་གཏོད་ལས་དོན་ཁང་གི་གསར་གཏོད་འགག་སྒྲོལ་དང་། རྩལ་ནུས་རྒྱུན་འཛིན། ཤེས་ལྡན་པ་གསོ་སྐྱོང་། སྙིང་སྟོབས་དར་སྤེལ་སོགས་ཀྱི་ནུས་པ་ཆེ་རུ་བཏང་སྟེ། སྤྱི་ཚོགས་ཡོངས་ཀྱིས་ངལ་རྩོལ་དཔེ་བཟང་བཟོ་བོའི་ནུས་པ་འདོན་རྒྱུར་སྣང་ཆེན་བྱེད་པ་དང་། གསར་གཏོད་ལས་དོན་ཁང་བསྐྲུན་རྒྱུར་རྒྱབ་སྐྱོར་བྱེད་པ། ཤེས་བྱའི་རྣམ་པ་དང་། རྩལ་ནུས་རྣམ་པ། གསར་གཏོད་རྣམ་པ་བཅས་ཀྱི་ཐོན་ལས་བཟོ་པ་གསོ་སྐྱོང་བྱེད་པའི་རྣམ་པ་བཟང་པོ་བཏོད་པ་བཏོན་ཡོད་པ་རེད།